ఒక గ్లాస్ నీటితో మీ బంగారం నిజమో, నకిలీదో తెలుసుకోవచ్చు.. ! ఈ సింపుల్ టిప్స్తో మోసపోకుండా ఉంటారు..
బంగారం కొనుగోలు చేసేటప్పుడు అది ఆభరణాలు, నాణేలు లేదా కడ్డీలు అయినా సరే.. మీరు చెల్లించిన దానికి మీకు పూర్తి లాభం దక్కిందా అనేది ముఖ్యం. కానీ, చాలా మంది నకిలీ లేదా తక్కువ క్యారెట్ల బంగారాన్ని కొనుగోలు చేసి మోసపోతుంటారు. నిజానికి, చాలా మందికి బంగారాన్ని ఎలా తనిఖీ చేయాలో తెలియదు. ఈ రోజు మనం ఇంట్లో బంగారం స్వచ్ఛతను చెక్ చేయగల ఐదు సులభమైన పద్ధతుల గురించి తెలుసుకుందాం..
Updated on: Oct 12, 2025 | 7:05 AM
భారతదేశంలో బంగారం కొనడం ఒక ఇష్టమైన పెట్టుబడి ఎంపిక. బంగారాన్ని సంపద, శ్రేయస్సు, అదృష్టానికి చిహ్నంగా భావిస్తారు. అందుకే బంగారం శతాబ్దాలుగా సంపద, హోదాకు చిహ్నంగా ఉంది. అందానికి మాత్రమే కాకుండా దాని మన్నిక బంగారాన్ని అరుదైనదిగా, విలువైనది చేస్తుంది. బంగారం కొనుగోలు చేసేటప్పుడు అది ఆభరణాలు, నాణేలు లేదా కడ్డీలు అయినా సరే.. మీరు చెల్లించిన దానికి మీకు పూర్తి లాభం దక్కిందా అనేది ముఖ్యం. బంగారం నాణ్యత, దాని క్యారెట్ను ఎలా చెక్ చేయాలో తప్పక తెలుసుకోవాలి..కొన్ని సింపుల్ చిట్కాలు అనుసరించటం ద్వారా మీరు దాని స్వచ్ఛతను తెలుసుకోవడం చాలా సులభం.
బంగారం స్వచ్ఛతను సాధారణంగా క్యారెట్లు (K) లేదా వెయ్యికి భాగాలు (సున్నితత్వం)లో కొలుస్తారు. స్వచ్ఛమైన బంగారం 24 క్యారెట్లు, అంటే ఇది ఎటువంటి మిశ్రమ లోహాలు లేకుండా 100శాతం బంగారం. అయితే, స్వచ్ఛమైన బంగారం మృదువైనది. ఈజీగా విరిగిపోతుంది. దెబ్బతినే అవకాశం ఉంది. కాబట్టి దాని బలం, మన్నికను మెరుగుపరచడానికి దీనిని వెండి, రాగి లేదా నికెల్ వంటి ఇతర లోహాలతో కలుపుతారు. సాధారణ స్వచ్ఛత స్థాయిలలో 18K (75శాతం బంగారం), 14K (58.5శాతం బంగారం), 10K (41.7శాతం బంగారం) ఉంటాయి. క్యారెట్ సంఖ్య ఎంత ఎక్కువగా ఉంటే, బంగారం అంత స్వచ్ఛంగా ఉంటుంది. బంగారం కొనేటప్పుడు అవగాహన లేకపోవడం మోసానికి దారితీస్తుంది. ఈ ఐదు పరీక్షలు చేయడం ద్వారా బంగారం అసలైనదో కాదో మీరు సులభంగా తనిఖీ చేయవచ్చు.
వెనిగర్ పరీక్ష: బంగారు ముక్కపై కొన్ని చుక్కల వెనిగర్ వేసి వేచి ఉండండి. బంగారం రంగు మారితే అది నకిలీ. బంగారం అలాగే ఉంటే అది స్వచ్ఛమైనది.
ఆమ్ల పరీక్ష: హైడ్రోక్లోరిక్ ఆమ్లం, నైట్రిక్ ఆమ్లం, ఒక రాయిని తీసుకోండి. ఆ మిశ్రమాన్ని బంగారంపై రుద్దండి. బంగారం కాకుండా వేరే ఏదైనా లోహం ఉంటే, ఆమ్ల మిశ్రమం దానిని కరిగించివేస్తుంది.
అయస్కాంత పరీక్ష: బంగారం స్వచ్ఛతను కొలవడానికి అయస్కాంత పరీక్ష ఒక సులభమైన మార్గం. లోహాలకు అయస్కాంత లక్షణాలు ఉంటాయి. అయితే, బంగారం రియాక్టివ్ కానీ, అయస్కాంతం కాని లోహం. మీరు నిజమైన బంగారాన్ని అయస్కాంతం దగ్గర ఉంచితే, అది కదలదు. కానీ, బంగారం అయస్కాంతానికి అంటుకుంటే, అది స్వచ్ఛమైనది కాదు. తక్కువ క్యారెట్ కలిగి ఉందని అర్థం చేసుకోవాలి.
తేలియాడే పరీక్ష: బంగారం నీటిలో తేలదు ఎందుకంటే అణువులు కలిసి అతుక్కుపోయి వాటి సాంద్రత పెరుగుతుంది. అయితే, మరొక లోహాన్ని జోడిస్తే, బంగారం తేలుతుంది. బంగారాన్ని పరీక్షించడానికి ఇది సులభమైన మార్గం.
హాల్మార్క్ లోగో: మీరు ప్రయోగాలు చేయకూడదనుకుంటే, దాని స్వచ్ఛతను నిర్ణయించడానికి ISI హాల్మార్క్ను చెక్ చేయండి. హాల్మార్క్ అనేది బ్యూరో ఆఫ్ ఇండియన్ స్టాండర్డ్స్ (BIS) జారీ చేసిన బంగారు ఆభరణాలకు వర్తించే ప్రభుత్వ గుర్తు. హాల్మార్క్ లేని బంగారాన్ని కొనుగోలు చేయకూడదు.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..
