FCI లో 4,103 ఖాళీలు

FCI భారీ మొత్తంలో ఉద్యోగాల భర్తీకి శ్రీకారం చుట్టింది. ఈ మేరకు 4,103 పోస్టుల భర్తీకి సంబంధించి గురువారం (ఫిబ్రవరి 28) ఆన్‌లైన్ దరఖాస్తు ప్రక్రియ ప్రారంభమైంది. అభ్యర్థులు దరఖాస్తు ఫీజుగా రూ.500 చెల్లించి మార్చి 30 వరకు దరఖాస్తు చేసుకోవచ్చు. ఎస్సీ, ఎస్టీ, దివ్యాంగులు, రక్షణ దళాలకు చెందినవారు, ఎక్స్-సర్వీస్‌మ్యాన్ అభ్యర్థులకు ఫీజు నుంచి మినహాయింపు ఉంది. దరఖాస్తు చేసుకున్న అభ్యర్థులకు ఆన్‌లైన్ రాతపరీక్ష, స్కిల్ టెస్ట్, డాక్యుమెంట్ వెరిఫికేషన్ నిర్వహించి తుది నియామకాలు చేపడతారు. అభ్యర్థులు ఏదైనా ఒక్క జోన్ పరిధిలో పోస్టులకు మాత్రమే దరఖాస్తు చేసుకోవాల్సి ఉంటుంది.