Yashoda First Day Collections: సూపర్ హిట్ టాక్తో దూసుకుపోతున్న యశోద.. మొదటి రోజు కలెక్షన్స్ ఎంతంటే..
మెడికల్ మాఫియాను కొత్త కాన్సెప్ట్తో వచ్చిన యశోద ప్రేక్షకులను ఆకట్టుకుంటూ సూపర్ హిట్ టాక్తో దూసుకుపోతుంది. అన్ని వర్గాల ఆడియన్స్ నుంచి మంచి స్పందన అందుకుంటున్న ఈ మూవీ మొదటి రోజు మంచి వసూళ్లే వచ్చాయి.
Updated on: Nov 12, 2022 | 1:37 PM
డైరెక్టర్స్ హరి, హరీష్ దర్శకత్వంలో సమంత ప్రధాన పాత్రలో నటించిన చిత్రం యశోద. సరోగసి నేపథ్యంలో తెరకెక్కిన ఈ సినిమా నవంబర్ 11న ప్రపంచవ్యాప్తంగా విడుదలైంది. ఇక శుక్రవారం ఉదయం నుంచే ఈ సినిమాకు పాజిటివ్ టాక్ వస్తోంది. ముఖ్యంగా సామ్ నటన పై ప్రశంసలు కురిపిస్తున్నారు. యాక్షన్ సన్నివేశాల్లో సామ్ ప్రాణం పెట్టి చేసిందని.. ఈ మూవీ కోసం ఆమె ఎంత కష్టపడిందో.. తెరపై కనిపిస్తోందంటూ కామెంట్స్ చేస్తున్నారు. మెడికల్ మాఫియాను కొత్త కాన్సెప్ట్తో వచ్చిన యశోద ప్రేక్షకులను ఆకట్టుకుంటూ సూపర్ హిట్ టాక్తో దూసుకుపోతుంది. అన్ని వర్గాల ఆడియన్స్ నుంచి మంచి స్పందన అందుకుంటున్న ఈ మూవీ మొదటి రోజు మంచి వసూళ్లే వచ్చాయి.
ట్రేడ్ విశ్లేషకుల అభిప్రాయం ప్రకారం మెడికల్ థ్రిల్లర్ యశోద మొదటి రోజు ప్రపంచవ్యాప్తంగా రూ. 3.25 కోట్లు రాబట్టింది. తెలుగు రాష్ట్రాల్లో .. నైజాంలో రూ. 84 లక్షలు.. సీడెడ్లో రూ. 18 లక్షలు.. ఆంధ్రాలో రూ. 63 లక్షలు వసూలు చేసింది. అలాగే తమిళనాడులో రూ. 14 లక్షలు.. మలయాళంలో రూ . 10 లక్షలు.. కర్ణాటక, రెస్టాఫ్ ఇండియాలో కలిసి రూ. 20 లక్షల వసూళ్లు రాబట్టింది. ఇక ఓవర్సీస్లో రూ. 84 లక్షలు కలిపితే మొత్తం రూ. 3.25 కోట్లు వచ్చినట్లుగా తెలుస్తోంది.
ది ఫ్యామిలీ మ్యాన్ సిరీస్ ద్వారా పాన్ ఇండియా స్టార్ గా మారిన తర్వాత సామ్ నటించిన చిత్రం కావడంతో ఈ చిత్రానికి మంచి స్పందన వస్తుంది. ఇక తన సినిమాను సక్సెస్ చేసినందుకు అభిమానులకు కృతజ్ఞతలు తెలిపింది సామ్. ఇక ఈ సినిమా కాకుండా సామ్ నటించిన శాకుంతలం సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. అలాగే డైరెక్టర్ శివ నిర్వాణ దర్శకత్వంలో విజయ్ దేవరకొండ సరసన ఖుషి చిత్రంలో నటిస్తోంది సామ్.
This time, more than ever, I was hoping and praying for all your support in promoting the film. The affection you have showered on me & Yashoda in the run up to the release is humbling. Forever grateful to all of you. You are my family❤️ Truly hope you enjoy the film. Thank you?? pic.twitter.com/O8rbC4cYU4
— Samantha (@Samanthaprabhu2) November 11, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
