Bangladesh: తిక్క రేగిందంటే లెక్క తేల్చుడే.! జెన్‌జీ సునామీలో అధ్యక్షులు కొట్టుకుపోవాల్సిందే..

బంగ్లాదేశ్‌ మాజీ ప్రధాని షేక్‌ హసీనా కోసం ఎదురుచూస్తున్న ఉరికంబం.. ఇదీ లేటెస్ట్ గ్లోబల్‌ బ్రేకింగ్‌న్యూస్. ఢాకాలోని ఇంటర్నేషనల్‌ క్రైమ్స్‌ ట్రైబ్యునల్‌ కోర్టు ఇచ్చిన సంచలన తీర్పు గురించి ప్రపంచం మొత్తం మాట్లాడుకుంటోంది. గత ఏడాది జులైనాటి ప్రజాఉద్యమాన్ని మిలటరీతో అణచివేశారన్నది ఆమెపై నమోదైన ప్రధాన అభియోగం. బంగ్లాదేశ్‌ను రెండుదశాబ్దాల పాటు ఏలి, తన మాటే శాసనంగా చెలాయించిన సోకాల్డ్ ఐరన్‌ లేడీ షేక్ హసీనా.. ఇప్పుడు పరాయిదేశంలో దాక్కున్నారంటే, దానికి కారణం ఎవరు? ఒక దేశానికి చకవర్తిత్వం చేసిన వ్యక్తికే మరణశిక్ష విధించే శక్తి ఎవరికుంది? అక్కడ వినిపించే సౌండ్ పేరే జెన్‌జీ రెవెల్యూషన్. పాతికేళ్ల లోపు కుర్ర జెనరేషన్‌కి చిర్రెత్తుకొచ్చి కర్ర చేతికి తీసుకోబట్టే, దేశాలకు దేశాలే కొట్టుకుపోయేంతటి ఉపద్రవాలు పుట్టుకొస్తున్నాయి. ఇప్పుడు బంగ్లాదేశ్ ప్రధాన కుర్చీకే ఉరితాళ్లు బిగించిన జెన్‌జీ విప్లవం… ఇంకా ఎక్కడెక్కడ మంట బెట్టింది… ప్రపంచమంతటా ఎందుకు రాజుకుంటోంది.. ఈ చర్చ మళ్లీ షురూ ఐంది. కుర్రాళ్లో కుర్రాళ్లు వెర్రెక్కి ఉన్నోళ్లు. కేవలం సామాజిక స్పృహ తప్ప మరొకదాంతో పన్లేకుండా, సొంత జిందగీల్ని సైతం పక్కకు పెట్టి పోరాటానికొచ్చేవాళ్లు. ప్రభుత్వాలు గాడితప్పినప్పుడు, పాలకులు పక్కచూపులు చూసినప్పుడు చట్టాన్ని చేతిలోకి తీసుకునేటోళ్లు. ఇంకా సింపుల్‌గా చెప్పాలంటే చూసి రమ్మంటే కాల్చి వచ్చే కొత్త తరమోళ్లు. గత ఏడాది జులై-ఆగస్టు నెలల్లో బంగ్లాదేశ్ మొత్తం భగభగ మండిపోయింది గుర్తుందిగా..? దేశవ్యాప్తంగా ఆందోళనలు చెలరేగి అధ్యక్ష భవనాలే బుగ్గయిపోయాయి. కేవలం...