Viral Video: పెను ప్రమాదం నుంచి ఎలుకను కాపాడిన కాకి..! మీరే చూడండి

సాధారణంగా కాకి ఎలుకను చూసిందంటే వదలదు. దాన్ని పొడిచి పొడిచి.. తినేస్తుంది. అలాంటిది ఓ కాకి ప్రమాదంలో ఉన్న ఎలుకను కాపాడింది.

Crow Saves Rat

Ram Naramaneni |

Updated on: Dec 20, 2021 | 4:16 PM

సాధారణంగా కాకి ఎలుకను చూసిందంటే వదలదు. దాన్ని పొడిచి పొడిచి.. తినేస్తుంది. అలాంటిది ఓ కాకి ప్రమాదంలో ఉన్న ఎలుకను కాపాడింది. ఈ విచిత్ర ఘటనకు సంబంధించిన వీడియో ప్రస్తుతం సోషల్‌ మీడియాలో చక్కర్లు కొడుతోంది.

అదేదో మెయిన్‌ రోడ్డులాగ ఉంది.. అటూ ఇటూ వాహనాలు రద్దీగా తిరుగుతున్నాయి. ఈ క్రమంలో ఆ రోడ్డు దాటి అవతలి వైపుకు వెళ్లేందుకు రోడ్డుపై పాకుతూ వెళ్తోంది ఓ ఎలుక. వాహనాలేమో ఒకదాని తర్వాత ఒకటి గ్యాప్ లేకుండా వస్తూనే ఉన్నాయి. అవేమీ పట్టించుకోకుండా ఎలుక ముందుకు వెళ్తూనే ఉంది. ఇదంతా గమనించిన ఓ కాకి అక్కడికి వచ్చింది. రోడ్డు దాటుతున్న ఎలుకను వద్దు.. కార్లొస్తున్నాయి.. అన్నట్టుగా దాని తోక పట్టుకొని వెనక్కి లాగుతోంది. అమ్మో ఈ కాకి నన్ను తినేయడానికి వచ్చేందేమో అనుకుని అది ముందుకు వెళ్తూనే ఉంది. ముందుకెళ్తే నుయ్యి వెనక్కెళ్తే గొయ్యి అన్నట్టుంది ఎలుక పరిస్థితి. కానీ అలా జరగలేదు. ఆ కాకి ఎలుకను కార్ల కిందపడి చనిపోకుండా కాపాడింది. ఇందుకు సంబంధించిన వీడియో.. ఇన్‌స్టాగ్రామ్ లోని organik.paylasimlar అకౌంట్‌లో పోస్ట్ చేశారు. డిసెంబర్ 3న పోస్ట్ చేసిన ఈ వీడియోని వీక్షిస్తున్న లక్షల మంది నెటిజన్లు తెగ లైక్‌ చేస్తున్నారు. ఇది ఎక్కడ జరిగిందో తెలియదు కానీ ఈ వీడియో టిక్‌టాక్‌నుంచి తీసుకున్నట్లు తెలుస్తోంది. అయితే ఆ కాకి ఎలుకను కాపాడిందే.. తన ఆహారంగా మార్చుకోవడానికి అని కొందరు నెటిజన్లు కామెంట్స్ పెడుతున్నారు.

వాచ్ వీడియో