అమెరికా పార్టీ ఎఫెక్ట్‌..! భారీగా పతనమైన టెస్లా షేర్లు.. గత ఆరునెలల్లో..
ప్రపంచంలోని అత్యంత ధనవంతుడైన ఎలోన్ మస్క్ సోషల్ మీడియా ప్లాట్‌ఫామ్ X లో కొత్త రాజకీయ పార్టీని ప్రారంభించాలా వద్దా అని ఒక ప్రశ్న అడిగారు. దాదాపు 65 శాతం మంది వినియోగదారులు ఈ ప్రశ్నకు అనుకూలంగా ఓటు వేశారు. దీని తర్వాత, ఎలోన్ మస్క్ 'అమెరికా పార్టీ' ఏర్పాటును ప్రకటించారు. ఎలోన్ మస్క్ వన్ బిగ్ బ్యూటిఫుల్ బిల్లును తీవ్రంగా విమర్శించాడు.
Updated on: Jul 07, 2025 | 10:17 PM
అమెరికా అధ్యక్షుడు ట్రంప్, టెస్లా అధినేత ఎలాన్ మస్క్ మధ్య వైరం కొనసాగుతూనే ఉంది. ఈ ప్రభావం మస్క్‌కు చెందిన టెస్లా సంస్థపై పడింది. టెస్లా షేర్లు 8శాతం మేర పడిపోయాయి. సోమవారం ప్రీ-మార్కెట్ ట్రేడింగ్‌లో ఎలక్ట్రిక్ వాహనాల తయారీ సంస్థ టెస్లా లిమిటెడ్ షేర్లు 7 శాతం పడిపోయాయి. ప్రీ-మార్కెట్ ట్రేడింగ్‌లో టెస్లా షేర్లు $291.96కి చేరుకున్నాయి. వారాంతంలో దాని వ్యవస్థాపకుడు, CEO ఎలోన్ మస్క్ కొత్త రాజకీయ పార్టీని ప్రకటించిన తర్వాత టెస్లా షేర్లలో ఈ పతనం జరిగింది.
గత ఆరు నెలల్లో టెస్లా షేర్లు 20 శాతానికి పైగా పడిపోయాయి. 52 వారాల గరిష్ట స్థాయి టెస్లా షేర్లు $488.54. అదే సమయంలో, ఎలక్ట్రిక్ వాహనాల తయారీ సంస్థ షేర్ల 52 వారాల కనిష్ట స్థాయి $182. ట్రంప్ తీసుకొచ్చిన ‘బిగ్ బ్యూటిఫుల్’ను మస్క్ వ్యతిరేకించిన విషయం తెలిసిందే. ఈ నేపథ్యంలోనే ఇటీవలే కొత్త రాజకీయ పార్టీని కూడా ప్రకటించారు. మస్క్ చర్యలపై స్పందించిన ట్రంప్.. అతడు గాడితప్పారని విమర్శించారు.
ప్రపంచంలోని అత్యంత ధనవంతుడైన ఎలోన్ మస్క్ సోషల్ మీడియా ప్లాట్‌ఫామ్ X లో కొత్త రాజకీయ పార్టీని ప్రారంభించాలా వద్దా అని ఒక ప్రశ్న అడిగారు. దాదాపు 65 శాతం మంది వినియోగదారులు ఈ ప్రశ్నకు అనుకూలంగా ఓటు వేశారు. దీని తర్వాత, ఎలోన్ మస్క్ ‘అమెరికా పార్టీ’ ఏర్పాటును ప్రకటించారు. ఎలోన్ మస్క్ వన్ బిగ్ బ్యూటిఫుల్ బిల్లును తీవ్రంగా విమర్శించాడు.
మరిన్ని బిజినెస్ వార్తల కోసం క్లిక్ చేయండి..
