PM Modi: పాకిస్తాన్ గగనతలం మీదుగా ప్రధాని మోదీ విమానం.. ఎలాంటి భద్రత ఉంటుందో తెలుసా?

ప్రధానమంత్రి నరేంద్ర మోడీ ఫ్రాన్స్ అధికారిక పర్యటన సందర్భంగా ఆఫ్ఘన్ గగనతలం మూసివేయడంతో ఆయన విమానం ఎయిర్ ఇండియా వన్ పాకిస్తాన్ గగనతలం గుండా ప్రయాణించాల్సి వచ్చింది. భారతదేశం, పాకిస్తాన్ మధ్య ఉద్రిక్త సంబంధాలు నెలకొన్న తరుణంలో పాకిస్తాన్‌ గగనతనం ప్రయాణం చర్చనీయాంశంగా మారింది.

46 నిమిషాల పాటు ప్రయాణం:

ఈ సమయంలో మోదీ ప్రయాణించే విమానం 46 నిమిషాలు పాకిస్తాన్ గగనతలంలో ఉంది. పాకిస్తాన్ గగనతలం నుండి విమానం బయటకు వెళ్లాలంటే మోదీకి ఎలాంటి భద్రతను కల్పించాల్సి ఉంటుంది? పాక్ మనకు బద్ధశత్రువు కాబట్టి అంత తేలికగా భారత్ విమానాలను పోనిస్తుందా అనే ప్రశ్న తలెత్తుతుంది.

ప్రధాని మోదీ గగనతల భద్రతకు ఎవరు బాధ్యత వహించారు?

ఉన్నత స్థాయి నాయకుల అంతర్జాతీయ ప్రయాణాల సమయంలో భద్రత కఠినమైన ప్రోటోకాల్‌ను అనుసరిస్తుంది. ఒక దేశాధినేత మరొక దేశం మీదుగా ప్రయాణించినప్పుడల్లా, విమాన భద్రత విషయంలో సమన్వయంతో ఉంటుంది. ప్రధాని మోదీ విషయంలో కూడా అలాంటి భద్రత ఉంటుంది. ఆ విమానం ప్రయాణిస్తున్న సమయంలో భారత, పాకిస్తాన్ భద్రతా సంస్థలు రెండూ అప్రమత్తంగా ఉన్నాయి.

భారత వైమానిక దళం (IAF) యుద్ధ విమానాలు సిద్ధంగా ఉన్నాయి. ప్రధానమంత్రి భద్రతకు బాధ్యత వహించే స్పెషల్ ప్రొటెక్షన్ గ్రూప్ (SPG), రియల్ టైమ్ పర్యవేక్షణను నిర్ధారించింది. రెండు దేశాలకు చెందిన ఎయిర్ ట్రాఫిక్ కంట్రోల్, నిఘా వ్యవస్థలు విమానం ప్రతి కదలికను ట్రాక్ చేశాయి.

ఈ విమానంలో అత్యంత భద్రత:

ప్రధాని మోదీ విమానం ఎయిర్ ఇండియా వన్ సాధారణ విమానం కాదు. ఇది అత్యాధునిక క్షిపణి రక్షణ వ్యవస్థలు, అధునాతన భద్రతా ఫీచర్స్‌తో ఉంటుంది. ప్రపంచంలోనే అత్యంత సురక్షితమైన విమానాలలో ఒకటిగా నిలిచింది. 777 విమానాన్ని భారతదేశంలోని అగ్ర నాయకుల భద్రత కోసం ఉంది. దీనిని ఎయిర్ ఇండియా పైలట్లు కాకుండా భారత వైమానిక దళం (IAF) నుండి శిక్షణ పొందిన పైలట్లు నడుపుతున్నారు. ఇది వైమానిక ముప్పులను ఎదుర్కోగలదు. అలాగే అవసరమైతే రక్షణాత్మక క్షిపణులను కూడా ప్రయోగించే సామర్థ్యం ఈ విమానానికి ఉంటుంది.

ప్రధాని మోదీ విమానం షేక్‌పురా, హఫీజాబాద్, చక్వాల్ , కోహట్ మీదుగా ప్రయాణించిందని నివేదికలు సూచిస్తున్నాయి. పాకిస్తాన్ గగనతలంలో దాదాపు 46 నిమిషాలు గడిపారు. బెదిరింపులు ఉన్నప్పటికీ, అత్యంత అధునాతన భద్రతాతో చర్యలు చేపట్టారు అధికారులు.

లాజిస్టికల్ కారణాల వల్ల పాకిస్తాన్ మీదుగా విమానం తప్పనిసరి అయినప్పటికీ, అది అమలులో ఉన్న సున్నితమైన దౌత్య ప్రోటోకాల్‌లను కూడా హైలైట్ చేసింది. ఉద్రిక్తతలు ఉన్నప్పటికీ, పాకిస్తాన్ అంతర్జాతీయ విమానయాన నియమాలను పాటించింది. అలాగే గగనతలం నుంచి సురక్షితంగా వెళ్లేందుకు అనుమతించింది పాక్‌. వీఐపీ ప్రయాణ భద్రత విషయంలో దేశాల మధ్య ప్రవర్తనా నియమావళిని పాటించింది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి