Viral Video: ట్రాఫిక్‌ సిగ్నల్ దగ్గర యువతి చేసిన పనికి అంతా షాక్.. నెట్టింట వీడియో వైరల్.!
సాధారణంగా ట్రాఫిక్‌లో సిగ్నల్ పడినప్పుడు.. మీరేం చేస్తారు.. ఠక్కున అందరూ బండి ఇంజిన్ ఆపేసి.. వెయిట్ చేస్తుంటాం అని చెబుతారు. అయితే ఇక్కడొక యువతి..
Updated on: Jun 16, 2022 | 4:28 PM
ఓ ట్రాఫిక్‌ సిగ్నల్ దగ్గర విచిత్ర సంఘటన జరిగింది. రోడ్డు మీద వేగంగా వాహనాలు దూసుకుపోతున్నాయి. ఈ క్రమంలో ఓ చోట ట్రాఫిక్‌ సిగ్నల్ పడింది. ఓ వైపు వాహనాలు నిలిచిపోయాయి. మరోవైపు వాహనాలు వెళ్తున్నాయి. ఈ క్రమంలో ట్రాఫిక్‌ నిలిచి ఉన్న వైపు ఓ అనాధ బాలుడు కంట్లో ఏదో పడి సరిగా చూడలేక ఇబ్బంది పడుతున్నాడు. అక్కడే ఓ మోటర్‌ బైక్‌పై నిలిచి ఉన్న మహిళ ఆ బాలుడిని చూసి దగ్గరకు పిలిచి ఆ కుర్రాడి కంట్లో మెల్లగా ఊదింది. దాంతో ఆ కుర్రాడు కంటిబాధనుంచి కొంచెం ఉపశమనం పొందాడు. అంతేకాదు ఆ బాలుడి బుగ్గలను ఆప్యాయంగా నిమిరింది.
ఆ తర్వాత ఆ కుర్రాడికి కొంత డబ్బు కూడా ఇచ్చింది. ఆ బాలుడు ఎంతో సంతోషంగా తిరిగి వెళ్తుండగా… మళ్లీ ఆ బాలుడ్ని పిలిచి అతని బుగ్గలను గట్టిగా లాగి.. ఇక వెళ్లు అన్నట్లు చెప్పింది. ఈ అద్భుతమైన వీడియో డాక్టర్‌ అజయిత తన ట్విట్టర్‌ ఎకౌంట్‌లో పోస్ట్‌ చేశారు. ఇతరుల పట్ల దయకలిగి ఉండటానికి ఎక్కువ ఖర్చు అక్కర్లేదు అంటూ క్యాప్షన్‌ పెట్టారు. ప్రస్తుతం ఈ వీడియో నెట్టింట ఓ రేంజ్‌లో వైరల్ అవుతోంది. ఈ వీడియోను మిలియన్‌ పైగా నెటిజన్లు వీక్షించగా లక్షల్లో లైక్‌ చేశారు. వీడియో హృదయాన్ని కదిలించిందంటూ రకరకాల కామెంట్లు పెట్టారు.
మరిన్ని ట్రెండింగ్ వార్తలకు ఇక్కడ క్లిక్ చేయండి..
