సాయి ధరమ్ తేజ్

మెగా మేనల్లుడు సాయి ధరమ్ తేజ్.. వైవిఎస్ చౌదరి దర్శకత్వంలో వచ్చిన రేయ్ సినిమాతో హీరోగా పరిచయం అయ్యాడు సాయి ధరమ్ తేజ్.. కానీ ఈ సినిమా కంటే ముందే పిల్ల నువ్వులేని జీవితం సినిమా ప్రేక్షకుల ముందుకు వచ్చింది. ఆ తర్వాత వరుసగా సినిమాలు చేస్తూ దూసుకుపోతున్నాడు తేజ్. సాయి ధరమ్ తేజ్ తన కెరీర్ లో ఎన్నో విభిన్నమైన సినిమాలు చేశాడు. ఒకానొక సమయంలో వరుస ఫ్లాప్స్ అందుకున్నాడు. ఆతర్వాత చిత్రలహరి సినిమాతో తిరిగి హిట్ అందుకున్నాడు. ఆ తర్వాత సోలో బ్రతుకే సోబెటర్, విరూపాక్ష సినిమాలతో మంచి హిట్ అందుకున్నాడు. చివరిగా మావయ్య పవన్ కళ్యాణ్ తో కలిసి ఓ సినిమా చేశాడు. పవన్ కళ్యాణ్ తో కలిసి బ్రో అనే సినిమా చేశాడు తేజ్. మదర్స్ డే సందర్భంగా తన తల్లి పేరును తన పేరుగా మార్చుకున్నాడు తేజ్.. ఇక నుంచి తన పేరు సాయి దుర్గ తేజ్ అని అనౌన్స్ చేశాడు తేజ్.