Viral Video: మానవత్వం అంటే ఇదే.. రిక్షావాలా కష్టం చూసి చలించిపోయిన పోలీస్.. ఏం చేశాడంటే.. వీడియో
ప్రేమ కంటే.. ద్వేషం వేగంగా వ్యాపిస్తున్న నేటి ప్రపంచంలో మానవత్వం బతికుందని ఎవరో ఒకరు నిరుపిస్తుంటారు. డబ్బు దానం కంటే.. వారికి అవసరమైన వస్తువులను ఇవ్వడం వారికి తృప్తినిస్తుంది.
Updated on: Jul 05, 2022 | 3:38 PM
UP Policeman Viral Video: కొంతమంది కుటుంబాన్ని పోషించడం కోసం తాము ఏమైపోయినా పర్వాలేదని గొడ్డు చాకిరీ చేస్తుంటారు. ఎంతలా అంటే కనీసం పాదాలకు చెప్పులు లేకుండా ఎండలో పనిచేస్తుంటారు. అలాంటి వారిని చూసి చాలామంది పట్టించుకోకపోయినా.. ఎవరో ఒకరు స్పందించి వారికి సాయం చేస్తుంటారు. ప్రేమ కంటే.. ద్వేషం వేగంగా వ్యాపిస్తున్న నేటి ప్రపంచంలో మానవత్వం బతికుందని ఎవరో ఒకరు నిరుపిస్తుంటారు. డబ్బు దానం కంటే.. వారికి అవసరమైన వస్తువులను ఇవ్వడం వారికి తృప్తినిస్తుంది. అచ్చం అలాంటి ఘటనే ఉత్తరప్రదేశ్లో జరిగింది. ఇది మీ హృదయాన్ని కట్టిపడేస్తుంది. ఇంకా.. మీ కళ్లలో, మనస్సులో ఆనందాన్ని నింపుతుంది. రోడ్డుపై చెప్పులు లేకుండా నడుస్తున్న కార్ట్ పుల్లర్కు యూపీ కానిస్టేబుల్ ఒక జత కొత్త చెప్పులు కొని ఇచ్చిన వీడియో ప్రస్తుతం ఆన్లైన్లో వైరల్గా మారింది.
ప్రస్తుతం వైరల్ అవుతున్న ఈ వీడియోను యూపీ పోలీసు అధికారి శివంగ్ శేఖర్ గోస్వామి ట్విట్టర్లో షేర్ చేశారు. రిక్షా లాగే వ్యక్తి చెప్పులు లేకుండా రోడ్డుపై నడుస్తుండటాన్ని వీడియోలో చూడవచ్చు. రోడ్డు పక్కన ఉన్న ఒక పోలీసు అది చూసి వెంటనే ఆ వ్యక్తికి కొత్త చెప్పులు కొని ఇచ్చాడు. అతను వెంటనే ఆనందంతో చప్పల్స్ ధరించాడు. అంతేకాకుండా తన పరిస్థితిని చూసి చలించిపోయిన పోలీసుకు కృతజ్ఞతలు చెప్పాడు. ఈ వీడియోను ఇప్పటివరకు 2 లక్షలకు పైగా వీక్షించారు. దీంతోపాటు పలు రకాల కామెంట్లు చేస్తున్నారు.
వైరల్ వీడియో..
बहुत ही सुन्दर, सराहनीय कार्य ?? हम हमेशा आपके साथ हैं ?? pic.twitter.com/Ev8dXLlPuM
— शिवांग शेखर गोस्वामी ?? (@upcopshivang) July 1, 2022
వైరల్ అవుతున్న వీడియోలో పోలీస్ హుందాతనం నెటిజన్ల హృదయాలను ఆకట్టుకుంటోంది. పోలీసు సేవ అజరామరమని.. అతనికి సెల్యూట్ అంటూ కామెంట్లు చేస్తున్నారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి.
