Andhra pradesh: మంగళగిరి చేనేతకు అరుదైన గౌరవం.. జాతీయ స్థాయిలో గుర్తింపు.
ఆంధ్రప్రదేశ్లో చేనేత రంగానికి పెట్టింది పేరు మంగళగిరి పట్టణం. ఇక్కడ తయారయ్యే చీరలకు జాతీయ స్థాయిలో ఎంతో గుర్తింపు ఉంది. తాజాగా మంగళగిరి చేనేతకు మరో అరుదైన గౌరవం దక్కింది. చేనేతకు జిఐ గుర్తింపు లభించింది. ఆగస్టు 7 చేనేత దినోత్సవం. చేనేత దినోత్సవం సందర్భంగా ప్రధాని మోదీ నేతన్నలతో వర్చువల్గా మాట్లాడనున్నారు. ఇందుకోసం దేశంలోని...
Updated on: Jul 26, 2023 | 5:30 PM
ఆంధ్రప్రదేశ్లో చేనేత రంగానికి పెట్టింది పేరు మంగళగిరి పట్టణం. ఇక్కడ తయారయ్యే చీరలకు జాతీయ స్థాయిలో ఎంతో గుర్తింపు ఉంది. తాజాగా మంగళగిరి చేనేతకు మరో అరుదైన గౌరవం దక్కింది. చేనేతకు జిఐ గుర్తింపు లభించింది. ఆగస్టు 7 చేనేత దినోత్సవం. చేనేత దినోత్సవం సందర్భంగా ప్రధాని మోదీ నేతన్నలతో వర్చువల్గా మాట్లాడనున్నారు. ఇందుకోసం దేశంలోని 75 మంది చేనేత కార్మికులు, ఉత్పత్తిదారులను ఎంపిక చేశారు.
ఇందుకోసం కేంద్ర జౌళి శాఖ ఆధ్వర్యంలో మూడు ప్రత్యేక బృందాలు దేశ వ్యాప్తంగా పర్యటించాయి. ఒక బృందం మంగళగిరిలో చేనేత కార్మికులు కోసం నిర్మిస్తున్న మగ్గం షెడ్లు, చేనేత భవన సముదాయాన్ని పరిశీలించింది. దీంతో పాటు రాష్ట్ర ప్రభుత్వం చేనేత కార్మికులకు అందిస్తున్న చేనేత నేస్తం పథకంపై కూడా ఆరా తీసింది. ఇక్కడ నుండి వెళ్ళిన తర్వాత మంగళగిరిలో ఇంకా చేనేత కార్మికులు పెద్ద సంఖ్యలో ఉండటం, చేనేతను కాపాడుకునే ప్రయత్నం చేస్తుండటంతో మంగళగిరి నేతన్నను ప్రధాని మాట్లాడేందుకు ఎంపిక చేసింది. ఈ విషయాన్ని కేంద్ర జౌళి శాఖాధికారులు స్థానిక ఎమ్మెల్యేకు సమాచారం ఇచ్చారు.
వచ్చే నెల ఏడో తేదీన ప్రధానితో వర్చువల్గా మాట్లాడేందుకు మగ్గం షెడ్ల ప్రాంగణాన్ని సిద్దం చేయాలని ఎమ్మెల్యే ఆళ్ళ రామకృష్ణారెడ్డి అధికారులను ఆదేశించారు. అదే విధంగా ప్రధాని మాట్లాడనున్న వారిని కూడా ఎంపిక చేసి వారి పేరు కేంద్రానికి పంపాలని ఎమ్మెల్యే సూచించారు. రెండు తెలుగు రాష్ట్రాల్లో మంగళగిరి దక్కిన అరుదైన అవకాశంగా దీనిని భావిస్తున్నామని ఎమ్మెల్యే ఆర్కే చెప్పారు. ఈ ప్రాంతం చేనేత కార్మికుడికి దక్కిన గుర్తింపుగా భావిస్తున్నామన్నారు.
మరిన్ని ఆంధ్రప్రదేశ్ వార్తల కోసం క్లిక్ చేయండి..
