Watch: అమ్మ బాబోయ్.. మొసలిని అమాంతం మింగేసిన కొండచిలువ.. పొట్ట కోసి చూడగా షాక్..

మనిషి జీవితం వేరు.. జంగిల్ జీవితం వేరు. ఇక్కడ ప్రతి క్షణం యుద్ధమే. అడవిలో బలమైన జీవులతో రాజ్యం. బలహీనమైన జీవులు.. బతుకు జీవుడా అంటూ ప్రతినిత్యం ప్రాణం కోసం పోరాడాల్సి ఉంటుంది. అయితే, పొట్టోన్ని పొడుగోడు కొడితే.. పొడుగోన్ని పోశమ్మ కొట్టిందన్నట్లు..

Wildlife

Shiva Prajapati |

Updated on: May 09, 2023 | 8:35 PM

మనిషి జీవితం వేరు.. జంగిల్ జీవితం వేరు. ఇక్కడ ప్రతి క్షణం యుద్ధమే. అడవిలో బలమైన జీవులతో రాజ్యం. బలహీనమైన జీవులు.. బతుకు జీవుడా అంటూ ప్రతినిత్యం ప్రాణం కోసం పోరాడాల్సి ఉంటుంది. అయితే, పొట్టోన్ని పొడుగోడు కొడితే.. పొడుగోన్ని పోశమ్మ కొట్టిందన్నట్లు.. బలమైన జంతువులకు కూడా ప్రాణం భయం చూపే జంతువులు అడవిలో చాలానే ఉంటాయి. కొన్నిసార్లు ఒక క్రూరమైన వేటగాడు బాధితుడు అవుతాడు. ఆ క్రూరమైన వేటగాడు తన ప్రాణాలను సైతం కోల్పోవాల్సి వస్తుంది. తాజాగా ఇందుకు నిదర్శనమైన వీడియో ఒకటి సోషల్ మీడియాలో వైరల్ అవుతోంది.

అత్యంత క్రూరమైన జంతువుల్లో మొసలి కూడా ఒకటి. దీనికి ఏ ప్రాణి అయినా చిక్కిందంటే ప్రాణాలు ఫసకే. దాని బలమైన కోర పళ్లతో చీల్చి పడేస్తుంది. అయితే, ఇంతటి భీకరమైన మొసలిని ఓ కొండ చిలువ అమాంతం మింగేసింది. ఇందుకు సంబంధించిన షాకింగ్ వీడియో సోషల్ మీడియాలో వైరల్ అవుతోంది. కొండ చిలువ ఆ మొసలిని మింగిన తరువాత డైజేషన్ సమస్యతో ఇబ్బందులు ఎదుర్కొంది. అది గమనించిన అటవీ అధికారులు ఆ పామును చాకచక్యంగా పట్టున్నారు. పొట్టలో ఏదో ఉందని గ్రహించి, ఆపరేషన్ చేయగా.. 5 అడుగుల మొసలి కనిపించింది. దానిని బయటకు తీశారు వైద్యులు. అది చూసి వైద్యులు సైతం షాక్ అయ్యారు. ఇది ఎలా సాధ్యమైందని ఆశ్చర్యపోతున్నారు.

ఇవి కూడా చదవండి

కాగా, ఈ వీడియోను సోషల్ మీడియా ప్లాట్‌ఫారమ్ ట్విట్టర్‌లో పోస్ట్ చేశారు. @TerrifyingNatur పేరుతో ఉన్న ట్విట్టర్ అకౌంట్‌లో షేర్ చేయగా.. అదికాస్తా వైరల్ అయ్యింది. ‘18 అడుగుల కొండ చిలువ కడుపులో 5 అడుగుల మొసలి’ అంటూ ఆ వీడియోకు క్యాప్షన్ పెట్టారు. ఈ వీడియోను చూసి నెటిజన్లు హడలిపోతున్నారు.