Viral Wedding Card : వావ్.. వాటే క్రియేటివిటీ.. ఇలాంటి పెళ్లి కార్డు మీరెప్పుడైనా చూశారా..? తీసుకోవాలంటే మొహమాటమే..!
పెళ్లికార్డు నుంచి.. పెళ్లి వేదిక.. ఇతర కార్యక్రమాలు అన్నీ వెరైటీగా ప్లాన్ చేస్తున్నారు.. తాజాగా, ఆంధ్రప్రదేశ్కు చెందిన ఓ వివాహ ఆహ్వాన పత్రిక ఇప్పుడు నెట్టింట తెగ సందడి చేస్తోంది.
Updated on: Jan 26, 2023 | 9:50 AM
ఇంటర్నెట్ వినియోగం విచ్చలవిడిగా మారిపోయింది. సోషల్ మీడియా వేదికగా చిత్ర విచిత్రమైన పోస్ట్లు, వీడియోలు వైరల్ అవుతుంటాయి. అదే తరహాలో ఒక వెడ్డింగ్ కార్డు ఇప్పుడు వైరల్ అవుతోంది. పెళ్లి శుభలేఖ వైరల్ కావటం ప్రస్తుత కాలంలో మామూలే అయిపోయింది. ఎందుకంటే.. ఇప్పుడు ట్రెండ్ మారింది.. కొత్త తరహాలో ఆలోచిస్తోంది యువతరం.. ముఖ్యంగా తమ పెళ్లి విషయంలో మరింత క్రియేటివిటీని యాడ్ చేసుకుంటున్నారు. పెళ్లికార్డు నుంచి.. పెళ్లి వేదిక.. ఇతర కార్యక్రమాలు అన్నీ వెరైటీగా ప్లాన్ చేస్తున్నారు.. తాజాగా, ఆంధ్రప్రదేశ్కు చెందిన ఓ వివాహ ఆహ్వాన పత్రిక ఇప్పుడు నెట్టింట తెగ సందడి చేస్తోంది. రెండు వేల రూపాయల నోటు తరహాలో పెళ్లి శుభలేఖ అచ్చు వేయించి అందర్నీ ఆశ్చర్యపరిచారు.
తూర్పుగోదావరి జిల్లా రాజమండ్రికి చెందిన ఏడిద వెంకటేష్.. తన చిన్న కుమార్తె పెళ్లికి రెండు వేల రూపాయల నోటు తరహాలో శుభలేఖ అచ్చు వేయించారు. చిన్న పరిమాణంలోనే.. 2 వేల రూపాయల నోటును పోలినట్లుగా తయారు చేయించిన ఈ పెళ్లి కార్డు అందరినీ ఆకట్టుకుంటోంది..కరెన్సీ నోటుపై రిజర్వ్ బ్యాంక్ ఆఫ్ ఇండియా అని అక్షరాలుండే చోట రిజర్వ్ బ్యాంక్ ఆఫ్ లవ్ అనే పదం చేర్చారు. వివాహ బంధంతో ఒక్కటవుతున్నాం.. చివరి శ్వాసవరకూ కలసి ఉంటామంటూ కార్డుపై ప్రస్తావించారు. అలాగే నోటుకు మరోవైపు వివాహానికి సంబంధించి వివరాలు ముద్రించారు.
ఈ వెరైటీ శుభలేఖల్ని బంధువులు, స్నేహితులకు అందిస్తుంటే.. నిజంగా రెండు వేల నోటు అనుకుని తీసుకునేందుకు మొహమాటపడ్డారు. ఆ తర్వాత 2వేల నోటును పోలి ఉన్న శుభలేఖేనని తెలుసుకుని.. వాళ్ల క్రియేటివీటీకి ఫిదా అయ్యారు. అంతేకాదు 2017లో వెంకటేష్ తన పెద్ద కుమార్తె పెళ్లికి బ్యాంక్ ఏటీఎం కార్డు తరహాలో శుభలేఖను తయారు చేయించారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
