Watch: ఓరీ దేవుడో.. మీ వంటకాలతో జనాల్ని చంపేస్తారా ఏంట్రా బాబు..! ఫ్రూట్స్‌తో మోమోస్ తయారీ..
ఇతర కావాల్సిన మసాలాలు కూడా యాడ్‌ చేస్తూ కలుపుతున్నాడు. ఆ తరువాత వేయించిన పనీర్ మోమోస్ వేసి ఫైనల్‌గా మరోసారి కలిపేసి వడ్డిస్తున్నాడు. వేడి వేడిగా మిక్స్డ్‌ ఫ్రూట్స్‌ మోమోస్ కస్టమర్లకు అందిస్తున్నాడు. పైగా అతడు దీనికి గురించి చెబుతూ..ఢిల్లీ మొత్తంలో ఇలాంటి మోమోలు కనిపించవని, జిమ్ ప్రియులకు ఇది ప్రత్యేకమని చెప్పాడు.
Updated on: Oct 08, 2024 | 7:44 PM
సోషల్ మీడియాలో ఎప్పుడు ఏది వైరల్ అవుతుందో చెప్పడం కష్టం. ముఖ్యంగా ఆహారం పేరుతో వింత ప్రయోగాలు తరచుగా ప్రజలను ఆశ్చర్యపరుస్తాయి. ఇటీవల ‘ఫ్రూట్ మోమోస్’కి సంబంధించిన వీడియో ఒకటి వైరల్ అయ్యింది. అందులో ఒక విక్రేత పనీర్ మోమోస్‌ను పండ్లు, చీజ్‌తో కలిపి ఒక వింత వంటకాన్ని తయారు చేశాడు. సోషల్ మీడియా యూజర్లు ఈ వీడియో చూసి ఆశ్చర్యపోయారు. వీడియోపై తమదైన స్టై్ల్లో ఘాటుగా స్పందించారు.
ఢిల్లీ వీధుల్లోని ఏ మూలనా చూసినా మోమోస్ భోజన ప్రియుల్ని నోరూరిస్తుంటాయి. ఇప్పుడు మోమోస్ లవర్స్‌ కోసం తాజాగా ఓ విచిత్రమైన వెరైటీ పుట్టుకొచ్చింది.ఇది ‘ఫ్రూట్ మోమోస్’. ఈ కొత్త వంటకం ధర రూ.170 కాగా, సోషల్ మీడియాలో ప్లాట్‌ఫామ్‌ ఇన్‌స్టాగ్రామ్‌లో ఈ వీడియోను షేర్ చేశారు. ఆ వెంటనే ఇంటర్నెట్‌లో వీడియో విపరీతంగా వైరల్ అవుతోంది.
స్ట్రీట్‌ఫుడ్‌ వ్యాపారి ఈ వింత వంటకం తయారు చేశాడు. దీనికోసం అతను ఒక ప్లేట్ నిండా పండ్లు తీసుకున్నాడు. ఇప్పుడు స్టౌవ్‌పై ప్యాన్‌ పెట్టి అందులో ముందుగా బట్టర్‌ వేశాడు..ఆ తరువాత ముందుగా కట్‌ చేసి ఉంచుకున్న పండ్ల ముక్కలను వేశాడు. ఆపై పాలు, మీగడ, ఉప్పు, నల్ల మిరియాలు, నీళ్లు, మరోమారు పాలు పోశాడు. ఇతర కావాల్సిన మసాలాలు కూడా యాడ్‌ చేస్తూ కలుపుతున్నాడు. ఆ తరువాత వేయించిన పనీర్ మోమోస్ వేసి ఫైనల్‌గా మరోసారి కలిపేసి వడ్డిస్తున్నాడు. వేడి వేడిగా మిక్స్డ్‌ ఫ్రూట్స్‌ మోమోస్ కస్టమర్లకు అందిస్తున్నాడు. పైగా అతడు దీనికి గురించి చెబుతూ..ఢిల్లీ మొత్తంలో ఇలాంటి మోమోలు కనిపించవని, జిమ్ ప్రియులకు ఇది ప్రత్యేకమని చెబుతున్నాడు.
View this post on Instagram
ఈ వీడియో వైరల్‌గా మారిన వెంటనే సోషల్‌మీడియాలో రెస్పాన్స్‌ వెల్లువెత్తింది. ఫ్రూట్ మోమోస్ ప్రత్యేకమైన వంటకం ఇంటర్నెట్‌లో తీవ్ర చర్చకు దారి తీసింది. ఈ ‘అద్భుతమైన’ వంటకం రుచి ఎలా ఉంటుందనేది ప్రజల్లో చర్చనీయాంశంగా మారింది.
మరిన్ని ట్రెండింగ్ వార్తల కోసం క్లిక్ చేయండి..
