Watch Video: వామ్మో .. వానరసైన్యంతో పెట్టుకున్నారో ఇక అంతే..! చిరుతపులికే చెమటలు పట్టించాయి.. వీడియో చూశారంటే..
ఈ వైరల్ వీడియో ప్రారంభంలో చిరుతపులి రోడ్డు వెంట నడుస్తూ కనిపించింది. ఈ సమయంలో చిరుత వేట కోసం వెళ్తుందని తెలుస్తోంది. అప్పుడే దారి మధ్యలో ఒక పెద్ద కోతుల గుంపు నడుస్తూ కనిపించింది. కోతులను చూసిన చిరుతపులి తన వేటను చూసి సంతోషిస్తుంది. వెంటనే ఆ చిరుతపులి కోతుల వైపుకు పరిగెత్తి ఒక కోతిపై దాడి చేస్తుంది. ఈ చిరుత కోతుల గుంపులోకి ప్రవేశించి వేటాడేందుకు ప్రయత్నిస్తోంది. కానీ, దానికి తెలియదు పాపం వానరసైన్యం బలమెంతో.
Updated on: May 14, 2024 | 4:44 PM
ఐక్యంగా ఉంటే మనల్ని ఎవరూ ఓడించలేరు అనే నానుడి నిజమని నిరూపించే వీడియో ప్రస్తుతం సోషల్ మీడియాలో వైరల్ అవుతోంది. కోతిపై దాడి చేసిన చిరుతపులికి ఆ వానర సైన్యమంతా కలిసి గట్టి గుణపాఠం చెప్పింది. కోతి మూక దాడితో చిరుతపులి తోకముడవాల్సి వచ్చింది. వేటకు వెళ్లిన చిరుతపులిని తరిమి తరిమి ఉరికించిన కోతుల వీడియో ప్రస్తుతం నెట్టింట వైరల్‌గా మారింది. ఈ ఘటన దక్షిణాఫ్రికాలోని గ్రామీణ ప్రాంతంలో జరిగినట్లు సమాచారం.
ఈ వైరల్ వీడియో ప్రారంభంలో చిరుతపులి రోడ్డు వెంట నడుస్తూ కనిపించింది. ఈ సమయంలో చిరుత వేట కోసం వెళ్తుందని తెలుస్తోంది. అప్పుడే దారి మధ్యలో ఒక పెద్ద కోతుల గుంపు నడుస్తూ కనిపించింది. కోతులను చూసిన చిరుతపులి తన వేటను చూసి సంతోషిస్తుంది. వెంటనే ఆ చిరుతపులి కోతుల వైపుకు పరిగెత్తి ఒక కోతిపై దాడి చేస్తుంది. ఈ చిరుత కోతుల గుంపులోకి ప్రవేశించి వేటాడేందుకు ప్రయత్నిస్తోంది. కానీ, దానికి తెలియదు పాపం వానరసైన్యం బలమెంతో. తమపై వేటకు వచ్చిన చిరుతపులిపై దాదాపు 50 కోతులు కలిసి చుట్టుముట్టాయి. ఈ చిరుతపులి ఆట ఆడుకున్నాయి.
ఈ వైరల్ వీడియోలో దాదాపు 50-60 కోతుల గుంపు చిరుతపులిపై దాడి చేసి చిరుతను ఓడించింది. కోతులు ఎక్కువ సంఖ్యలో ఉండటంతో చిరుతపులి ఎంత ప్రయత్నించినా ఫలితం లేకపోయింది. దాంతో బతికి ఉంటే చాలునని గ్రహించిన ఆ చిరుత ప్రాణాల కోసం పరుగులు తీసింది. కానీ, ఆ కోతులు దాన్ని తప్పించుకోనివ్వలేదు. దాని వెంటపడి మరీ ఉరికించాయి. ఇదంతా రోడ్డుపై ఆగిపోయిన వాహనదారులు వీడియోలో తీశారు. సోషల్ మీడియాలో పోస్ట్‌ చేయటంతో ఆ వీడియో వైరల్‌గా మారింది.
Leopard thought he could eat a baboon in front of his whole troop 😳 pic.twitter.com/Khz5OLn5jc
— Nature is Amazing ☘️ (@AMAZlNGNATURE) May 12, 2024
అయితే, ఈ వీడియో చాలా పాతదే అయినా మరోసారి సోషల్ మీడియాలో వైరల్ అవుతోంది. వీడియో @AMAZlNGNATURE అనే ఖాతాతో సోషల్ మీడియా ప్లాట్‌ఫారమ్ Xలో షేర్‌ చేశారు. ఇప్పటికే 18.3 మిలియన్లకు పైగా వీడియోని వీక్షించారు. 127 వేలకు పైగా లైక్‌ చేశారు. ఈ వైరల్ వీడియోపై నెటిజన్లు తమ స్పందనను తెలియజేశారు. ఈ కోతుల ఐక్యతను అందరూ మెచ్చుకున్నారు. “దీన్నే ఐక్యత బలం అంటారు” అని ఈ కోతుల గుంపు నిరూపించింది.
మరిన్ని ట్రెండింగ్ న్యూస్ కోసం క్లిక్ చేయండి..
