దహన సంస్కారాలకు స్థలం లేక కుటుంబీకుల అవస్థలు.. నడిరోడ్డుపైనే మృతదేహం..!
ఆయా గ్రామాల్లో ఎవరైనా చనిపోతే అంత్యక్రియలు చేసేందుకు తీవ్ర ఇబ్బందులు పడేవారు. అధికారులు ఎన్నిసార్లు విన్నవించుకున్నా పట్టించుకోకపోవడం వల్ల విసిగిపోయారు. చివరకు గ్రామస్థుల ఇబ్బందులను చూసిన ఓ సహకార సంఘం వారికి చేయూతనిచ్చింది. దహన సంస్కారాల కోసం వినూత్నంగా ఆలోచించి సరికొత్త విధనాన్ని ప్రజలకు అందుబాటులోకి తెచ్చింది. దహన సంస్కారాలు నిర్వహించేందుకు సంచార శ్మశానాన్ని ఏర్పాటు చేసింది.
Updated on: Sep 20, 2023 | 1:24 PM
దహన సంస్కారాలకు స్థలం లేకపోవటంతో కుటుంబ సభ్యులు రోడ్డుపై దహన సంస్కారాలు చేసిన సంఘటన కర్ణాటక రాష్ట్రం తముకూరు జిల్లాలో చోటు చేసుకుంది. జిల్లాకు చెందిన ఈరన్న అనే వ్యక్తి అనారోగ్యంతో మృతి చెందాడు. గ్రామ శివారులోని రాజ్ కెనాల్ పక్కనే ఉన్న ప్రభుత్వ మైదానంలో అంత్యక్రియలు నిర్వహించేందుకు కుటుంబ సభ్యులు సిద్ధమయ్యారు. ఈ సమయంలో పక్క భూ యజమానులు ఈ భూమి మాదేనని వాదించారు. తమ భూమిలో అంత్యక్రియలు నిర్వహించకూడదని అడ్డుపడ్డారు. దీంతో చనిపోయిన వ్యక్తి అంత్యక్రియలకు సంబంధించి ఎలాంటి పూజలు నిర్వహించకుండానే కుటుంబ సభ్యులు నడి రోడ్డుపైనే మృతదేహాన్ని కననం చేశారు. ఈ ఘటన స్థానికంగా తీవ్ర కలకలం రేపింది. ఈ విషయం తెలుసుకున్న స్థానిక తహసీల్దార్ వరదరాజులు హుటాహుటిని ఘటనా స్థలానికి చేరుకున్నారు. రుద్రభూమి కోసం మరో స్థలం ఇప్పిస్తానని గ్రామస్తులకు హామీ ఇచ్చారు. దహన సంస్కారాలను అడ్డుకున్న వారిపై స్థానిక పోలీస్ స్టేషన్లో కేసు నమోదు చేశారు.
కర్ణాటకలోని ఉడుపి జిల్లాలో గతంలో కూడా దహన సంస్కారాలకు సంబంధించి పలు రకాల వార్తలు వచ్చాయి. గతంలో బిందూర్ నియోజకవర్గం జడ్కల్ గ్రామ పంచాయతీ పరిధిలోని జడ్కల్, ముదురు గ్రామాల్లో శ్మశాన వాటికలు లేకపోవటంతో అక్కడి ప్రజలు తీవ్ర ఇబ్బందులు పడ్డారు. ఆయా గ్రామాల్లో ఎవరైనా చనిపోతే అంత్యక్రియలు చేసేందుకు తీవ్ర ఇబ్బందులు పడేవారు. అధికారులు ఎన్నిసార్లు విన్నవించుకున్నా పట్టించుకోకపోవడం వల్ల విసిగిపోయారు. చివరకు గ్రామస్థుల ఇబ్బందులను చూసిన ఓ సహకార సంఘం వారికి చేయూతనిచ్చింది. దహన సంస్కారాల కోసం వినూత్నంగా ఆలోచించి సరికొత్త విధనాన్ని ప్రజలకు అందుబాటులోకి తెచ్చింది. దహన సంస్కారాలు నిర్వహించేందుకు సంచార శ్మశానాన్ని ఏర్పాటు చేసింది.
ఇదిలా ఉంటే,..గుబ్బి తాలూకాలోని నాగసంద్ర గొల్లరహట్టిలో భూమి విషయమై బంధువుల మధ్య గొడవ జరిగింది. విషయం తేల్చేందుకు వచ్చిన ఐదు నెలల గర్భిణిపై దాడికి పాల్పడ్డాడనే ఆరోపణలున్నాయి. భూమి విషయంలో గ్రామానికి చెందిన కుమార్, హరీష్ గంగన్న, గిడయ్య బసవరాజు పాపన్న, కాళీ మధ్య గొడవ జరిగింది. ఈ సందర్భంగా గొడవ సద్దుమణిగేందుకు వచ్చిన కుమార్ గర్భిణి భార్య హర్షితను అటెండర్లు కడుపులో తన్నారని ఆరోపించారు. దీంతో కడుపుపై బలమైన దెబ్బ తగిలి కడుపులోని పిండం మృతి చెందింది. బాధితులు సీఎస్పూర్ పోలీస్ స్టేషన్లో ఫిర్యాదు చేశారు. ఈ కేసుకు సంబంధించి నిందితులను పోలీసులు ఇంకా అరెస్టు చేయలేదని సమాచారం. దుండగులు దంపతులను బెదిరిస్తున్నారని తెలిసింది. దీంతో ఆ దంపతులు న్యాయం కోసం నిత్యం పోలీస్ స్టేషన్కు వెళుతున్నారు. సీఎస్పూర్ పోలీస్ స్టేషన్లో కేసు నమోదైంది.
మరిన్ని ట్రెండింగ్ న్యూస్ కోసం క్లిక్ చేయండి..
