Nasal Spray: నాసల్ స్ప్రేతో కోవిద్ వైరస్ మాయం…కెనడాలోని శానోటైజ్ రీసెర్చ్ బయోటెక్ సంస్థ ప్రకటన

తాము ఉత్పత్తి చేస్తున్న ‘నాసల్ వ్యాక్సిన్’ కోవిద్-19 ని 99 శాతం నివారిస్తుందని కెనడాలోని శానోటైజ్ రీసెర్చ్ అండ్ డెవలప్ మెంట్ కార్పొరేషన్ అనే బయోటెక్ సంస్థ ప్రకటించింది. ముక్కు ద్వారా తీసుకునే ఈ వ్యాక్సిన్ చాలా మంచి ఫలితాలనిస్తోందని వెల్లడిస్తోంది. కోవిద్-19 వైరస్ లోడ్ ని ఇది 99 శాతం నాశనం చేయగలదు…లేదా నివారించగలదని నిరూపించామని ఓ జర్నల్ లో ఈ సంస్థ పేర్కొంది. వైరస్ ముక్కు ద్వారా ఊపిరితిత్తులకు వ్యాపించకుండా అడ్డుకుంటుందని, గత మార్చిలో కోవిద్ కి గురైన 79 మందిపై ‘డబుల్ బ్లెండ్..ప్లేసెబో ..కంట్రోల్డ్ ఫేస్-2’ పేరిట దీన్ని ప్రయోగాత్మకంగా పరీక్షించగా అధిక వైరల్ లోడ్ గల రోగులతో బాటు ఇతర రోగుల లోనూ మంచి అద్భుత ఫలితాలు కనిపించాయని ఈ సంస్థ ప్రతినిధులు చెప్పారు. ముక్కు ద్వారా దీన్ని స్ప్రే చేసినప్పుడు మొదటి 24 గంటల్లో వైరస్ లోడ్ తగ్గిందని, తరువాత 72 గంటల్లోగా మరింతగా..అంటే 99 శాతం తగ్గిన సూచనలు కనిపించాయని వారు తెలిపారు. బ్రిటన్ కోవిద్ వేరియంట్ పై కూడా ఈ వ్యాక్సిన్ మంచి ప్రభావాన్ని చూపిందన్నారు. కెనడాతో బాటు కొన్ని ఇతర దేశాల్లోనూ ఈ వ్యాక్సిన్ ట్రయల్స్ నిర్వహించామని ఎవరిలోనూ సైడ్ ఎఫెక్ట్స్ కనిపించలేదని వారు స్పష్టం చేశారు.

ఈ నాసల్ వ్యాక్సిన్ అమ్మకానికి ఇజ్రాయెల్, న్యూజిలాండ్ దేశాలు గత మార్చి 23 నే అనుమతించాయి. అయితే అత్యవసర వినియోగానికి న్యూజిలాండ్ ఆరోగ్య శాఖ ఇంకా అనుమతించాల్సి ఉంది. ఇజ్రాయెల్ లో ఎనోవిడ్ పేరిట దీన్ని ఉత్పత్తి చేస్తున్నారు. గత ఏప్రిల్ 20 న ఇండియాలో తమ వ్యాక్సిన్ ని పంపిణీ చేసే విషయంలో భారత ప్రభుత్వంతో చర్చలు జరిగాయని ఈ సంస్థ తెలిపింది. ఇండియాలోని ప్రముఖ ఔషధ సంస్థలు సహకరిస్తే దీన్ని విస్తరించే అవకాశాలు ఉంటాయి.

మరిన్ని చదవండి ఇక్కడ : నాకే వెయ్యి రూపాయలు ఫైన్ వేస్తారా..?యాదాద్రి భువనగిరి జిల్లాలో యువకుడు హల్‌చల్‌ వీడియో :Viral Video

 వ్యాక్సిన్ రిజిస్ట్రేషన్స్ పేరుతో మోసాలు మెసేజ్ ఓపెన్ చేసారో అంతే సంగతులు..వీడియో.: Vaccine Video.

 తక్కువ ధరకే స్మార్ట్ ఫోన్లు అందించే దిశగా అడుగులు వేస్తున్న గూగుల్ – సుందర్ పిచాయ్:Google Reliance video.