IPL 2026: జైస్వాల్‌కు దిమ్మతిరిగే షాక్.. రాజస్థాన్ కెప్టెన్సీ రేసులో దూసుకొచ్చిన టీ20 ప్రపంచకప్ విజేత

Rajasthan Royals New Captain: ఐపీఎల్ 2026 మినీ వేలం తర్వాత రవీంద్ర జడేజా, శామ్ కరన్, లెగ్ స్పిన్నర్ రవి బిష్ణోయ్ వంటి కీలక ఆటగాళ్లను దక్కించుకున్న రాజస్థాన్ రాయల్స్ జట్టు ప్రస్తుతం చాలా పటిష్టంగా కనిపిస్తోంది. అయితే, 2025 వరకు జట్టును నడిపించిన సంజు శాంసన్‌ను చెన్నై సూపర్ కింగ్స్‌కు ట్రేడ్ చేయడంతో, జట్టు కెప్టెన్ ఎవరనేది ఇప్పుడు పెద్ద ప్రశ్నగా మారింది.

జియో స్టార్‌తో మాట్లాడిన ఉతప్ప, రాజస్థాన్ బౌలింగ్ విభాగాన్ని ప్రశంసించారు. “రాజస్థాన్ రాయల్స్‌కు ఉన్న అతిపెద్ద ప్లస్ పాయింట్ వారి వద్ద 10 మంది ఫాస్ట్ బౌలర్లు ఉండటం. ఇది వారికి రకరకాల ఆప్షన్లను ఇస్తుంది. జైపూర్‌లోని ఎస్ఎంఎస్ (SMS) స్టేడియంలో వారు సరైన లెంగ్త్‌లో బౌలింగ్ చేస్తే మంచి ఫలితాలు సాధించగలరు. బిష్ణోయ్, జడేజా వంటి స్పిన్నర్లు, హెట్‌మైర్, డొనోవన్ ఫెరీరా వంటి హిట్టర్లు, అలాగే ధ్రువ్ జురెల్, రియాన్ పరాగ్‌లతో బ్యాటింగ్ లైనప్ చాలా బలంగా ఉంది” అని ఉతప్ప పేర్కొన్నారు.

జట్టు కెప్టెన్సీ గురించి మాట్లాడితే.. “ప్రస్తుతం ఉన్న ఏకైక ప్రశ్న నాయకత్వం గురించి. నా అంచనా ప్రకారం కెప్టెన్సీ అనేది రియాన్ పరాగ్, రవీంద్ర జడేజా మధ్య ఉండే అవకాశం ఉంది. జైస్వాల్ ఈ బాధ్యత కోసం మరికొంత కాలం వేచి చూడాల్సి రావొచ్చు” అని ఆయన జోడించారు.

ఇవి కూడా చదవండి

ద్రవిడ్ హయాంలో తోపు.. కట్‌చేస్తే.. గంభీర్ కాలంలో వాటర్ బాయ్

టీమిండియాలో ముదిరిన విభేదాలు.. ఎందుకంటే?

15 రోజుల ముందే చెప్పేసిన హిట్‌మ్యాన్..

సూర్యపై వేటు, గిల్‌కు నోఛాన్స్.. భారత టీ20 కెప్టెన్‌గా ఎవరంటే?

దిగ్గజ స్పిన్నర్ అనిల్ కుంబ్లే కూడా జట్టు సమతుల్యతపై స్పందించారు. యంగ్ టాలెంట్, అనుభవజ్ఞులైన ప్లేయర్లు, ఆల్‌రౌండర్లతో జట్టు బాగుందని చెప్పారు. అయితే, జోఫ్రా ఆర్చర్ వంటి కీలక బౌలర్ల ఫిట్‌నెస్ గురించి ఆందోళన వ్యక్తం చేస్తూనే, నాయకత్వం గురించి కీలక వ్యాఖ్యలు చేశారు.

“ఈ లైనప్‌ను చూసినప్పుడు కెప్టెన్సీయే అత్యంత నిర్ణయాత్మకమైన అంశం అవుతుంది. సంజు శాంసన్ రాజస్థాన్ రాయల్స్‌కు అందించిన వ్యక్తిత్వాన్ని మళ్ళీ చూడాలనుకుంటే, దానికి ధ్రువ్ జురెల్ సరైన జోడీ. అంతకు మించి జట్టు చాలా బలంగా ఉంది. జోఫ్రా ఆర్చర్ వంటి ఆటగాళ్ల ఫిట్‌నెస్ కూడా ముఖ్యం. అంతిమంగా, మేనేజ్‌మెంట్ కెప్టెన్ ఎవరో గుర్తించి వారికి స్పష్టత ఇవ్వాలి” అని కుంబ్లే స్పష్టం చేశారు.