AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

పాఠాలు చెప్పాల్సిన పంతులు వక్రబుద్ధి.. పదో తరగతి విద్యార్థినితో అసభ్య ప్రవర్తన!

కడప జిల్లా ప్రొద్దుటూరులోని ఓ ప్రభుత్వ పాఠశాలలో ఉపాధ్యాయుడి లైంగిక వేధింపులు తీవ్ర కలకలం రేపుతున్నాయి. విద్యార్థులకు విద్యాబుద్ధులు నేర్పించి, మంచి మార్గంలో నడిపించాల్సిన ఉపాధ్యాయుడే విద్యార్థినితో అసభ్యంగా ప్రవర్తించాడనే ఆరోపణలు స్థానికంగా చర్చనీయాంశంగా మారాయి. ఈ ఘటనపై విద్యార్థి సంఘాలు ఆగ్రహం వ్యక్తం చేస్తూ ఆందోళనకు దిగాయి.

పాఠాలు చెప్పాల్సిన పంతులు వక్రబుద్ధి.. పదో తరగతి విద్యార్థినితో అసభ్య ప్రవర్తన!
Teacher Misconduct
Balaraju Goud
|

Updated on: Nov 17, 2026 | 11:06 AM

Share

కడప జిల్లా ప్రొద్దుటూరులోని ఓ ప్రభుత్వ పాఠశాలలో ఉపాధ్యాయుడి లైంగిక వేధింపులు తీవ్ర కలకలం రేపుతున్నాయి. విద్యార్థులకు విద్యాబుద్ధులు నేర్పించి, మంచి మార్గంలో నడిపించాల్సిన ఉపాధ్యాయుడే విద్యార్థినితో అసభ్యంగా ప్రవర్తించాడనే ఆరోపణలు స్థానికంగా చర్చనీయాంశంగా మారాయి. ఈ ఘటనపై విద్యార్థి సంఘాలు ఆగ్రహం వ్యక్తం చేస్తూ ఆందోళనకు దిగాయి.

ప్రొద్దుటూరులోని ఊటుకూరు వీరయ్య ప్రభుత్వ బాలుర ఉన్నత పాఠశాలలో ఈ ఘటన చోటుచేసుకుంది. పాఠశాలలో పదో తరగతి చదువుతున్న ఓ విద్యార్థిని పట్ల ఉపాధ్యాయుడు అసభ్యకరంగా ప్రవర్తించాడని పలువురు విద్యార్థినులు ఆరోపిస్తున్నారు. విద్యార్థినుల పట్ల ఉపాధ్యాయుడి ప్రవర్తనపై తీవ్ర అభ్యంతరాలు వ్యక్తమవుతున్నాయి. అయితే ఈ ఆరోపణలు ఇంకా విచారణలోనే ఉన్నాయి.

ఈ నేపథ్యంలో పాఠశాల వద్ద ఏఐఎస్ఎఫ్, ఏఐవైఎఫ్ విద్యార్థి సంఘాల నాయకులు ఆందోళన చేపట్టారు. ఆరోపణలు ఎదుర్కొంటున్న ఉపాధ్యాయుడిపై తక్షణమే చర్యలు తీసుకోవాలని డిమాండ్ చేశారు. విద్యార్థినులకు పాఠశాలల్లో భద్రత కల్పించాల్సిన బాధ్యత అధికారులపై ఉందని స్పష్టం చేశారు.

మరోవైపు ఈ వ్యవహారాన్ని విద్యాశాఖ అధికారులు సీరియస్‌గా తీసుకున్నారు. ఉపాధ్యాయుడిపై వచ్చిన ఆరోపణలపై విచారణ ప్రారంభించారు. ఇందులో భాగంగా పాఠశాల ప్రిన్సిపల్‌ను డిప్యూటీ డీఈవో విచారించినట్లు సమాచారం. ఈ ఘటనకు సంబంధించిన వివరాలను సేకరించి, వాస్తవాలను నిర్ధారించే ప్రయత్నం చేస్తున్నారు.

విచారణలో ఆరోపణలు నిజమని తేలితే బాధ్యులపై నిబంధనల ప్రకారం కఠిన చర్యలు తీసుకోవాలని విద్యార్థి సంఘాలు డిమాండ్ చేస్తున్నాయి. విద్యార్థినుల భద్రతకు ప్రాధాన్యత ఇవ్వాలని, ఇలాంటి ఘటనలు పునరావృతం కాకుండా చర్యలు చేపట్టాలని కోరుతున్నాయి. ప్రస్తుతం విద్యాశాఖ విచారణ ఫలితంపై ఉత్కంఠ నెలకొంది.

మరిన్ని క్రైమ్ వార్తల కోసం ఇక్కడ క్లిక్ చేయండి..

Follow Us