South Africa: దక్షిణాఫ్రికా నుంచి వచ్చే విమానాల్లో భారీగా కరోనా కేసులు.. ఆందోళన కలిగిస్తున్న కొత్త వేరియంట్‌..!

South Africa: దక్షిణాఫ్రికా నుంచి వచ్చే విమానాల్లో భారీగా కరోనా కేసులు.. ఆందోళన కలిగిస్తున్న కొత్త వేరియంట్‌..!

South Africa: దక్షిణాఫ్రికాలో కొత్త వేరియంట్‌ కలకలం సృష్టిస్తోంది. గత ఏడాదికిపైగా కరోనా మహహ్మారి తీవ్ర స్థాయిలో విజృంభించి ప్రస్తుతుం తగ్గుముఖం పట్టడంతో ఊపిరి..

Subhash Goud

|

Nov 28, 2021 | 10:52 AM

South Africa: దక్షిణాఫ్రికాలో కొత్త వేరియంట్‌ కలకలం సృష్టిస్తోంది. గత ఏడాదికిపైగా కరోనా మహహ్మారి తీవ్ర స్థాయిలో విజృంభించి ప్రస్తుతుం తగ్గుముఖం పట్టడంతో ఊపిరి పీల్చుకుంటున్న జనాలకు మరో వేరియంట్‌ ఆందోళనకు గురి చేస్తోంది. దక్షిణాఫ్రికాలో వెలుగు చూసిన ఈ వేరియంట్‌ జమిక్రాన్‌ ప్రపంచాన్ని మరోసారి వణికిస్తోంది. ఇప్పటికే అప్రమత్తమైన దేశాలు.. మళ్లీ ప్రయాణాలపై ఆంక్షలు విధిస్తున్నాయి. దక్షిణాఫ్రికా నుంచి వచ్చే విమానాల్లో ప్రయాణికులకు పరీక్షలు నిర్వహిస్తున్నారు. అయితే ఈ విమానాల్లో పెద్ద సంఖ్యలో కరోనా కేసులు బయటపడటం మరింత ఆందోళనకు గురి చేస్తోంది. ఈ కొత్త వేరియంట్‌ బయటపడగానే నెదర్లాండ్స్‌ ప్రభుత్వం ఆ దేశం నుంచి వచ్చే విమానాలపై నిషేధం విధించింది. ప్రయాణికులకు ఆర్‌టీ-పీసీఆర్‌ పరీక్షలు, క్వారంటైన్‌ తప్పనిసరి చేసింది.

ఈ నేపథ్యంలో శుక్రవారం దక్షిణాఫ్రికా నుంచి రెండు విమానాలు అమ్‌స్టర్‌డామ్‌కు చేరుకోగా, అందులో ప్రయాణికులకు పరీక్షలు చేయగా, 61 మందికి కోవిడ్‌ పాజిటివ్‌ నిర్ధారణ అయినట్లు డచ్‌ ఆరోగ్య శాఖ అధికారులు వెల్లడించారు. అయితే వీరికి సోకింది ఒమిక్రాన్‌ వేరియంటా కాదా అనేది ఇంక నిర్ధారించాల్సి ఉంది. వీరందరి రక్తనామూనాలను సేకరించి జీనోమ్‌ సీక్వెన్సింగ్‌కు పంపినట్లు అధికారులు వెల్లడించారు. దక్షిణాఫ్రికా నుంచి వచ్చిన రెండు విమానాల్లో 600 మంది ప్రయాణికులు ఉన్నారు. వీరందరికి పరీక్షలు నిర్వహించగా, 61 మందికి మాత్రమే కోవిడ్‌ సోకినట్లు రిపోర్టు వచ్చాయి. మిగతా వారి రిపోర్టులు రావాల్సి ఉంది. దీంతో మరిన్ని కేసులు బయటపడే అవకాశం ఉందని అధికారులు భావిస్తున్నారు.

ఇవి కూడా చదవండి:

Indian Railway: ప్రపంచంలోనే అత్యంత ఎత్తైన రైల్వే ట్రాక్‌ను నిర్మిస్తున్న భారత్‌.. 12 గంటలకు బదులు 2 గంటలే ప్రయాణం..!

Plastic: ప్లాస్టిక్‌తో ప్రమాదం.. భూమిలో కలిసిపోయేందుకు ఏ వస్తువుకు ఎంత కాలం పడుతుందో తెలుసా?

Follow us on

Related Stories

Most Read Stories

Click on your DTH Provider to Add TV9 Telugu