Andhra Pradesh: స్కిల్ డెవలప్మెంట్ కుంభకోణంలో కీలక మలుపు.. పెద్ద తలకాయల అరెస్ట్‌కు రంగం సిద్ధం..!
సీమెన్స్ కూడా ఇందుకు సంబంధించిన కొన్ని ఆధారాల్ని CIDకి ఇచ్చినట్టు తెలుస్తోంది. ఈనేపథ్యంలోనే ఈ కేసులో త్వరలో అరెస్టులు ఉండొచ్చనే మాట వినిపిస్తోంది.
Updated on: Mar 06, 2023 | 9:48 PM
ఏపీ స్కిల్ డెవలప్మెంట్ స్కాం కేసు కీలక మలుపు తిరిగింది. పెద్దస్థాయి అరెస్టులకు దారితీస్తోంది. అప్పట్లో స్కిల్‌డెవలప్‌మెంట్ అధికారిగా పనిచేసిన అర్జా శ్రీకాంత్‌ను విచారించేందుకు నోటీసులు జారీ చేసే దిశగా సీఐడీ ముందుకుసాగుతోంది. ఈ కేసుకు సంబంధించి మరింత మందిని అరెస్టు చేసేందుకు సన్నద్ధమవుతోంది. గతంలో నైపుణ్యాభివృద్ధిపేరిట రూ.3300 కోట్లకు సీమెన్స్-డిజిటల్‌ టెక్ ఒప్పందం కుదుర్చుకున్నాయి. 10 శాతం వాటాగా జీఎస్టీతో కలిపి అప్పటి టీడీపీ ప్రభుత్వం రూ.370 కోట్లు చెల్లించింది. మిగిలిన 90 శాతం సీమెన్స్ సంస్థ చెల్లిస్తుందని ఒప్పందంలో ఉంది. చివరకు తమకు సంబంధం లేదని సీమెన్స్ అంతర్జాతీయ సంస్థ ప్రకటించింది. అప్పటి సీమెన్స్ – డిజిటల్‌ టెక్ స్కామ్‌పై కేంద్ర IT శాఖ కూడా పూర్తి స్థాయిలో దృష్టిపెట్టింది. సీమెన్స్ ఇంటర్నెల్‌ టీమ్‌ కూడా తమ కంపెనీ పేరుతో మోసాలకు పాల్పడ్డట్టు గుర్తించింది.
సీమెన్స్ పేరిట మోసాలకు పాల్పడ్డారని తేల్చిన సీఐడీ… సీమెన్స్ కూడా ఇందుకు సంబంధించిన కొన్ని ఆధారాల్ని CIDకి ఇచ్చినట్టు తెలుస్తోంది. ఈనేపథ్యంలోనే ఈ కేసులో త్వరలో అరెస్టులు ఉండొచ్చనే మాట వినిపిస్తోంది.
అప్పటి సీమెన్స్ – డిజిటల్‌ టెక్ స్కామ్‌పై కేంద్ర IT శాఖ కూడా పూర్తి స్థాయిలో దృష్టిపెట్టింది. 2016-18 మధ్యే ఈ మొత్తం స్కాం జరిగింది. ఈ కుంభకోణంపై విజిల్‌ బ్లోయర్‌ గతంలోనే ఏసీబీకి ఫిర్యాదు చేసింది.
మరిన్ని ఏపీ వార్తల కోసం ఇక్కడ క్లిక్ చేయండి..
