Snakes Mistery: లక్షల కోట్ల నిధులు.. కాపలాగా పాములు.. నాగబంధనం గురించి సైన్స్ ఏం చెప్తోంది?

నిజంగానే పాములకు బంగారం అంటే ఇష్టమా?.. అవి గుప్తనిధులను కనిపెట్టగలవా?.. ఈ పురాతన నమ్మకాల వెనుక ఉన్న శాస్త్రీయ నిజాలు ఏంటి అనే అంశంపై జంతు శాస్త్రవేత్తలు పరిశోధకులు కొన్ని షాకింగ్ విషయాలను వెల్లడించారు. సర్ప శాస్త్ర నిపుణులు సైన్స్ నివేదికల ప్రకారం.. పాములు గుప్తనిధులను కాపాడతాయి అనేదానికి ఎలాంటి ఆధారాలు లేవు. ఇదంతా కేవలం ఒక అపోహ మాత్రమే. మరి పాతకాలపు నిధులు ఉండే చోట పాములు ఎందుకు కనిపిస్తాయో ఇక్కడ చూద్దాం.

1. పాములకు ధన వ్యామోహం ఉండదు: జీవశాస్త్రం ప్రకారం పాము అనేది చాలా సాధారణమైన సరీసృపం. వాటి మెదడు కేవలం ఆహారం వెతుక్కోవడం, ఆత్మరక్షణ మరియు సంతానోత్పత్తి అనే ప్రాథమిక అవసరాలకు మాత్రమే పరిమితమై ఉంటుంది. మానవులలాగా వాటికి బంగారం, వజ్రాలు లేదా డబ్బు విలువ తెలియదు. వాటికి ధన వ్యామోహం ఉండే అవకాశమే లేదు.

2. పురాతన కట్టడాలు.. పాములకు సురక్షితమైన ఆవాసాలు: గుప్తనిధులను పూర్వకాలంలో దట్టమైన గోడల మధ్య, భూగర్భ గదుల్లో, లేదా పాత కోటల నేలమాళిగల్లో దాచేవారు. ఈ ప్రదేశాలు దశాబ్దాల తరబడి మూసి ఉండి చీకటిగా, చల్లగా ఉంటాయి. పాములు శీతల రక్త జంతువులు కావడం వల్ల, వాటికి నిరంతరం చలి లేదా ఎండ నుండి రక్షణ ఇచ్చే చీకటి ప్రదేశాలు అవసరం. పాడుబడిన ఇళ్లు, నేలమాళిగలు వాటికి పర్ఫెక్ట్ నివాసాలుగా మారుతాయి.

3. ఆహారం లభ్యత (ఎలుకల సంచారం): పాత కోటలు, మూసి ఉన్న గదులలో ఎలుకలు, కీటకాలు, కప్పలు ఎక్కువగా నివసిస్తాయి. పాములకు ఇవే ప్రధాన ఆహారం. ఎలుకలను వేటాడే క్రమంలో పాములు ఆయా ప్రదేశాలకు చేరుకుని అక్కడే స్థిరపడతాయి. ప్రజలు ఆ ప్రదేశాల్లో నిధులు వెతకడానికి వెళ్లినప్పుడు అక్కడ పాములు కనిపించడంతో.. అవి నిధికి కాపలా కాస్తున్నాయనే భ్రమలో పడిపోయారు.

4. పురాతన కాలంలో రాజుల వ్యూహం: పూర్వకాలంలో రాజులు లేదా సంపన్నులు తమ నిధిని దొంగల బారిన పడకుండా కాపాడుకోవడానికి ఒక ట్రిక్ ప్లే చేసేవారు. నిధులు దాచే గదులలో అత్యంత విషపూరితమైన పాములను వదిలేవారు లేదా ఆ గదుల చుట్టూ పాములు ఆకర్షితమయ్యే వాతావరణాన్ని సృష్టించేవారు. దొంగలు భయంతో లోపలికి రాకుండా ఉండటానికి ‘నిధిని పాములు కాపాడుతున్నాయి’ అనే పుకార్లను కూడా వాళ్లే ప్రచారంలోకి తెచ్చేవారు. కాలక్రమేణా అదే నిజమనే నమ్మకం బలపడింది.

5. నాగమణి అపోహలు: కొన్ని వందల ఏళ్లు బతికిన పాము తలపై ‘నాగమణి’ ఉంటుందని, అది రాత్రి పూట వెలుతురు ఇస్తుందని నమ్ముతారు. కానీ సైన్స్ ప్రకారం ఇది 100 శాతం అబద్ధం. ఏ పాము తలపై ఎలాంటి రత్నాలు లేదా మణులు ఉండవు. పాములలో విష గ్రంథులు మాత్రమే ఉంటాయి తప్ప మణులు ఉండవని సైంటిస్టులు స్పష్టం చేశారు.

కాబట్టి.. లంకె బిందెలు, గుప్తనిధుల చుట్టూ పాములు ఉండటం వెనుక కేవలం జీవశాస్త్ర పరమైన కారణాలు (సురక్షిత ఆవాసం, ఆహారం) మాత్రమే ఉన్నాయి తప్ప ఎలాంటి అతీంద్రియ శక్తులు లేవని సైన్స్ చెబుతోంది!

గమనిక : ఇది కేవలం సమాచారం మాత్రమే. పైన పేర్కొన్న వివరాలు జంతు శాస్త్ర పరిశోధనలు, సైన్స్ నివేదికలు మరియు నిపుణుల విశ్లేషణల ప్రాతిపదికన అందించబడ్డాయి. పురాతన జానపద నమ్మకాలకు ఎలాంటి శాస్త్రీయ ఆధారాలు లేవు. దీనికి సంస్థ ఎలాంటి బాధ్యత వహించదు.