Sea Dragon Dolphin: అతి పురాతనమైన భారీ సీ డ్రాగన్ అస్థిపంజరం.. ఎన్నేళ్ళ క్రితందంటే..

Sea Dragon Dolphin: బ్రిటన్‌లోని శాస్త్రవేత్తలు మిడ్‌ల్యాండ్ ప్రాంతంలో 180 మిలియన్ సంవత్సరాల పురాతనమైన ‘సీ డ్రాగన్ డాల్ఫిన్’ (ఇచ్థియోసార్) అస్థిపంజరాన్ని కనుగొన్నారు. ఈ సీ డ్రాగన్ డాల్ఫిన్ లాగా 30 అడుగుల పొడవు ఉంటుంది. దీని పుర్రె బరువు 1 టన్ను మాత్రమే. ఇది బ్రిటన్‌లో బయటపడిన ఈ రకమైన అతిపెద్ద .. మొదటి పూర్తి శిలాజం. ఈ శిలాజాన్ని 48 ఏళ్ల జో డేవిస్ ఫిబ్రవరి 2021లో కనుగొన్నారు. రట్‌ల్యాండ్ జలాల దగ్గర దొరికిన ఈ సముద్రపు డ్రాగన్ 82 అడుగుల వరకు ఉండవచ్చు. ఇచ్థియోసార్‌లకు చాలా పెద్ద దంతాలు ..కళ్ళు ఉన్నందున వాటిని సముద్ర డ్రాగన్‌లు అని పిలుస్తారు. ఇచ్థియోసార్లను మొదటిసారిగా 19వ శతాబ్దంలో మేరీ అన్నింగ్ అనే పురావస్తు శాస్త్రవేత్త కనుగొన్నారు. ఈ సముద్ర జీవిని అధ్యయనం చేసిన డాక్టర్ డీన్ లోమాక్స్ మాట్లాడుతూ, ‘బ్రిటన్‌లో అనేక ఇచ్థియోసార్ శిలాజాలు కనుగొనబడినప్పటికీ, ఇది బ్రిటన్‌లో కనుగొనబడిన అతిపెద్ద అస్థిపంజరం కావడం విశేషం అని చెప్పారు.

ఇచ్థియోసార్‌లు 250 మిలియన్ సంవత్సరాల క్రితం ప్రపంచంలో ఉనికిలోకి వచ్చాయి ..అవి 90 మిలియన్ సంవత్సరాల క్రితం భూమి నుంచి అంతరించిపోయాయి. అవి చూడటానికి డాల్ఫిన్‌లలా ఉంటాయి. ఇచ్థియోసార్‌లు ఇంగ్లండ్‌లో ..అట్లాంటిక్ సముద్రాల నీటిలో ప్రతిచోటా ఉన్నాయి. ఇచ్థియోసార్లకు వాటి శరీరంతో పోలిస్తే పెద్ద కళ్ళు ఉన్నాయి. ఇటీవల, అమెరికాలోని శాస్త్రవేత్తల బృందం డైనోసార్ల కాలం నుంచి ఇచ్థియోసార్లను కనుగొన్నారు. ఈ జీవి పొడవు 55 అడుగుల వరకు కనిపించింది. 240 మిలియన్ సంవత్సరాల క్రితం ఈ చేపల పరిమాణంలోని సముద్ర జలచరాల పరిమాణం చాలా వేగంగా పెరిగిందని పరిశోధనలో తేలింది. ఈ జీవి తల పరిమాణం 6.5 అడుగులుగా కొలిచారు

తిమింగలాల కంటే ఈ జీవి చాలా వేగంగా పెరుగుతుంది..

కాలిఫోర్నియాలోని స్క్రిప్స్ కాలేజీకి చెందిన అసోసియేట్ ప్రొఫెసర్ ఆఫ్ బయాలజీ ..సీనియర్ ఆక్వాటిక్ పరిశోధకుడు లార్స్ ష్మిత్జ్ అధ్యయనంలో ఇచ్థియోసార్‌లు తిమింగలాల కంటే చాలా వేగంగా తమ పరిమాణాన్ని పెంచుకున్నాయని చెప్పారు. అది కూడా, డైనోసార్ల వంటి జీవులు భూమి నుంచి వేగంగా అంతరించిపోతున్నప్పుడు. ఇది ఇప్పటివరకు జరిగిన అతిపెద్ద ఆవిష్కరణ. ఇది చాలా రహస్యాలను ప్రపంచానికి అందిస్తుందని భావిస్తున్నట్టు అయన చెప్పారు.

ఇవి కూడా చదవండి:

Covid-19: రోజూవారి కేసుల సంఖ్య 8 లక్షలకు చేరొచ్చు.. అప్రమత్తత అత్యవసరం.. వైద్య నిపుణుల హెచ్చరిక

Pawan Kalyan: కరోనా వ్యాప్తి తీవ్రమవుతోంది అప్రమత్తంగా ఉండండి.. జనసేన అధినేత పవన్ కల్యాణ్