గుంటూరు జీజీహెచ్‌లో ముగ్గురు వైద్యులకు కరోనా

ఏపీలో కరోనా విజృంభణ కొనసాగుతోంది. ఇప్పటికే నమోదైన కరోనా పాజిటివ్ కేసుల సంఖ్య 11వేలను దాటేసింది. ఇదిలా ఉంటే గుంటూరులోని జీజీహెచ్‌ ఆసుపత్రిలో కరోనా కలకలం రేపింది. ఆసుపత్రిలో ముగ్గురు డాక్టర్లకు ఈ వైరస్ సోకింది. కాగా ఈ వైద్యులు ఇటీవల అత్యాచారానికి గురైన బాలికకు చికిత్స చేశారు. దీంతో ఆ బాలికతో పాటు ఆమె తల్లికి కూడా కరోనా సోకింది. ఈ క్రమంలో అధికార యంత్రాంగం అప్రమత్తమైంది. వైద్యులతో పాటు బాలిక కాంటాక్ట్ కేసులను కనుగునే పనిలో పడ్డారు. కాగా ఏపీలో కరోనా కేసుల సంఖ్య 11489 చేరింది. వీరిలో 5169 మంది కోలుకోగా.. 6147 మంది ఆసుపత్రుల్లో చికిత్స పొందుతున్నారు. 146 మంది ఈ వైరస్ సోకి మృత్యువాతపడ్డారు. 7,91,624 కరోనా పరీక్షలను నిర్వహించారు.