Watch Video: ఓరీ దేవుడో.. ఇదేం భక్తిరా సామీ..! భారీ కాలనాగుకు అభిషేకాలా..? మీ అదృష్టం బాగుండి బతికిపోయారు..
ఈ వీడియో ఇన్‌స్టాగ్రామ్‌లో షేర్ చేయబడింది. దీనిని 3 కోట్ల మందికి పైగా వీక్షించారు. 10 లక్షల మందికి పైగా లైక్ చేసారు. ఈ వీడియో చూసి చాలా మంది రకరకాలుగా కామెంట్స్ చేస్తున్నారు. భక్తి, పూజలకు పరిమితి ఉందని చెబుతూ.. ఇక్కడ వీరంతా నేరుగా దేవుడిని కలవాలని కోరుకుంటున్నారంటూ ఎద్దేవా చేస్తూ కామెంట్‌ చేశారు.
Updated on: May 11, 2024 | 8:22 PM
హిందూ మతంలో ఏ పండుగ లేదా కార్యక్రమం ఏదైనా సరే..ముందుగా దేవుడిని పూజిస్తారు. తద్వారా ఇంట్లో ఆనందం, శ్రేయస్సు నెలకొంటుందని నమ్ముతారు. అలాంటి మన దేశంలో ఆయా ప్రాంతాల వారిగా పూజా విధానాలు పాటిస్తుంటారు. చెట్లు, రాళ్లను పూజించడం మీరు చాలాసార్లు చూసి ఉంటారు. సోషల్‌ మీడియాలో అలాంటి ఫోటోలు, వీడియోలు నిత్యం వైరల్ అవుతూనే ఉంటాయి. అయితే ఈ రోజు మనం కలలో కూడా ఊహించలేని ఒక ప్రత్యేకమైన పూజకు సంబంధిన వీడియో ఒకటి నెట్టింట తెగ చక్కర్లు కొడుతోంది. ఆ మహా శివుడికి పాములంటే ఎంత ఇష్టమో అందరికీ తెలిసిందే. అతని అలంకరణ పాములతో ముడిపడి ఉంటుంది. అయితే, అలాంటి పామునే పూజించేవారిని ఎక్కడైనా చూశారా..? వైరల్ వీడియోలో ఓ జంట భారీ విషసర్పాన్ని భక్తితో పూజిస్తోంది.
ఇక్కడ ఒక దంపతులు పాముకు రుద్రాభిషేకం చేస్తున్న దృశ్యం వీడియోలో కనిపిస్తోంది. కుటుంబ సభ్యులందరూ కూడా అక్కడే ఉన్నారు. పురోహితుడు పూజా విధానం వివరిస్తున్నాడు. అభిషేక్‌ చేస్తున్న సమయంలో ఆ పాము పడగ విప్పి పదే పదే కాటు వేసేందుకు ప్రయత్నిస్తోంది. కానీ వారు పాము కాటు నుంచి తప్పించుకోగలిగారు. కానీ, ఆ పాము కోపంతో అక్కడున్న వారందరినీ చూస్తుంది. ఆ దంపతులు మాత్రం తమ పూజాకార్యక్రమాన్ని అంతరాయం లేకుండా కొనసాగిస్తున్నారు.
View this post on Instagram
ఈ వీడియో ఇన్‌స్టాగ్రామ్‌లో షేర్ చేయబడింది. దీనిని 3 కోట్ల మందికి పైగా వీక్షించారు. 10 లక్షల మందికి పైగా లైక్ చేసారు. ఈ వీడియో చూసి చాలా మంది రకరకాలుగా కామెంట్స్ చేస్తున్నారు. భక్తి, పూజలకు పరిమితి ఉందని చెబుతూ.. ఇక్కడ వీరంతా నేరుగా దేవుడిని కలవాలని కోరుకుంటున్నారంటూ ఎద్దేవా చేస్తూ కామెంట్‌ చేశారు. ఇకపోతే, నోరులేని మూగజీవాలను ఎందుకు ఇబ్బంది పెడుతున్నారంటూ మరొకరు రాశారు. దేశం ఇంకా మూఢనమ్మకాలతోనే మగ్గిపోతుందని మరికొందరు అంటున్నారు.
మరిన్ని ట్రెండింగ్ న్యూస్ కోసం క్లిక్ చేయండి..
