Viral Video: హైవేపై అవలీలగా ఆమె చేసిన సాహసం..నెట్టింట ట్రెండ్‌ అవుతోన్న వీడియో
ఓ మహిళకు చెందిన వీడియో సోషల్ మీడియాలో వైరల్ అవుతోంది. ఈ వీడియోకు 194,000 వ్యూస్ వచ్చాయి. 11,000 కంటే ఎక్కువ లైక్‌లు వచ్చాయి. వీడియోపై నెటిజన్లు తీవ్రంగా స్పందిస్తున్నారు. పెద్ద‌సంఖ్య‌లో నెటిజన్లు..
Viral Video: నేటి సమాజంలో పురుషులతో సమానంగా స్త్రీలు రాణిస్తున్నారు. దాదాపు ప్రతి పనిలో సత్తా చాటుతున్నారు. ప‌ట్టుద‌ల‌తో ప్ర‌య‌త్నిస్తే సాధించ‌లేనిది ఏదీ లేదంటూ ఇప్పటికే ప‌లు ఉదంతాలు వెల్ల‌డించాయి. సాహ‌స మ‌హిళ‌ల విన్యాసాలు వెలుగుచూసి అంద‌రినీ ఔరా అనిపించిన సంద‌ర్భాలూ అనేకం చూశాం. తాజాగా ఓ మహిళకు చెందిన వీడియో సోషల్ మీడియాలో వైరల్ అవుతోంది. త‌మిళ‌నాడులో ఓ మహిళ హైవేపై ట్ర‌క్‌ను న‌డిపిన వీడియో సోషల్ మీడియ‌లో తెగ వైర‌ల‌వుతోంది. వీడియో చూసిన నెటిజన్లు ఆమెపై ప్రశంసల జల్లు కురిపిస్తున్నారు. ఆమె ఆత్మవిశ్వాసానికి నెటిజన్లు ఫిదా అవుతున్నారు.
వైరల్ అవుతున్న ఈ వీడియోలో ఓ మహిళ ట్రక్కు నడుపుతూ కనిపిస్తుంది. అయితే ఆమె ట్రక్కు నడుపుతూ ఇచ్చిన స్మైల్ ఆమె ఆత్మవిశ్వాసానికి అద్దం పడుతుంది. వీడియోలో మొదటగా లారీ మాత్రమే కనబడుతుంది. ఆ తర్వాత క్రమంగా ఆమె ఫ్రేమ్ లోకి వస్తుంది. అప్పుడు అర్థమవుతుంది లారీ నడిపేది మహిళ అని. ఐపీఎస్ అధికారి అవ‌నిష్ శ‌ర‌ణ్ షేర్ చేసిన ఈ వీడియోలో త‌మిళ‌నాడుకు చెందిన నెంబ‌ర్ ప్లేట్‌తో కూడిన ట్ర‌క్‌ను హైవేపై ఓ మహిళ వేగంగా న‌డుపుతున్న దృశ్యాలు క‌నిపించాయి.
ट्रक को इससे क्या मतलब कि चलाने वाला ‘पुरुष’ है या ‘महिला.’ ❤️ pic.twitter.com/g9IEAocv7p
— Awanish Sharan (@AwanishSharan) July 17, 2022
ఈ వీడియోకు 194,000 వ్యూస్ వచ్చాయి. 11,000 కంటే ఎక్కువ లైక్‌లు వచ్చాయి. వీడియోపై నెటిజన్లు తీవ్రంగా స్పందిస్తున్నారు. పెద్ద‌సంఖ్య‌లో నెటిజన్లు మహిళ సాహ‌సాన్ని కొనియాడుతూ కామెంట్ చేస్తున్నారు. మ‌హిళా సాధికార‌త‌కు ఆమె నిలువెత్తు నిద‌ర్శ‌న‌మ‌ంటూ చాలా మంది కామెంట్ చేశారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
