Viral Video: హాయిగా నిద్రపోతున్న వ్యక్తి.. చుట్టుముట్టిన మూడు చిరుతపులులు.. ఆ తర్వాత ఏం జరిగిందో ఊహించలేరు..!
ఈ మధ్య సోషల్ మీడియాలో ఓ వీడియో వైరల్ అవుతోంది. ఇది అందరినీ షాక్‌కి గురి చేసింది. ప్రమాదకరమైన చిరుతల మధ్య హాయిగా నిద్రిస్తున్న వ్యక్తికి సంబంధించిన వీడియో ఇది..ఇలాంటి దృశ్యం మీరు ఇంతకు ముందు చాలా అరుదుగా చూసి ఉంటారు.
Updated on: Jun 27, 2022 | 4:51 PM
భూమిపై ఉన్న అత్యంత ప్రమాదకరమైన జంతువులలో చిరుత ఒకటి. వాటి అద్భుతమైన సామర్థ్యం, చిరుత వేగానికి ప్రసిద్ధి చెందింది. ప్రపంచంలోనే అత్యంత వేగంగా పరిగెత్తే జంతువులు ఇవి. ఇవి గంటకు 100 కిలోమీటర్ల వేగంతో పరుగెత్తగలవు. వాటి వేగం కారణంగా ఏ జంతువునైనా క్షణంలో వేటాడతాయి. భయంకరమైన వన్యప్రాణి కావడం వల్ల మనిషి కూడా దీనికి భయపడతాడు. అయితే ఈ రోజుల్లో సోషల్ మీడియాలో వైరల్ అవుతున్న వీడియో అందరినీ షాక్ అయ్యేలా చేస్తోంది. వీడియోలో ఓ వ్యక్తి ప్రమాదకరమైన చిరుతపులి మధ్య హాయిగా నిద్రపోతున్నట్టుగా ఈ వీడియో మనకు చూపిస్తుంది. అంతే కాదు ఆ వ్యక్తి కూడా అదేదో పెంపుడు కుక్క, పిల్లిని పక్కలో పెట్టుకుని పడుకున్నట్టుగా చిరుతపులిని పట్టుకున్నాడు.. ఇలాంటి దృశ్యం మీరు ఇంతకు ముందు చాలా అరుదుగా చూసి ఉంటారు.
కొన్ని చిరుతలు నేలపై హాయిగా నిద్రిస్తుండగా, వాటి పక్కనే ఓ వ్యక్తి కూడా దుప్పటి కప్పుకుని నిద్రిస్తున్నట్లు వీడియోలో చూడవచ్చు. ఇంతలో ఒక చిరుతపులి నిద్రలోంచి ఉలిక్కి పడి లేచింది. అకస్మాత్తుగా నిద్రలేచి అటూ ఇటూ చూస్తుంది..మళ్లీ అది ఆ వ్యక్తి దగ్గరకు వెళ్లి అతని చేతిపై వాలి హాయిగా నిద్రపోతుంది. అతడు కూడా ఆ చిరుతను గట్టిగా పట్టుకుని హాయిగా నిద్రపోతాడు. ఆ వెంటనే పక్కనే పడుకుని ఉన్న మిగిలిన చిరుతలు కూడా లేచి ఆ వ్యక్తికి మరింత దగ్గరగా చేరి ఒకదానికొకటి అతుక్కుని హాయిగా నిద్రపోవడం కనిపిస్తుంది. వీటన్నింటి మధ్యలో ఆ వ్యక్తి ఎలాంటి భయం లేకుండా నిద్రపోతున్నట్లు చూడొచ్చు.. నిజంగా ఈ వీడియోను ఎవరూ విశ్వసించలేరు.
Are you kidding me bro??pic.twitter.com/k1vOEmchXH
— Figen (@TheFigen) June 25, 2022
ఈ షాకింగ్ వీడియో సోషల్ మీడియా ప్లాట్‌ఫారమ్ ట్విట్టర్‌లో షేర్‌ చేయబడింది. 53 సెకన్ల నిడివి గల ఈ వీడియోను ఇప్పటి వరకు 4 లక్షలకు పైగా వీక్షించారు. 12 వేల మందికి పైగా ఈ వీడియోను లైక్ చేశారు. ఈ వీడియో చూసిన జనాలు రకరకాలుగా స్పందించారు. ఒక వినియోగదారు ‘వాట్ ఎ బ్యూటిఫుల్ లైఫ్’ అని రాస్తే, మరొకరు ‘ఇది నిజమైన టార్జాన్’ అని రాశారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
