China-Nepal: నేపాల్ సరిహద్దులు మార్చి భవనాలు నిర్మించిన చైనా.. అక్కడి ప్రజల ఆగ్రహం..ఆందోళనలు!

China-Nepal: చైనా తన విస్తరణ విధానానికి కట్టుబడి ఉంది. ఈ వైఖరిని నేపాల్‌లో తీవ్ర నిరసనలు వ్యక్తం అవుతున్నాయి. ఆందోళనకారులు ‘మా భూమిని తిరిగి ఇవ్వండి’ .. ‘గో బ్యాక్ చైనా’ అంటూ నినాదాలు చేస్తూ రోడ్లపై ఆందోళనలు చేస్తున్నారు. 

వాస్తవానికి, చైనా హమ్లా జిల్లాను అక్రమంగా ఆక్రమించిందని నేపాల్ పేర్కొంది. నేపాల్ అంతర్గత వ్యవహారాల్లో చైనా జోక్యం చేసుకుందని ఆందోళనకారులు ఆరోపించారు. ఖాట్మండులోని మహీతిఘర్ మండలాలో జరిగిన నిరసనకు లోక్‌తంత్రిక్ యువ మంచ్ (LYU) నాయకత్వం వహించింది. ఇందులో దాదాపు 200 మంది పాల్గొన్నారు.

నేపాల్‌లో చైనా చేసిన భవనాలు

నివేదిక ప్రకారం, నేపాల్‌లోని హుమ్లాలో చైనా 12-15 భవనాలను నిర్మించింది. ఆక్రమణను తొలగించి, దీనిపై విచారణ జరిపించాలని స్థానిక ప్రజలు డిమాండ్ చేస్తున్నారు. అక్కడికి వెళ్లకుండా స్థానిక ప్రజలను చైనా ఆపుతోంది. కెపి శర్మ ఒలి నేతృత్వంలోని నేపాల్ ప్రభుత్వం చైనా ఆక్రమణను తిరస్కరించింది. ఖాట్మండు,  బీజింగ్ మధ్య సరిహద్దు వివాదం లేదని ఆయన అన్నారు.

ప్రధాన మంత్రి విచారణ కమిటీని ఏర్పాటు చేసారు

ఇటీవల, ప్రధాన మంత్రి షేర్ బహదూర్ థాపా ఈ అంశంపై దర్యాప్తు చేయడానికి 5 మంది సభ్యులతో ఒక కమిటీని ఏర్పాటు చేశారు. హమ్లాలోని నమ్ఖా మున్సిపాలిటీలోని లిమి లాప్చా నుండి హిల్సా వరకు నేపాల్-చైనా సరిహద్దు వివాదాన్ని ఈ కమిటీ దర్యాప్తు చేస్తుంది.

గత సంవత్సరం స్థానిక విలేజ్ కౌన్సిల్ అధ్యక్షుడు విష్ణు బహదూర్ లామా ఈ ప్రాంతాన్ని సందర్శించినప్పుడు ఈ వివాదం ప్రారంభమైంది. అతను చైనా సైన్యం చేసిన భవనాలను చూశాడు. ఈ భవనాలు సరిహద్దు నుండి 2 కిలోమీటర్ల దూరంలో నేపాల్ భూభాగంలో నిర్మించారు. హుమ్లా చీఫ్ డిస్ట్రిక్ట్ ఆఫీసర్ (CDO) దల్బహదూర్ హమాల్ కూడా ఈ విషయంపై విచారణ జరిపారు. దర్యాప్తులో చైనా ఆక్రమణ నిజమని తేలింది.

మాజీ ప్రధాని సరిహద్దు స్తంభాల మార్పిడిని పరిశోధించడానికి 19 మంది సభ్యుల బృందాన్ని కూడా ఏర్పాటు చేశారు. జట్టులో ఉన్న స్థానిక నాయకులు మరియు పాత్రికేయులు ఆక్రమిత ప్రాంతాన్ని సందర్శించారు. పర్యటన 11 రోజులు కొనసాగింది. నేపాల్ లోపల చైనా భవన నిర్మాణాలను నిర్మించిందని బృందం గమనించింది. సరిహద్దులోని 11 మరియు 12 స్తంభాల సంఖ్యలు కూడా మార్చివేశారు. దీని కారణంగా నేపాల్ ప్రజలు తమ ప్రాంతానికి వెళ్లలేకపోయారు.

Also Read: NASA and ISRO: అంతరిక్ష డేటాను పంచుకోవడం కోసం ఇస్రో-నాసాల మధ్య ప్రత్యేక ఒప్పందం.. భారత్‌కు మరింత బలం!

Brain Eating Amoeba: అగ్రరాజ్యంలో మళ్ళీ మెదడు తినే అమీబా వెలుగులోకి.. చికిత్స పొందుతూ మృతి..