10 అడుగుల ఎత్తైన గోడెక్కిన చిరుత.. కోడిని మాములుగా వేటాడలేదుగా.! చూస్తే ఆశ్చర్యపోతారు..

తమిళనాడులోని కోయంబత్తూరులో కోడిని ఓ చిరుత వేటాడిన షాకింగ్ వీడియో ఇంటర్నెట్‌లో వైరల్ అవుతోంది. అర్ధరాత్రి వేళ జనావాసాల్లోకి వచ్చిన చిరుత.. దానికి చిక్కిన కోడిని పక్కా వ్యూహంతో వేటాడింది. ఇక కోయంబత్తూరులోని నివాస ప్రాంతాల్లో చిరుత కనిపించడంతో అటవీ శాఖ అధికారులు..

Leopard

Ravi Kiran |
Updated on: May 31, 2024 | 2:02 PM

తమిళనాడులోని కోయంబత్తూరులో కోడిని ఓ చిరుత వేటాడిన షాకింగ్ వీడియో ఇంటర్నెట్‌లో వైరల్ అవుతోంది. అర్ధరాత్రి వేళ జనావాసాల్లోకి వచ్చిన చిరుత.. దానికి చిక్కిన కోడిని పక్కా వ్యూహంతో వేటాడింది. ఇక కోయంబత్తూరులోని నివాస ప్రాంతాల్లో చిరుత కనిపించడంతో అటవీ శాఖ అధికారులు.. ఆ ప్రాంతంలో నిఘా పెంచారు. వివరాల్లోకి వెళ్తే.. ఈ సంఘటన మే 29న ఉదయం 5 గంటలకు స్థానిక సోమయనూర్ గ్రామంలో జరిగింది. దాదాపు పది అడుగుల ఎత్తులో ఉన్న ఇంటి గోడపై కూర్చున్న కోడిని పట్టుకునేందుకు చిరుత దూకినట్లు.. ఓ సీసీటీవీ ఫుటేజ్‌లో రికార్డ్ అయింది. అటుగా వచ్చిన ఓ చిరుత మెల్లగా నక్కి.. నక్కి.. వచ్చి.. ఎత్తైన గోడపై కూర్చున్న కోడిపైకి ఒక్కసారిగా దాడి చేసింది. అయితే కోడి మరోవైపునకు దూకేసింది. కానీ ఎలాంటి లాభం లేకపోయింది. తనను తాను రక్షించుకునే ప్రయత్నంలో.. ఆ కోడి చివరికి చిరుత నోటికి చిక్కింది. ఇదంతా కూడా సీసీటీవీలో రికార్డు కాగా.. వీడియో ఇంటర్నెట్‌లో తెగ చక్కర్లు కొడుతోంది. కాగా, ఈ ఘటనతో ఆ ప్రాంతంలో భయానక వాతావరణం చోటు చేసుకుంది. చిరుత ఎటువైపు నుంచి వస్తోందోనని భయాందోళనకు గురవుతున్నారు. లేట్ ఎందుకు ఆ వీడియోపై ఓసారి లుక్కేసేయండి.

ఇది చదవండి: సికింద్రాబాద్‌కి ‘వందే స్లీపర్’ రైళ్లు.. ఏ రూట్‌లో ఉండనుందంటే.?

ఇవి కూడా చదవండి