Dhanteras 2025: ధన్ తేరాస్ నాడు రూ.100లోపు వచ్చే ఈ వస్తువులు కొంటే లక్ష్మీదేవి ఆశీర్వాదం మీకే..!

హిందూ మతంలో ఏడాది పొడవునా అనేక పండుగలు వస్తుంటాయి. ఈ పండుగలలో ఒకటైన ధంతేరస్ ఐదు రోజుల దీపావళి పండుగ ప్రారంభాన్ని సూచిస్తుంది. దీనిని ధనత్రయోదశి అని కూడా పిలుస్తారు. ఈ పండుగను ప్రతి సంవత్సరం కార్తీక మాసంలోని చీకటి పక్షంలోని పదమూడవ రోజున జరుపుకుంటారు. ఈ రోజు కుటుంబంలో ఆనందం, శ్రేయస్సు, సంపద రాకను సూచిస్తుంది. ధన్‌తేరస్ నాడు బంగారం, వెండి కొనడం శుభప్రదంగా భావిస్తారు. కానీ, మీరు బంగారం, వెండి కొనలేకపోతే చింతించకండి. జ్యోతిశాస్త్ర నిపుణుల మేరకు ధన్‌తేరస్ నాడు కొనడానికి శుభప్రదంగా భావించే మరికొన్ని వస్తువులు కూడా ఉన్నాయి. ఇవి మీ ఇంటికి ఆనందం, శ్రేయస్సును తెస్తాయి.

హిందూ క్యాలెండర్ ప్రకారం, ధన్ తేరస్ త్రయోదశి తిథి నాడు జరుపుకుంటారు. ఈ సంవత్సరం, త్రయోదశి తిథి అక్టోబర్ 18వ తేదీ శనివారం మధ్యాహ్నం 12:18 గంటలకు ప్రారంభమై అక్టోబర్ 19వ తేదీ ఆదివారం మధ్యాహ్నం 1:51 గంటలకు ముగుస్తుంది. మన ఆచారంలో సూర్యోదయ తేదీ అయిన ఉదయతిథికి ప్రత్యేక ప్రాముఖ్యత ఉంది. అందువల్ల ధన్ తేరస్ 2025 అక్టోబర్ 18వ తేదీ శనివారం జరుపుకుంటారు. ఈ రోజు బంగారం వెండికి బదులుగా ఇలాంటి వస్తువులు కొనుగోలు చేయటం కూడా శుభప్రదం అంటున్నారు నిపుణులు.

ఇత్తడి – ఇత్తడిని ధన్వంతరి దేవుడి లోహంగా భావిస్తారు. ఇత్తడి పాత్రలను కొనడం వల్ల ఇంటికి ఆరోగ్యం, అదృష్టం, 13 రెట్లు సంపద లభిస్తుందని నమ్ముతారు.

ఇవి కూడా చదవండి

ఈ ప్రదేశంలో కూర్చుని తింటే పేదరికం పెరుగుతుంది..! రూపాయికి కూడా..

సైకిల్‌ కొంటాం..లోన్‌ కావాలంటూ బ్యాంకు వెళ్లిన చిన్నారులు..!

ఓరీ దేవుడో ఇది చేప అనుకుని పట్టారో చచ్చరే..! నాగుపాము కంటే డేంజర్

ఈ పాములు సొమరితనానికి బ్రాండ్అంబాసిడర్!కానీ, మెరుపు దాడి చేస్తాయి

చీపురు – ధంతేరాస్ నాడు చీపురు కొనడం చాలా శుభప్రదంగా భావిస్తారు. చీపురును లక్ష్మీదేవి చిహ్నంగా భావిస్తారు. కొత్త చీపురు ఇంటి నుండి పేదరికాన్ని తొలగిస్తుందని, ఆనందం, శ్రేయస్సును తెస్తుందని నమ్ముతారు. ఈ చీపురును ఇంటికి తీసుకువచ్చిన తర్వాత ఉపయోగించే ముందు దానిని పూజించండి.

ధనియాలు – ధంతేరస్ నాడు ధనియాలను కొని లక్ష్మీ దేవికి సమర్పించడం శుభప్రదంగా భావిస్తారు. కొత్తిమీరను సంపదకు చిహ్నంగా కూడా భావిస్తారు. పూజ తర్వాత, ఈ విత్తనాలను దాచుకోవడం వల్ల శ్రేయస్సును తెస్తుందని నిపుణులు చెబుతున్నారు. ధనియాలను డబ్బు దాచే ప్రదేశంలో ఉంచితే మంచి జరుగుతుంది. దీపావళి నాడు లక్ష్మీదేవి, గణేశుడి విగ్రహాలను కొనుగోలు చేయాల్సి ఉంటుంది. ఈ ధన త్రయోదశి రోజున ఇంటికి తీసుకు వచ్చిన కూడా దీపావళి నాడు పూజించినా సంపద, శ్రేయస్సు లభిస్తుందట. శ్రీయంత్రం, కుబేర యంత్రాన్ని కొనుగోలు చేసినా మంచిదేనట.

గోమతి చక్రం – ఈ వస్తువు చాలా పవిత్రమైనది. అద్భుతంగా పరిగణించబడుతుంది. ధంతేరాస్ నాడు 11 గోమతి చక్రాలను కొనుగోలు చేసి, వాటిని ఎర్రటి గుడ్డలో చుట్టి మీ అల్మారాలో ఉంచడం వల్ల ఆర్థిక సమస్యలు తొలగిపోయి మీ ఆర్థిక పరిస్థితిని బలోపేతం చేసుకోవచ్చునని నిపుణులు సూచిస్తున్నారు.

Note : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..