బ్రెయిన్ క్యాన్సర్‌ను జయించిన డాక్టర్.. ఆ మృత్యుంజయుడి కథ ఏంటంటే?

క్యాన్సర్‌తో పోరాడుతూ జీవించడం అనేది ఏ వ్యక్తికైనా జీవితంలో అతిపెద్ద సవాలు. ఎవరైనా ఈ వ్యాధిని అధిగమించినట్లయితే.. అది ఒక అద్భుతం కంటే తక్కువ కాదు. అది కూడా అత్యంత ప్రాణాంతక క్యాన్సర్లలో ఒకటైన బ్రెయిన్ క్యాన్సర్ వంటి వ్యాధిపై పోరాటం చేసి గెలిస్తే అది ఒక అద్భుతమే.. ఎదుకంటే బ్రెయిన్ క్యాన్సర్ మెదడును మాత్రమే కాదు మొత్తం శరీరాన్ని ప్రభావితం చేస్తుంది. ఇలాంటి క్యాన్సర్ బారిన పడిన ప్రపంచ ప్రఖ్యాత ఆస్ట్రేలియన్ వైద్యుడు రిచర్డ్ స్కోలియర్ ప్రస్తుతం వార్తల్లో నిలిచాడు. బ్రెయిన్ క్యాన్సర్ కు ప్రపంచంలోనే మొట్టమొదటి చికిత్స పొందిన ఒక సంవత్సరం తర్వాత అతను వ్యాధిని ఓడించడంతో ఆస్ట్రేలియన్ వైద్యుడు రిచర్డ్ స్కోలియర్ పోరాట కథను తెలుసుకోవడం కూడా ఆసక్తికరంగా మారింది.

డాక్టర్ రిచర్డ్ స్కోలియర్ చికిత్స మెలనోమాపై తానే సొంతంగా పరిశోధన చేసి.. దాని ఆధారంగా చికిత్సను రూపొందించుకున్నారు. గ్లియోబ్లాస్టోమా(గ్లియోబ్లాస్టోమా అనేది మెదడు లేదా వెన్నుపాములోని కణాల పెరుగుదలగా ప్రారంభమయ్యే ఒక రకమైన క్యాన్సర్) ప్రొఫెసర్ స్కోలియర్ పై వేగంగా వ్యాపిస్తోంది. దీని బారిన పడిన చాలా మంది రోగులు ఒక సంవత్సరం కంటే తక్కువ కాలం జీవిస్తారు. అయితే 57 ఏళ్ల డాక్టర్ రిచర్డ్ స్కోలియర్ తాను తాజాగా MRI స్కాన్‌ చేయించుకోగా మళ్లీ కణితి కనిపించలేదని ప్రకటించారు. స్కోలియర్ గత సంవత్సరం జూన్‌లో బ్రెయిన్ క్యాన్సర్‌తో బాధపడుతున్నట్లు గుర్తించారు. అప్పుడు ఇమ్యునోథెరపీ చికిత్స కోసం “గినియా పిగ్” ప్రయోగంగా మారాలని నిర్ణయించుకున్నాడు.

డాక్టర్ రిచర్డ్ స్కోలియర్ ఎవరు?

ప్రొఫెసర్ స్కోలియర్ అంతర్జాతీయంగా ప్రసిద్ధి చెందిన వైద్యుడు. అతను మెలనోమాపై పరిశోధన చేశాడు. మెలనోమాపై అతను చేసిన పరిశోధన కారణంగా స్కోలియర్ కు అతని సహోద్యోగి, స్నేహితురాలు జార్జినా లాంగ్‌కు 2024లో ఆస్ట్రేలియన్ ఆఫ్ ది ఇయర్ అవార్డు లభించింది. డాక్టర్ రిచర్డ్ స్కోలియర్ తన అనారోగ్యం గురించి సోషల్ మీడియాలో పోస్ట్ చేసారు. అతను తన పోస్ట్‌లో ఇలా రాశాడు, నేను ఇంతకంటే సంతోషంగా ఉండలేను !!!!! ఆశాజనకంగా ఉండడమే జీవితానికి ప్రస్తుతం కావాల్సింది. ఇది డాక్టర్ స్కోలియర్‌కు మాత్రమే కాదు బ్రెయిన్ క్యాన్సర్ రోగులందరికీ మెరుగైన ఫలితాలనిస్తుందని పేర్కొన్నాడు.

ఇవి కూడా చదవండి

ఆర్మీ సైనికుడి దెయ్యంతో డేటింగ్ చేస్తున్నానని ప్రకటించిన యువతి..

షిర్డీకి వెళ్తున్నారా.. ప్రసిద్ధ పర్యాటక ప్రాంతాలపై ఓ లుక్ వేయండి

కన్నయ్య అవతారం ఖతుశ్యామ్ జీ జయంతి రేపు.. నలుపు రంగులో దర్శనం

ఎంత కష్టపడినా డబ్బు సంపాదించలేకపోతున్నారా..

ఇమ్యునోథెరపీ అంటే ఏమిటి?

మెలనోమా ఇన్‌స్టిట్యూట్ ఆస్ట్రేలియా సహ-డైరెక్టర్‌లు గత దశాబ్ద కాలంగా ఇమ్యునోథెరపీపై పరిశోధనలు చేశారు.ఇమ్యునోథెరపీ అనే పదం మానవ శరీరంలో రోగనిరోధక శక్తిని పెంచే చికిత్స అని స్పష్టం చేస్తుంది. ఇందులో శరీరంలోని T కణాలు, వ్యాధితో పోరాడడంలో సహాయపడతాయి. క్యాన్సర్ కణాలతో పోరాడటానికి సిద్ధంగా ఉంటాయి. ఈ చికిత్స ప్రపంచవ్యాప్తంగా మెలనోమా రోగుల ఫలితాలను గణనీయంగా మెరుగుపరిచింది. ప్రస్తుతం సగం మంది కోలుకున్నారు. అంతకుముందు ఈ శాతం 10% కంటే తక్కువగా ఉంది. ప్రొఫెసర్ స్కోలియర్ శస్త్రచికిత్సకు ముందు ఇమ్యునోథెరపీని తీసుకున్న మొదటి బ్రెయిన్ క్యాన్సర్ రోగి అయ్యాడు. తన కణితిని బట్టి వ్యాక్సిన్ తీసుకున్న మొదటి వ్యక్తి కూడా డాక్టర్ రిచర్డ్ స్కోలియర్.

మరిన్ని అంతర్జాతీయ వార్తల కోసం ఇక్కడ క్లిక్ చేయండి..