అది మాకు ఇచ్చేస్తే.. యుద్ధం ఆపేస్తాం? డొనాల్డ్‌ ట్రంప్‌కు కండీషన్‌ పెట్టిన రష్యా అధ్యక్షుడు!

రష్యా అధ్యక్షుడు వ్లాదిమిర్ పుతిన్ ఇటీవల అమెరికా అధ్యక్షుడు డొనాల్డ్ ట్రంప్‌తో ఫోన్‌లో మాట్లాడుతూ.. ఉక్రెయిన్ డొనెట్స్క్ ప్రాంతాన్ని రష్యాకు అప్పగిస్తే యుద్ధం ఆపేస్తామని చెప్పినట్లు సమాచారం. ఈ సంభాషణపై ఇద్దరు సీనియర్ అధికారులు సమాచారం అందించారని వాషింగ్టన్ పోస్ట్ నివేదించింది. అయితే బాంబు దాడులతో నాశనమైన డొనెట్స్క్ నగరం ఇప్పటికీ రష్యాకు ఎందుకు అంత ముఖ్యమైనది? అనే విషయం ఇప్పుడు తెలుసుకుందాం..

11 సంవత్సరాలుగా..

గత 11 సంవత్సరాలుగా పుతిన్ డొనెట్స్క్‌ను స్వాధీనం చేసుకోవడానికి ప్రయత్నిస్తున్నారు. కానీ ఇప్పటివరకు ఉక్రెయిన్ సైన్యం ప్రతిసారీ రష్యాను వెనక్కి నెట్టింది. ఈ ప్రాంతం ఉక్రెయిన్‌కు కీలకమైనదిగా పరిగణిస్తారు. రష్యా రాజధానికి వెళ్లే మార్గంలో బలమైన రక్షణ గోడగా పనిచేస్తుంది. యుద్ధాన్ని ముగించే ప్రయత్నాలకు ఆటంకం కలిగిస్తూ, పుతిన్ తన దీర్ఘకాల డిమాండ్లపై పట్టుదలతో ఉన్నారని అధికారులు చెబుతున్నారు . అయితే చర్చల ద్వారా ఈ సమస్యను పరిష్కరించాలని ట్రంప్ ఆశాభావంతో ఉన్నారు. రష్యా, దాని మిత్రదేశాల తిరుగుబాటుదారులు 2014 నుండి డొనెట్స్క్‌లోని కొన్ని ప్రాంతాలను నియంత్రించారు, కానీ మొత్తం ప్రాంతాన్ని ఎప్పుడూ స్వాధీనం చేసుకోలేదు.

ఆర్థికంగా ఎందుకు ముఖ్యమైనది?

డొనెట్స్క్ ప్రాంతం రష్యాకు వ్యూహాత్మకంగా, ఆర్థికంగా ముఖ్యమైనది ఉంది. దాని సహజ వనరులు, పారిశ్రామిక మౌలిక సదుపాయాలు, భౌగోళిక స్థానం దీనిని ప్రత్యేకంగా చేస్తాయి. అయితే కొనసాగుతున్న యుద్ధం, విధ్వంసం కారణంగా దాని నిజమైన ఆర్థిక పాత్ర గణనీయంగా పరిమితం చేయబడింది. 2014 వరకు డొనెట్స్క్ ఉక్రెయిన్‌కు అతిపెద్ద పారిశ్రామిక కేంద్రంగా ఉంది, ఇది దేశ మొత్తం పారిశ్రామిక ఉత్పత్తిలో దాదాపు 20 శాతం వాటాను కలిగి ఉంది. ఈ ప్రాంతం ఐరోపాలో నాల్గవ అతిపెద్ద బొగ్గు నిల్వలను కలిగి ఉన్నందుకు కూడా ప్రసిద్ధి చెందింది.

పుతిన్ డిమాండ్ పై ట్రంప్ మౌనం..

ఇప్పటివరకు అధ్యక్షుడు ట్రంప్ డొనెట్స్క్‌ను రష్యాకు అప్పగించాలనే పుతిన్ డిమాండ్‌పై వ్యాఖ్యానించలేదు. శుక్రవారం ఉక్రెయిన్ అధ్యక్షుడు వోలోడిమిర్ జెలెన్స్కీతో జరిగిన సమావేశంలో కూడా ట్రంప్ దాని గురించి ప్రస్తావించలేదు. ఇప్పుడు రక్తపాతం ఆపి రాజీకి రావాల్సిన సమయం ఆసన్నమైంది! రెండు వైపులా విజయం సాధించాలని, నిజమైన విజేత ఎవరో చరిత్ర నిర్ణయించాలని ఆయన అన్నారు.

మరిన్ని అంతర్జాతీయ వార్తల కోసం ఇక్కడ క్లిక్‌ చేయండి