Viral Video: ఈ కుర్రాడి ట్యాలెంట్ అదుర్స్.. ఒకేసారి మూడు క్యూజ్‌లను ఎగరేస్తూ.. షాకింగ్ వీడియో

Guinness World Record: మీరు ఎప్పుడైనా పజిల్ క్యూబ్‌లను పరిష్కరించడానికి ప్రయత్నించారా. మొదటిసారి r పజిల్ క్యూబ్‌లను పరిష్కరించడానికి ప్రయత్నిస్తున్నట్లయితే, మీకు చాలా ఓపికతో ఏకాగ్రత చూపించాల్సి ఉంటుంది. ఒక్క పజిల్‌నే పూర్తి చేయడం కష్టమంటే.. ఒకతను ఏకంగా ఒకే సమయంలో మూడు పజిల్ క్యూబ్‌లను సాల్వ్ చేసి, ఔరా అనిపించాడు. అసలు ఎవరైనా ఇలా చేస్తారా? అని ఆలోచిస్తున్నారా.. అక్కడికే వస్తున్నాం.. ఇలాంటి వారు కూడా ప్రపంచంలో ఉన్నారు. అలాంటి వారే గిన్నిస్ బుక్‌లో చోటు కూడా ఇట్టే సంపాదిస్తుంటారు. ఆయన ఎవరు, ఎలా చేశాడో ఇప్పుడు చూద్దాం..

ప్రస్తుతం చైనా స్పీడ్ క్యూబింగ్ సుప్రీమో లీ జిహావో ఈ ఘనత సాధించాడు. దీంతో పాటు అతి తక్కువ సమయంలో చేసిన వ్యక్తిగా కూడా నిలిచాడు. దీంతో అతని పేరు గిన్నిస్ వరల్డ్ రికార్డ్స్ టైటిల్‌లో కూడా చేరింది. గిన్నిస్ వరల్డ్ రికార్డ్స్‌కు చెందిన యూట్యూబ్ ఛానెల్ విడుదల చేసిన వీడియోతో ఈ సమాచారం అందించారు.

3 నిమిషాల 30 సెకన్లలోపు పజిల్‌లను పరిష్కరించాడు..

ఇవి కూడా చదవండి

చైనాలోని ఫుజియాన్ నగరంలోని జియామెన్ ప్రాంతంలో నివసిస్తున్న లి జిహావో 29 జులై 2022న 3 నిమిషాల 29.29 సెకన్లలో మూడు పజిల్ క్యూబ్‌లను పరిష్కరించాడని గిన్నిస్ వరల్డ్ రికార్డ్స్ పేర్కొంది. ఐదేళ్ల క్రితం మూడు పజిల్ క్యూబ్స్‌తో చేసిన ఈ రికార్డులో ఎవరైనా మూడున్నర నిమిషాల వ్యవధిలో దాన్ని పరిష్కరించడం ఇదే తొలిసారి అని అందులో పేర్కొన్నారు.