Tirupati District: మేత తినేందుకు యత్నించిన గేదె.. ఒక్కసారిగా భారీ శబ్ధం.. పాపం స్పాట్‌లోనే

AP News: తిరుపతి జిల్లా శ్రీనివాసపురం(Srinivasapuram)లో నాటుబాంబుల కలకలం చెలరేగింది. కె.వి.బి.పురం మండలం(KVBPuram Mandal) శ్రీనివాసపురంలో నాటుబాంబు పేలుడు ఒక్కసారిగా ప్రజలను భయాందోళనలకు గురిచేసింది. పశువుల మేతలో ఉన్న నాటుబాంబు పేలి గేదె మృతి చెందింది. పేలని మరో 3 నాటుబాంబులను స్థానికులు స్వాధీనం చేసుకున్నారు. నాటుబాంబులపై పోలీసులకు స్థానికులు సమాచారమిచ్చారు. పోలీసులు స్పాట్‌కు చేరుకుని.. పేలని బాంబులను స్వాధీనం చేసుకున్నారు. ఘటనపై కేసు నమోదు చేసి విచారణ జరుపుతున్నారు. పశువుల మేతలో ఈ బాంబులను ఎవరు పెట్టారు..? వన్యప్రాణులు చంపడానికి బాంబులు పెట్టారా..? ఎవర్నైనా హత్య చేసేందుకు ప్లాన్ చేశారా అనే కోణాల్లో విచారణ జరుపుతున్నారు.  కాగా నాటుబాంబు పేలిన సమయంలో ప్రజలు ఎవరు లేకపోవటంతో ప్రాణ నష్టం తప్పింది. ఈ ఘటన స్థానిక ప్రజలను ఒక్కసారిగా ఉలిక్కిపడేలా చేసింది.

కర్నూలు జిల్లా పత్తికొండలో కూడా ఇలానే…

ఈ ఏడాది జనవరిలో  కర్నూలు జిల్లా పత్తికొండ పట్టణానికి సమీపంలోని ఓ పొలంలో నాటు బాంబులు కలకలం సృష్టించాయి. పత్తి పొలంలో.. పత్తి తీస్తున్న షేక్ హయద్ బీ అనే మహిళకు చిన్న కవర్ కనిపించింది. అందులో ఏముందోనని తెరచి చూడగా.. ఊహించని విధంగా బాంబు పేలింది. ఈ ఘటనలో మహిళ నాలుగు వేళ్లూ తెగిపోయాయి. అదే పొలంలో మరో బాంబును పోలీసులు గుర్తించారు.

మరిన్ని క్రైమ్ వార్తల కోసం క్లిక్ చేయండి..