Viral News: ఎత్తైన పర్వతంపై చిరుతపులి వేట.. కిందకు పడుతున్నా ఎరను విడవలేదు.. షాకింగ్ దృశ్యాలు..
మీరు తరచూ సింహం, చిరుతపులి లేదా పులి వేటకు సంబంధించిన వీడియోలు సోషల్ మీడియాలో చూస్తూనే ఉంటారు.....
Updated on: Apr 23, 2021 | 10:42 AM
మీరు తరచూ సింహం, చిరుతపులి లేదా పులి వేటకు సంబంధించిన వీడియోలు సోషల్ మీడియాలో చూస్తూనే ఉంటారు. కానీ ఎప్పుడైనా మంచు చిరుత (Snow Leopard) వేటాడటం చూశారా.? ఏంటి ఈ వింతైన ప్రశ్న అని అనుకోవద్దు.! మంచు చిరుతపులులు మంచు పర్వతాల ఎత్తులో నివసిస్తుంటాయి. ఎత్తైన పర్వతాల సమూహంలో వాటి వేట భయానకంగా ఉంటుంది. ఇక తాజాగా మంచు చిరుతపులికి సంబంధించిన ఓ వీడియో ప్రస్తుతం సోషల్ మీడియాలో వైరల్ అవుతోంది.
ఈ అద్భుతమైన వీడియో వీక్షకులను అబ్బురపరుస్తుంది. ఇందులో చిరుత పర్వత సమూహంపై ఎరను వేటాడుతున్నట్లు కనిపిస్తుంది. వేగానికి, వ్యూహానికి చిరుత మారుపేరు. ఎత్తైన పర్వతాలపై నుంచి పడిపోతున్నా కూడా తన నోటికి చిక్కన ఎరను మాత్రం చిరుత విడిచిపెట్టలేదు. ఆ దృశ్యాలు సినిమా సీన్ ను తలపించేలా ఒళ్లుగగుర్పొడిచే విధంగా ఉన్నాయి.
ఈ వీడియోను ఇండియన్ వైల్డ్ లైఫ్ అఫీషియల్ పేజ్ ఇన్‌స్టాగ్రామ్‌లో పోస్ట్ చేసింది. ఈ వీడియోను 86 వేల మంది వీక్షించగా.. ప్రజలు కామెంట్లతో హోరెత్తిస్తున్నారు. అంతేకాకుండా ఆ మంచు చిరుత వేటకు అందరూ కూడా మంత్రముగ్దులయ్యారు. లేట్ ఎందుకు మీరు కూడా ఆ వీడియోపై ఓ లుక్కేయండి…
View this post on Instagram
