Viral: ఓర్నీ.. ఇదేం వింత సామి.. పాలిస్తున్న మగ మేకలు.. 1 కాదు.. 2 కాదు…

రియల్లీ ఇదో వండర్‌.. మీరు ఆశ్చర్యంతో నోరెళ్లబెట్టడం ఖాయం. ఎక్కడైనా ఆడ మేకలు పాలు ఇవ్వడం చూశాం. కానీ మగ మేకలు పాలు ఇవ్వడం వింతగా అనిపిస్తోంది. ఈ విషయం తెలిసి చాలామంది నోరెళ్లబెడుతున్నారు. ప్రతిరోజూ ఒక్కో మగ మేక 300 మి.లీ వరకు పాలిస్తుంది.  ఆడ మేక పాలకు, ఈ మగ మేకల పాలకు ఎలాంటి తేడాలు లేకపోవడం మరో విశేషం.

ఇదిగో పైన కనిపిస్తున్న ఈ మేకపోతులు గత రెండేళ్ల నుంచి పాలు ఇస్తున్నాయి. మధ్యప్రదేశ్‌లోని బుర్హాన్‌పూర్ జిల్లాలోని ఓ ప్రైవేట్ మేకల పెంపక కేంద్రంలో ఈ మేకపోతులు పాలివ్వడం చూసి మొదట దాని యాజమాన్నే ఆశ్చర్యపోయారు. ఆ తర్వాత ఈ విషయం చుట్టుపక్కల ప్రాంతాలకు వ్యాపించింది. దాంతో ఈ వింత చూసేందుకు జనం ఫాంహౌస్‌కి తరలొస్తున్నారు. వీటిపై ఇప్పటికే జంతు శాస్త్ర వేత్తలు కూడా రీసెర్చ్‌ మొదలెట్టాయి.

పాలిచ్చే ఈ మేకపోతుల ధర లక్షల్లో ఉంటుందని చెబుతున్నారు. ఇవన్నీ రాజస్థానికి చెందిన జాతివే. అయితే వీటిలో ఓ తెల్లమేక హైదరాబాద్‌ బ్రీడ్ అని చెబుతున్నారు వాటి యజమాని. ఈ వార్త హెడ్‌లైన్‌లలోకి వచ్చినప్పటి నుండి, రైతులు, పర్యాటకులు, పరిశోధకులు రోజూ అక్కడికి రావడం ప్రారంభించారు.

మరిన్ని జాతీయ వార్తల కోసం చూడండి..