Budget 2023: మా వంటింటి బడ్జెట్ అప్పుల్లో ముంచేస్తోంది.. ఏమైనా చేయరూ
మరికొన్ని రోజుల్లో పార్లమెంట్ సమావేశాలు ప్రారంభం కానున్నాయి. ఫిబ్రవరి 1న కేంద్ర ఆర్థిక శాఖ మంత్రి నిర్మలాసీతారామన్ 2023 బడ్జెట్ను ప్రవేశపెట్టనున్నారు. కేంద్రానికి ఇదే చివరి..
Updated on: Jan 20, 2023 | 9:35 AM
మరికొన్ని రోజుల్లో పార్లమెంట్ సమావేశాలు ప్రారంభం కానున్నాయి. ఫిబ్రవరి 1న కేంద్ర ఆర్థిక శాఖ మంత్రి నిర్మలాసీతారామన్ 2023 బడ్జెట్ను ప్రవేశపెట్టనున్నారు. కేంద్రానికి ఇదే చివరి బడ్జెట్ కావడంతో ఏయే వర్గానికి ఎలాంటి బడ్జెట్ ఉంటుందనే దానికి దేశ ప్రజలు ఉత్కంఠగా ఎదురు చూస్తున్నారు. ఇక బడ్జెట్పై తమ అభిప్రాయాలను తెలియజేయాలంటూ కేంద్రం తెలుపడంతో చాలా మంది లేఖల రూపంలో అభిప్రాయాలు తెలియజేస్తున్నారు.
నిర్మలా అక్కా..
హాయ్,
నా పేరు రజిత. నేను ఆంధ్రప్రదేశ్లోని విజయవాడ నివాసిని. గత సంవత్సరం నేను బంధువుల వద్ద ఉన్నప్పుడు, మీరు టీవీలో మాట్లాడటం చూశాను. నాకు బాగా నచ్చింది.. ఈరోజు వరకు మీరు బడ్జెట్లో మహిళలకు చెప్పిన మంచి మాటలు నాకు బాగా గుర్తున్నాయి. ఇప్పుడు మా ఇంట్లో టీవీ తరచూ రీఛార్జ్ చేయడం లేదు. నా భర్త , పిల్లలు మొబైల్ లోనే ఎప్పుడూ ఉంటున్నారు. నిర్మలా అక్కా.. మా విషయం మీరు బాగా అర్ధం చేసుకోగలవు. అందుకే నీకు ఈ ఉత్తరం రాస్తున్నాను. ఇప్పుడు నా కొడుకు ఆదిత్య స్కూల్ కి వెళుతున్నాడు. తాను చక్కగా రాస్తాడు. ఈ ఉత్తరం తానే నీకు రాశాడు. అక్కా.. నా భర్త ప్రైవేట్ ఉద్యోగం చేస్తున్నాడు. కొడుకు ఆదిత్య, కూతురు లాస్య ఇద్దరూ స్కూల్ కి వెళ్తారు..కుటుంబంలో నా భర్త, పిల్లలే కాకుండా మా వృద్ధ అత్తగారు కూడా మాతో ఉంటారు.
అక్కా.. మీరు నాలాగా వంటగదిని మాత్రమే చూసుకోరు. కానీ, మా సమస్యలేవీ మీకు తెలియకుండా ఉండవని నాకు తెలుసు. గత ఏడాది కాలంలో పాలవాడు మూడుసార్లు ధర పెంచాడు. ఏమిటి ఇది అని అడిగితే ఊక, పశువుల గడ్డి ధరలు పెరిగిపోయాయి అని చెబుతున్నాడు. అక్కా.. రేషన్ బిల్లు కూడా ప్రతి నెలా 200 నుంచి 400 రూపాయల వరకు పెరుగుతోంది. ఒక్కోసారి సన్ ఫ్లవర్ ఆయిల్ ఖరీదు అవుతుంది. ఒక్కోసారి మసాలాలు, పేస్ట్, సబ్బు, స్క్రబ్స్ ధరలు పెరుగుతాయి. ఇంకేముంది… అక్కా, నమ్మండి, కాదంటే, మొదటి సారి.. ఈ సంవత్సరం, గోధుమ పిండి ధర కూడా పెరిగింది.
మార్కెట్లో ఏ మంట వచ్చిందో నాకు తెలియదు. సిలిండర్ కూడా 1000 రూపాయలకు పైగా మారింది. దీదీ, మొదటి సిలిండర్ వచ్చిన తర్వాత మా ఎకౌంట్ లో కొంత డబ్బు వచ్చేది.. ఇప్పుడు అది కూడా ఆగిపోయింది… దీనిపై ఏజెన్సీలో ఆరా తీయగా, ప్రభుత్వం ఆపివేసిందని చెప్పారు. మా నిర్మాలక్క మమ్మల్ని ఇలా చేయలేరని చెప్పాను. అక్కా.. దయచేసి నేను ఏజన్సీ వ్యక్తికి ఏం సమాధానం చెప్పాలో బడ్జెట్లో చెప్పండి. మీ ప్రసంగం మొబైల్లో వింటానని నా భర్తకు ఇప్పటికే చెప్పాను.
అక్కా.. ఇంతకు ముందు నేను నాభర్త ఇచ్చిన డబ్బులు కొంత ఆదా చేసి దాచుకునే దానిని. ఇప్పుడు ఖర్చులకు నా భర్త తెచ్చే డబ్బు సరిపోవడం లేదు. ఇంతకు ముందు మా అత్తగారి వైద్యానికి కూడా నెలకు 900 రూపాయలు ఖర్చు అయ్యేవి. అవి ఇప్పుడు 1250 రూపాయలకు చేరాయి. నెల రోజులుగా పెరుగుతున్న ఖర్చుల కారణంగా రోజూ ఇంట్లో గొడవలు జరుగుతున్నాయి. జీతం పెరగనప్పుడు డబ్బులు ఎక్కడి నుంచి తేవాలి? అంటాడు నా భర్త..? అతని పరిస్థితి నాకు కూడా అర్థమైంది అక్కా.. అయితే, మనం కూడా ఏం చేయాలో ఇప్పుడు చెప్పండి? ఏ ఖర్చులు ఆపాలి? ఇప్పుడు కడుపు నిండా తినకూడదా? అనారోగ్యం వస్తేనే కదా మందులు తినేది. ఊరికే మందులు తీసుకోవాలని ఎవరూ అనుకోరు కదా.
అక్క, ఈసారి బడ్జెట్ను సిద్ధం చేస్తున్నప్పుడు, మీరు నా భర్త లాంటి వారి ఆదాయం పెరిగెలా చేయడం లేదా మా ఖర్చులు తగ్గేలా పని చేయాలి. నిర్మాలక్కా.. మేము తక్కువ చదువుకున్నాము, కానీ మీకు చాలా తెలుసు…అక్కా.. నా లాంటి వారికి కొంత సహాయం చేయండి, మేము సమర్ధంగా మా కుటుంబాలు నిర్వహించుకునే ధైర్యం ఇవ్వండి. మమ్మల్ని నిరాశపరచవద్దు నిర్మాలక్కా!
ఇట్లు మీ
రజిత
మరిన్ని బడ్జెట్ వార్తల కోసం ఇక్కడ క్లిక్ చేయండి
