Viral Video: కళ్లను మాయ చేసే ఎనిమిదో వింత.. వీడియో చూస్తే మీరూ నమ్మలేరు.!

కొన్నిసార్లు సోషల్ మీడియాలో కనిపించే ఫోటోలు, వీడియోలు మనల్ని అప్పుడప్పుడూ అబ్బురుపరుస్తుంటాయి. ఇలాంటివి తీయడంలో ఎంతోమంది..

Herd

Ravi Kiran |
Updated on: Jul 01, 2021 | 7:21 AM

కొన్నిసార్లు సోషల్ మీడియాలో కనిపించే ఫోటోలు, వీడియోలు మనల్ని అప్పుడప్పుడూ అబ్బురుపరుస్తుంటాయి. ఇలాంటివి తీయడంలో ఎంతోమంది కెమెరామెన్‌లు తమ కెమెరాలతో అద్భుతం చేస్తుంటారు. అందుకేనేమో అవి నెట్టింట్లో తెగ చక్కర్లు కొడుతుంటాయి. తాజాగా ఆ కోవకు చెందిన ఓ వీడియో సోషల్ మీడియాలో వైరల్ అవుతోంది. దాన్ని చూసిన తర్వాత మీరు కూడా ‘ఎంత అద్భుతంగా ఉందో’ అంటూ ఆశ్చర్యపోతారు.

ఇజ్రాయెల్‌కు చెందిన డ్రోన్‌ ఫోటోగ్రాఫర్‌ లయర్ పటేల్ తన కెమెరాతో ఎనిమిదో వింతను సృష్టించాడు. 1000-1700 గొర్రెల మంద కదలికలను.. అవి మార్చుకుంటున్న దిశలను పైనుంచి(టాప్ యాంగిల్) డ్రోన్ కెమెరా సహాయంతో బంధించాడు. ఆ వీడియోలో గొర్రెల కదలికలను ఫాస్ట్ ఫార్వర్డ్.. స్లో మోషన్ యాంగిల్స్‌లో చూపించగా.. అవి ఒకసారి పాములా.. మరోసారి పక్షి ఆకారంలో కనిపించి అబ్బురపరుస్తున్నాయి. డ్రోన్ కెమెరాతో చేసిన ఈ అద్భుతం వీక్షకులను కనువిందు చేస్తోంది. ఇదిలా ఉంటే ఈ వీడియో తీయడం వెనుక ఏడు నెలల కఠోర శ్రమ ఉందని ఫోటోగ్రాఫర్ లయర్ పటేల్ చెప్పుకొచ్చాడు.

”గత ఏడు నెలలుగా ఓ పెద్ద గొర్రెల మంద కదలికలను చిత్రీకరిస్తూ వచ్చాను. అవి ఒకే చోట కుదురుగా ఉండవు. వాటి వెనుకే తిరిగాను. శ్రమించి డ్రోన్ కెమెరాతో ఆ దృశ్యాలను బంధించాను. ఆ గొర్రెల మందలో సుమారు 1000 నుంచి 1700 గొర్రెలు ఉన్నాయి” అంటూ చెప్పుకొచ్చాడు. వీడియో ఫైనల్ కట్ చూసిన తర్వాత ఇంత అందంగా వస్తుందని అస్సలు ఊహించలేదని లయర్ పేర్కొన్నాడు. కాగా, ప్రస్తుతం ఈ వీడియో సామాజిక మాధ్యమాల్లో ట్రెండింగ్ అవుతోంది. దాన్ని చూసి నెటిజన్లు ఆశ్చర్యాన్ని వ్యక్తం చేస్తున్నారు. వేలల్లో వ్యూస్, లైకులు వచ్చి పడుతున్నాయి.

Also Read:

ఈ ఫోటోలో మరో చిరుత దాగుంది.. కనిపెట్టగలరా! గుర్తు పట్టలేదా.? అయితే ఈ క్లూ ట్రై చేయండి..

బిర్యానీ ఇలా కూడా చేస్తారా! నెటిజన్లు ఫిదా.. వీడియో చూస్తే మీరు ఆశ్చర్యపోవాల్సిందే!