AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Video: షారుఖ్ పాటకు జార్జియా చిన్నారి డాన్స్.. 5.5 కోట్ల వ్యూస్!

బాలీవుడ్ పాటలకు దేశాలతో సంబంధం లేదు భాషతో అసలే పని లేదు! మంచి పాట ఎక్కడ వినిపించినా సంగీత ప్రియులను కట్టిపడేస్తుంది. అందులోనూ షారుఖ్ ఖాన్ నటించిన సినిమాల్లోని పాటలకైతే ప్రపంచవ్యాప్తంగా అభిమానులు ఉన్నారు. అలాంటి ఓ క్లాసిక్ పాటకు జార్జియాకు చెందిన ఓ చిన్నారి వేసిన స్టెప్పులు ఇప్పుడు ఇంటర్నెట్‌ను షేక్ చేస్తున్నాయి. ఆమె డ్యాన్స్ తో పాటు పక్కనే కూర్చున్న తాతయ్య ఇచ్చిన రియాక్షన్ వీరిద్దరి అల్లరి చూసిన నెటిజన్లు ఫిదా అవుతున్నారు.

Video: షారుఖ్ పాటకు జార్జియా చిన్నారి డాన్స్.. 5.5 కోట్ల వ్యూస్!
Georgian Little Girl Adorable Dance To Shah Rukh Khan Hit Song With Grandpa Wins Hearts Online
Sharada V
|

Updated on: Nov 17, 2026 | 8:28 AM

Share

జార్జియాకు చెందిన ఇవా అనా మారియా అనే చిన్నారి ఇటీవల తన ఇన్‌స్టాగ్రామ్ ఖాతాలో ఓ వీడియో పోస్ట్ చేసింది. అందులో షారుఖ్ ఖాన్, కాజోల్ నటించిన సూపర్ హిట్ మూవీ ‘దిల్‌వాలే దుల్హనియా లే జాయేంగే’ (DDLJ) సినిమాలోని ‘మెహందీ లగా కే రఖ్నా’ పాటకు ఎంతో ఉత్సాహంగా డ్యాన్స్ చేసింది. పాటలోని లిరిక్స్‌ను పాడుతూ, ఎంతో కాన్ఫిడెంట్‌గా స్టెప్పులు వేసింది. ఆమె ముఖంలో కనిపించిన ఆనందం, డ్యాన్స్‌లోని క్యూట్‌నెస్ చూసి ఎవరైనా మురిసిపోవాల్సిందే.

మనవరాలి డ్యాన్స్‌కు తాతయ్య ఫిదా

అయితే ఈ వీడియోలో అసలైన స్పెషల్ అట్రాక్షన్ మాత్రం చిన్నారి తాతయ్యే! ఓ చిన్న మంట పక్కన కూర్చున్న ఆయన మనవరాలి డ్యాన్స్‌ను ఎంతో ఆసక్తిగా చూస్తూ ఎంజాయ్ చేశారు. అంతటితో ఆగకుండా తానూ పాటకు అనుగుణంగా కదులుతూ సందడి చేశారు. మనవరాలు పాట పాడుతూ డ్యాన్స్ చేస్తుంటే తాతయ్య ఆమెను ప్రోత్సహిస్తూ ఆనందంగా గడిపారు. ఎలాంటి హడావుడి, ప్రత్యేక ఏర్పాట్లు లేకుండా సహజంగా సాగిన ఈ చిన్న క్షణాలే వీడియోకు ప్రత్యేక ఆకర్షణగా మారాయి.

5.5 కోట్ల వ్యూస్.. మనసులు గెలుచుకున్న వీడియో

ఇవా అనా మారియా జార్జియాలో ఉంటూ సోషల్ మీడియా కంటెంట్ క్రియేటర్‌గా గుర్తింపు తెచ్చుకుంది. వివిధ భాషల్లోని పాటలకు డ్యాన్స్ చేస్తూ, లిప్‌సింక్ వీడియోలు చేస్తూ అభిమానులను సంపాదించుకుంది. ముఖ్యంగా భారతీయ ప్రేక్షకులకు ఆమె వీడియోలు బాగా నచ్చుతున్నాయి. తాజాగా షేర్ చేసిన ఈ డ్యాన్స్ వీడియోకు కూడా అద్భుతమైన స్పందన వచ్చింది. ఇప్పటికే దాదాపు 5.5 కోట్ల వ్యూస్, 50 లక్షలకు పైగా లైక్స్ వచ్చాయి. 90 వేలకు పైగా కామెంట్లతో ఈ వీడియో సోషల్ మీడియాలో ట్రెండింగ్‌లో నిలిచింది.

తాతయ్య కళ్లలో ప్రేమ.. నెటిజన్ల కామెంట్ల వర్షం

ఈ వీడియో చూసిన నెటిజన్లు చిన్నారి డ్యాన్స్‌ను మాత్రమే కాదు తాతయ్యతో ఆమెకున్న అనుబంధాన్ని కూడా తెగ మెచ్చుకుంటున్నారు. ‘నువ్వు ఇన్ని భాషల్లో పాటలు పాడుతూ డ్యాన్స్ చేయడం చాలా బాగుంది. నీ వీడియోలు చూస్తే రోజంతా సంతోషంగా ఉంటుంది. దేవుడు నిన్ను చల్లగా చూడాలి’ అంటూ ఓ యూజర్ కామెంట్ చేశారు. మరో నెటిజన్ స్పందిస్తూ, ‘తాతయ్య తన జీవితంలోని అత్యంత అందమైన క్షణాలను ఆస్వాదిస్తున్నారు. రిటైర్మెంట్ జీవితాన్ని ఇంత ఆనందంగా గడపడం చూస్తుంటే ముచ్చటేస్తోంది’ అని రాశారు. ఇంకొకరు ‘మనవరాలిపై తాతయ్యకు ఉన్న ప్రేమ ఆయన కళ్లలోనే కనిపిస్తోంది. ఆ చూపు వెలకట్టలేనిది’ అంటూ ప్రశంసించారు. మరికొందరు అయితే ‘నిజమైన సింగర్ తాతయ్యే’, ‘ఓ లి సజా కే రఖ్నా.. అబ్బా ఎంత క్యూట్‌గా ఉంది!’ అంటూ సరదాగా కామెంట్లు చేస్తున్నారు.

30 ఏళ్లు దాటినా తగ్గని DDLJ క్రేజ్

1995లో విడుదలైన ‘దిల్‌వాలే దుల్హనియా లే జాయేంగే’ సినిమాకు ఆదిత్య చోప్రా దర్శకత్వం వహించారు. షారుఖ్ ఖాన్, కాజోల్ జంటగా నటించిన ఈ చిత్రం అప్పట్లో సంచలన విజయం సాధించింది. ముఖ్యంగా ‘మెహందీ లగా కే రఖ్నా’ పాట ఇప్పటికీ భారతీయ పెళ్లిళ్లలో ప్రత్యేక ఆకర్షణగా నిలుస్తోంది. దాదాపు మూడు దశాబ్దాలు గడిచినా ఈ పాట క్రేజ్ ఏమాత్రం తగ్గలేదు. ఇప్పుడు జార్జియా చిన్నారి తన తాతయ్యతో కలిసి ఈ పాటకు చేసిన సందడి మరోసారి ఆ పాటను సోషల్ మీడియాలో హాట్ టాపిక్‌గా మార్చింది. నిజంగా సంగీతానికి హద్దులు లేవని ఈ వీడియో మరోసారి నిరూపిస్తోంది!

మరిన్ని ట్రెండింగ్ వార్తలు చూడండి

Follow Us
Video: షారుఖ్ పాటకు జార్జియా చిన్నారి డాన్స్... 5.5 కోట్ల వ్యూస్!
Video: షారుఖ్ పాటకు జార్జియా చిన్నారి డాన్స్... 5.5 కోట్ల వ్యూస్!
108 కిలోమీటర్ల రేంజ్‌తో యమహా నుంచి కొత్త ఎలక్ట్రిక్ స్కూటర్‌!
108 కిలోమీటర్ల రేంజ్‌తో యమహా నుంచి కొత్త ఎలక్ట్రిక్ స్కూటర్‌!
శబరిమలలో శరణు ఘోష.. అయ్యప్ప దర్శనానికి పోటెత్తిన భక్తులు..
శబరిమలలో శరణు ఘోష.. అయ్యప్ప దర్శనానికి పోటెత్తిన భక్తులు..
ONGC వద్ద ఎగసిపడుతున్న గ్యాస్.. భయాందోళనలో జనం!
ONGC వద్ద ఎగసిపడుతున్న గ్యాస్.. భయాందోళనలో జనం!
వందే భారత్ ఎక్స్‌ప్రెస్‌లో చిక్కుకున్న12 మంది..రూ.36 వేల జరిమానా!
వందే భారత్ ఎక్స్‌ప్రెస్‌లో చిక్కుకున్న12 మంది..రూ.36 వేల జరిమానా!
ఇక పరీక్ష జరిగిన 3 వారాల్లోనే TGPSC ప్రభుత్వ ఉద్యోగ నియామకాలు
ఇక పరీక్ష జరిగిన 3 వారాల్లోనే TGPSC ప్రభుత్వ ఉద్యోగ నియామకాలు
TG TET January 2027 దరఖాస్తులు ప్రారంభం.. జనవరి 3 నుంచి పరీక్షలు
TG TET January 2027 దరఖాస్తులు ప్రారంభం.. జనవరి 3 నుంచి పరీక్షలు
పేదలకు సర్కార్ గుడ్‌న్యూస్.. నెరవేరుతున్న పదేళ్ల కల..!
పేదలకు సర్కార్ గుడ్‌న్యూస్.. నెరవేరుతున్న పదేళ్ల కల..!
వీధుల్లో వింత శబ్ధాలు.. జనాల పరుగులు.. షాకింగ్‌ సీన్‌..
వీధుల్లో వింత శబ్ధాలు.. జనాల పరుగులు.. షాకింగ్‌ సీన్‌..
ఇన్‌స్టాలో పరిచయం.. ఇంట్లోనే ఆశ్రయం పొంది 4.5 తులాల బంగారం చోరీ!
ఇన్‌స్టాలో పరిచయం.. ఇంట్లోనే ఆశ్రయం పొంది 4.5 తులాల బంగారం చోరీ!