AP Corona Updates: ఏపీలో కరోనా విలయతాండవం.. గడిచిన 24 గంటల్లో 9,881 పాజిటివ్‌ కేసులు

AP Corona Updates: ఏపీలో కరోనా విలయతాండవం చేస్తోంది. రోజురోజుకు రికార్డు స్థాయిలో కరోనా కేసులు నమోదు కావడం ఆందోళన కలిగిస్తోంది. గడిచిన 24 గంటల్లో 74,041 మందికి కరోనా

Subhash Goud |
Updated on: Apr 26, 2021 | 8:32 PM

AP Corona Updates: ఏపీలో కరోనా విలయతాండవం చేస్తోంది. రోజురోజుకు రికార్డు స్థాయిలో కరోనా కేసులు నమోదు కావడం ఆందోళన కలిగిస్తోంది. గడిచిన 24 గంటల్లో 74,041 మందికి కరోనా పరీక్షలు నిర్వహించగా, అందులో కొత్తగా 9,881 పాజిటివ్‌ కేసులు నమోదు అయినట్లు ఏపీ రాష్ట్ర వైద్య ఆరోగ్యశాఖ తెలిపింది. ఇప్పటి వరకు రాష్ట్రంలో 10,43,441 పాజిటివ్‌ కేసులు నమోదయ్యాయి. అయితే తాజాగా కరోనాతో 51మంది మృతి చెందగా, ఇప్పటి వరకు కరోనాతో మృతి చెందిన వారి సంఖ్య 7,735కి చేరింది. ఇక తాజాగా 4,431 మంది కరోనా నుంచి కోలుకోగా, రాష్ట్రంలో 95,131 యాక్టివ్‌ కేసులు ఉన్నాయి. తాజాగా చిత్తూరు, నెల్లూరులో ఆరుగురు, చిత్తూరులో ఆరుగురు, కర్నూలులో ఐదుగురు, విజయనగరం జిల్లాలో ఐదుగురు, అనంతపురం జిల్లాలో నలుగురు, పశ్చిమగోదావరిలో నలుగురు, అలాగే గుంటూరు, కడప, కృష్ణా, విశాఖ జిల్లాల్లో ముగ్గురు చొప్పున, ప్రకాశం జిల్లాలో ఇద్దరు మృతి చెందినట్లు వైద్య ఆరోగ్యశాఖ వెల్లడించింది.

కాగా, ఏపీ రాష్ర్టంలో కరోనా కట్టడికి ప్రభుత్వం ఎన్ని చర్యలు చేపట్టినా.. ఏ మాత్రం తగ్గడం లేదు. కరోనా కేసులు తీవ్రంగా పెరుగుతుండటంతో ప్రభుత్వం కఠినమైన ఆంక్షలు విధిస్తోంది. మాస్క్‌ ధరించని వారిపై పోలీసులు కొరఢా ఝులిపిస్తున్నారు. మాస్క్‌ ధరించకుండా నిబంబంధనలు ఉల్లంఘించిన వారిపై జరిమానా విధిస్తున్నారు. అలాగే రాష్ట్రంలో వ్యాక్సినేషన్‌ను వేగవంతం చేసింది ప్రభుత్వం. రాష్ట్రంలో కరోనా పాజిటివ్‌ కేసులు పెరుగుతుండటంతో కొన్ని ప్రాంతాల్లో స్వచ్చందంగా లాక్‌డౌన్‌ విధించుకుంటున్నారు. రాత్రి సమయాల్లో కర్ఫ్యూ విధిస్తున్నారు. కరోనా కేసులు పెరుగుతున్న నేపథ్యంలో ప్రతి ఒక్కరు నిబంధనలు పాటిస్తే కేసులు తగ్గించవచ్చని నిపుణులు సూచిస్తున్నారు. కరోనాను దూరం చేసుకునేందుకు మాస్క్‌ ధరించకపోవడం కేసుల సంఖ్య పెరిగేందుకు ఒక కారణంగా చెప్పవచ్చని నిపుణులు చెబుతున్నారు.