FD Interest Rates: ఆ రెండు బ్యాంకుల్లో ఎఫ్‌డీలపై కళ్లుచెదిరే వడ్డీ రేట్లు.. ఈ నెలఖరులోపు పెట్టుబడి పెట్టాల్సిందే..!
త మూడు త్రైమాసికాల నుంచి ఆర్‌బీఐ రెపో రేటు యథాతథంగా ఉంచడంతో ఎఫ్‌డీలపై వడ్డీ రేట్లు ఇటీవల పెద్దగా పెంచలేదు. అయితే కొన్ని బ్యాంకులు కస్టమర్లను ఆకట్టుకోవడానికి ఎఫ్‌డీలపై ప్రత్యేక పథకాల ద్వారా అధిక వడ్డీ రేట్లను అందిస్తున్నాయి. భారతదేశంలోని రెండు ప్రధాన ప్రభుత్వ రంగ బ్యాంకులు ఇండియన్ బ్యాంక్, ఐడీబీఐ బ్యాంక్ ప్రస్తుతం ప్రత్యేక ఎఫ్‌డీ పథకాలు అందిస్తున్నాయి.
Srinu | Edited By: Ravi Kiran
Updated on: Oct 23, 2023 | 6:20 PM
మీరు ఫిక్స్‌డ్ డిపాజిట్లల్లో పెట్టుబడిని పెట్టాలని అనుకుంటున్నారా? మీరే కాదు ఒకేసారి సొమ్ము చేతికి వచ్చిన వారు భవిష్యత్‌ అవసరాలను దృష్టిలో పెట్టుకుని ఎఫ్‌డీల్లో పెట్టుబడి పెడుతూ ఉంటారు. ముఖ్యంగా ఈ ఎఫ్‌డీ పథకాల్లో రిటైరైన వారు అధికంగా డిపాజిట్ చేస్తూ ఉంటారు. బ్యాంకులు కూడా ఇటీవల కాలంలో ఎఫ్‌డీలపై అధిక వడ్డీనిస్తున్నాయి. అయితే గత మూడు త్రైమాసికాల నుంచి ఆర్‌బీఐ రెపో రేటు యథాతథంగా ఉంచడంతో ఎఫ్‌డీలపై వడ్డీ రేట్లు ఇటీవల పెద్దగా పెంచలేదు. అయితే కొన్ని బ్యాంకులు కస్టమర్లను ఆకట్టుకోవడానికి ఎఫ్‌డీలపై ప్రత్యేక పథకాల ద్వారా అధిక వడ్డీ రేట్లను అందిస్తున్నాయి. భారతదేశంలోని రెండు ప్రధాన ప్రభుత్వ రంగ బ్యాంకులు ఇండియన్ బ్యాంక్, ఐడీబీఐ బ్యాంక్ ప్రస్తుతం ప్రత్యేక ఎఫ్‌డీ పథకాలు అందిస్తున్నాయి. ఈ రెండు పథకాల్లో పెట్టుబడి అక్టోబర్ 31న ముగుస్తుంది. ఈ ప్రత్యేక ఎఫ్‌డీలు సాధారణ కాల వ్యవధితో పోలిస్తే మరింత ఆకర్షణీయమైన వడ్డీ రేట్లను అందిస్తాయి. ఈ ఎఫ్‌డీ పథకాల వివరాలను ఓ సారి తెలుసుకుందాం.
ఐడీబీఐ ప్రత్యేక ఎఫ్‌డీ పథకం
ఐడీబీఐ బ్యాంక్ 375-444 రోజుల కాలవ్యవధితో రెండు ప్రత్యేకమైన ఎఫ్‌డీ పథకాలను అందిస్తోంది. ఈ పథకాల్లో అక్టోబర్ 31, 2023 లోపు పెట్టుబడి పెట్టాల్సి ఉంటుంది. అమృత్ మహోత్సవ్ ఎఫ్‌డీ స్కీమ్‌గా పిలుస్తున్న 375 రోజుల ఎఫ్‌డీ పథకంలో సాధారణ వ్యక్తులకు 7.10 శాతం వడ్డీ రేటును అందిస్తుంది. అలాగే సీనియర్ సిటిజన్లకు 7.60 శాతంవడ్డీ రేటును ఇస్తున్నారు. 444 రోజుల ఎఫ్‌డీ పథకం విషయంలో సాధారణ ప్రజలు 7.15 శాతం వడ్డీ రేటును పొందవచ్చు. సీనియర్ సిటిజన్లకు 7.65 శాతం వడ్డీ రేటును అందిస్తుంది. ఇండియన్ బ్యాంక్ ప్రత్యేక ఎఫ్‌డీ పథకం
ఇండ్ ప్రత్యేక ఎఫ్‌డీ పథకాలు
ఇండియన్ బ్యాంక్ ప్రత్యేక ఎఫ్‌డీ పథకం ఇండ్ సూపర్ 400 డేస్ ఎఫ్‌డీ స్కీమ్‌గా పిలుస్తారు, ఇది 400 రోజుల కాలవ్యవధిని కలిగి ఉంది. మీరు ఈ పథకంలో రూ. 10,000 నుంచి రూ. 2 కోట్ల వరకు పెట్టుబడి పెట్టవచ్చు. ఈ కాలంలో బ్యాంక్ సాధారణ ప్రజలకు 7.25 శాతం వడ్డీ రేటును, సీనియర్ సిటిజన్లకు 7.75 శాతం అధిక రేటును అందిస్తోంది. సూపర్ సీనియర్ సిటిజన్లు తమ డిపాజిట్‌పై అత్యధిక వడ్డీ రేటును 8.00 శాతంతో అనుభవిస్తారు.
400 రోజుల ఎఫ్‌డీతో పాటు ఇండియన్ బ్యాంక్ 300 రోజుల వ్యవధితో ప్రత్యేక ఎఫ్‌డీ పథకాన్ని ప్రవేశపెట్టింది. ఇది జూలై 1 నుంచి అమల్లో ఉంది. పెట్టుబడిదారులు రూ. 5,000 నుంచి రూ. 2 కోట్ల వరకు మొత్తాలను డిపాజిట్ చేయవచ్చు. ఈ ఎఫ్‌డీ పథకం సాధారణ కస్టమర్లకు ఆకర్షణీయమైన 7.05 శాతం వడ్డీ రేటును అందిస్తుంది. సీనియర్ సిటిజన్లు 7.55 శాతం పొందుతారు. సూపర్ సీనియర్ సిటిజన్లు గణనీయంగా 7.80 శాతం వడ్డీ రేటును పొందవచ్చు. ఈ పథకంలో పెట్టుబడి పెట్టడానికి గడువు అక్టోబర్ 31, 2023తో ముగుస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
