Andhra Pradesh: ఊహించని ప్రమాదం.. క్షణాల్లో మీదపడిన భారీ మర్రిచెట్టు..

ఊహించని ప్రమాదం.. క్షణాల్లో మీదపడింది. రోడ్డు పక్కనున్న పేద్ద మర్రిచెట్టు ఉన్నట్టుండి కూలిపోయింది. అదే టైమ్‌లో బైక్‌పై అటుగా వెళ్తున్న వారిపై ఆ చెట్టు పడిపోవడంతో ఇద్దరు గాయాలపాలయ్యారు. చాలా లక్కీగా బైక్‌పై ఉన్న వాళ్లు ప్రాణాలతో బయటపడ్డారు. ఐతే.. ఓ వ్యక్తి కాలు చెట్టు కింద ఇరుక్కుపోవడంతో ఆ దారిలో వెళ్తున్న వాళ్లంతా ఆగి అతన్ని బయటకు లాగారు.

బాపట్ల జిల్లాలోని వేటపాలెం మండలం రామన్నపేట – పందిళ్ళపల్లి మధ్య జరిగిందీ ఘటన. ఈ రూట్‌లో ఓ భారీ మర్రి చెట్టు ఎప్పట్నుంచో ఉంది. అదే ఇప్పుడు పడిపోవడంతో ఈ ప్రమాదం జరిగింది. గాయపడ్డ వాళ్లను వెంటనే 108లో చీరాల ప్రభుత్వ ఆస్పత్రికి తరలించారు. ప్రమాదం గురించి తెలుసుకున్న పోలీసులు.. జేసీబీని కూడా తెప్పించి వెంటనే చెట్టు పక్కకు తొలగించి ట్రాఫిక్‌ క్లియర్‌ చేశారు.

మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి..