Budget-2024: బడ్జెట్‌ ప్రతుల కోసం ఎరుపు రంగు బ్యాగునే ఎందుకు వాడుతారు?

ఆర్థిక మంత్రి నిర్మలా సీతారామన్ తన ఏడో బడ్జెట్‌ను జూలై 23, 2024న పార్లమెంట్‌లో ప్రవేశపెట్టనున్నారు. బడ్జెట్ రోజున, ప్రతి ఆర్థిక మంత్రి చేతిలో ఎరుపు రంగు బ్రీఫ్‌కేస్ లేదా బ్యాగ్ ఉంటుంది. అయితే, 2019లో సీతారామన్ బ్రీఫ్‌ల సంప్రదాయాన్ని ఉల్లంఘించి, ఎరుపు రంగు లెడ్జర్‌లను ఎంచుకున్నారు. 2021 సంవత్సరంలో ఆమె ఒక టాబ్లెట్‌ను ఉపయోగించారు. కానీ అది కూడా ఎర్రటి గుడ్డతో కప్పబడి ఉంటుంది. ఈ బ్యాగ్ ఎరుపు రంగులో ఎందుకు ఉంది లేదా ఎరుపు రంగు వస్త్రంతో ఎందుకు కప్పబడి ఉంటుందనే విషయాన్ని మీరెప్పుడైనా గమనించారా? ఇందులో ఇతర రంగులు ఎందుకు ఉపయోగించలేదు? ఈ సంప్రదాయం ఎంతకాలం నుండి కొనసాగుతోంది? బడ్జెట్‌కు సంబంధించిన కొన్ని ఆసక్తికరమైన విషయాల గురించి తెలుసుకుందాం.

బ్రిటిష్ వారితో అనుబంధం:

బడ్జెట్ బ్రీఫ్‌కేస్ లేదా బ్యాగ్ ఎరుపు రంగు బ్రిటిష్ వారితో ముడిపడి ఉంటుంది. నిపుణుల అభిప్రాయం ప్రకారం, 1860లో బ్రిటీష్ ఛాన్సలర్ గ్లాడ్‌స్టోన్ క్వీన్స్ మోనోగ్రామ్‌తో కూడిన ఎర్రటి తోలు బ్రీఫ్‌కేస్‌ను మొదటిసారిగా పరిచయం చేశాడు. దీనిని గ్లాడ్‌స్టోన్ బాక్స్ అని పిలుస్తారు. ఎరుపు రంగు ఎంపిక వెనుక రెండు కారణాలు ఉన్నాయి. మొదట ఇది సాక్స్-కోబర్గ్-గోథా సైన్యంలో చాలా ముఖ్యమైనది. దీని కారణంగా బడ్జెట్ బ్రీఫ్‌కేస్ ఎరుపు రంగులో ప్రవేశపెట్టారు. రెండవ కారణం ఏమిటంటే 16వ శతాబ్దం చివరలో క్వీన్ ఎలిజబెత్ ప్రతినిధి స్పానిష్ రాయబారికి బ్లాక్ పుడ్డింగ్, స్వీట్ డిష్‌తో నిండిన ఎరుపు రంగు బ్రీఫ్‌కేస్‌ను బహుకరించారు. దీని కారణంగా ఎరుపు రంగు సంప్రదాయం ప్రారంభమైంది.

ఇది కూడా చదవండి: అంబానీయా మజాకా.. అనంత్-రాధిక పెళ్లిలో ఇన్ని వేల రకాల వంటలా? వీడియో చూస్తే ఆశ్చర్యపోతారు!

ఈ కారణాల వల్ల ఎరుపు రంగు కూడా ముఖ్యమైనది

బడ్జెట్ రోజు ప్రత్యేకమైనది. దానిపై అనేక ముఖ్యమైన ప్రకటనలు చేశారు. అందుకే దానికి సంబంధించిన పత్రాలు ఉన్న బ్యాగ్ కూడా ప్రత్యేకమైనది. అందువల్ల ఇది ఆకర్షణీయంగా కనిపించే రంగు కాబట్టి బ్రీఫ్‌కేస్ లేదా బ్యాగ్‌ ఎరుపు రంగుతో ఆర్థిక శాఖ మంత్రి బడ్జెట్‌ సమావేశాలకు వస్తారు. ఈ ఎరుపు రంగు దృష్టిని ఆకర్షిస్తుంది కాబట్టి, ఈ రంగు ముఖ్యమైన ప్రకటనలకు మంచి ఎంపికగా పరిగణిస్తారు. ఇది కాకుండా ఎరుపు రంగు భారతీయ సంప్రదాయానికి చిహ్నంగా కూడా పరిగణిస్తారు. సాధారణంగా ఎరుపు వస్త్రాన్ని మతపరమైన గ్రంథాలను కవర్ చేయడానికి ఉపయోగిస్తారు. దీని కారణంగా బడ్జెట్ ప్రకటనలో ఈ రంగుకు ప్రత్యేక ప్రాముఖ్యత ఉంది.

ఇది కూడా చదవండి: Post Office Scheme: నెలకు రూ. 500 పెట్టుబడితో మెచ్యూరిటీ తర్వాత రూ. 4.12 లక్షలు.. ఎలాగంటే

మరిన్ని బిజినెస్ వార్తల కోసం ఇక్కడ క్లిక్ చేయండి