Viral video: వెంట్రుకవాసిలో తప్పించుకోవడం అంటే ఇదే.. కదులుతున్న రైలు నుంచి పడిపోయిన యువతి..
తాజాగా ప్రమాదానికి సంబంధించిన ఓ వీడియో సోషల్ మీడియాలో వైరల్ అవుతోంది. కొంతమంది కదులుతోన్న రైలు, బస్సుల్లో నుంచి దిగడం ఎక్కడం లాంటివి చేస్తుంటారు.
Updated on: Nov 12, 2022 | 7:53 PM
ప్రతి క్షణం మనం చాలా జాగ్రత్తగా ఉండాలి ప్రమాదాలు ఎప్పుడు ఎటు నుంచి వస్తాయో చెప్పలేం.. ఒకొక్కసారి మనం ఎంత జాగ్రత్తగా ఉన్న కూడా ప్రమాదాలు జరుగుతుంటాయి. తాజాగా ప్రమాదానికి సంబంధించిన ఓ వీడియో సోషల్ మీడియాలో వైరల్ అవుతోంది. కొంతమంది కదులుతోన్న రైలు, బస్సుల్లో నుంచి దిగడం ఎక్కడం లాంటివి చేస్తుంటారు. తాజాగా ఓ యువతీ కూడా అలానే చేసి ప్రాణాల మీదకు తెచ్చుకుంది.
కదులుతున్న రైలు ఎక్కేందుకు వెళ్తున్న ఓ యువతి ప్లాట్ ఫాం అంచున పడిపోయింది. అక్కడే నిల్చున్న రైల్వే ప్రొటెక్షన్ ఫోర్స్ హెడ్ కానిస్టేబుల్ అప్రమత్తమై వెంటనే ఆమెను రక్షించాడు. ఈ వీడియో ఇప్పుడు వైరల్ అవుతోంది. ఈ ఘటన కేరళలో చోటుచేసుకుంది. ఈ వీడియో ఆర్పీఎఫ్ ఇండియా ట్విట్టర్ ఖాతాలో షేర్ చేయబడింది.
కదులుతున్న రైలు ఎక్కేందుకు ప్రయత్నించిన ఈ యువతి అదుపు తప్పిపోయింది. హెడ్ కానిస్టేబుల్ వెంటనే ఆమె వద్దకు పరుగెత్తకపోతే, ఆమె ట్రైన్ కింద పడే అవకాశం ఉంది. అదృష్టవశాత్తూ ఆమె ప్రాణాలతో బయటపడింది. ‘హెడ్ కానిస్టేబుల్ సతీష్ చాలా త్వరగా ఆమెను రక్షించాడు. ‘రైలు చక్రాలు తగలకుండా కాపాడారు’ అంటూ వీడియోకు క్యాప్షన్ ఇచ్చారు.
Alert #RPF Head Constable Satheesh acted swiftly and saved a minor girl from going under the wheels of train when she fell down while trying to board a running train at Tirur railway station.#MissionJeewanRaksha #LifeSavingAct #BeResponsible #BeSafe pic.twitter.com/R0iMdas4WX
— RPF INDIA (@RPF_INDIA) November 11, 2022
ఈ ఘటన కేరళలోని తిరుర్ రైల్వే స్టేషన్లో చోటుచేసుకుంది. ఈ వీడియోను ఇప్పటి వరకు 3,500 మందికి పైగా చూశారు. సహాయక చర్యలను పలువురు ప్రశంసించారు. “రైలు స్టేషన్లోకి ప్రవేశించినప్పుడు,దానికి దగ్గరగా నిలబడినప్పుడు RPF ప్రజలు ఎందుకు శ్రద్ధ వహిస్తారో నాకు ఇప్పుడు అర్థమైంది” అని కొందరు కామెంట్స్ చేస్తున్నారు.
