బీఆర్ఎస్
భారత్ రాష్ట్ర సమితి (బీఆర్ఎస్) తెలంగాణ రాష్ట్రానికి చెందిన ప్రముఖ రాజకీయ పార్టీ. గతంలో తెలంగాణ రాష్ట్ర సమితి(టీఆర్‌ఎస్)గా ఉన్న పార్టీ పేరును.. జాతీయ రాజకీయాల్లోకి వెళ్లాలన్న ఉద్దేశంతో భారత్ రాష్ట్ర సమితి (బీఆర్ఎస్)గా మార్చారు. ప్రత్యేక తెలంగాణ సాధన లక్ష్యంతో ఈ పార్టీని 2001 ఏప్రిల్ 27న కల్వకుంట్ల చంద్రశేఖర్ రావు (కేసీఆర్) స్థాపించారు. తెలంగాణ సాధన ఉద్యమంలో బీఆర్ఎస్ కీలక పాత్ర పోషించింది. తెలంగాణ రాష్ట్ర ఆవిర్భావం తర్వాత 2014, 2018 అసెంబ్లీ ఎన్నికల్లో బీఆర్ఎస్ విజయం సాధించి అధికార పగ్గాలు చేపట్టింది. తెలంగాణ రాష్ట్ర సమితిగా ఉన్న పార్టీ పేరును 5 అక్టోబర్ 2022న భారత రాష్ట్ర సమితిగా మార్చారు. బీఆర్ఎస్ పేరుతో 2023 నవంబరులో జరిగిన అసెంబ్లీ ఎన్నికల్లో పోటీ చేసింది. ఈ ఎన్నికల్లో ఓటమితో బీఆర్ఎస్ తెలంగాణ అసెంబ్లీలో ప్రధాన ప్రతిపక్ష పార్టీగా ఉంది. 2014 అసెంబ్లీ ఎన్నికల్లో మొత్తం 117 స్థానాల్లో 63 సీట్లలో గెలుపొందిన బీఆర్ఎస్.. 2018 అసెంబ్లీ ఎన్నికల్లో 88 సీట్లు గెలుచుకుంది.2023 అసెంబ్లీ ఎన్నికల్లో 39 స్థానాలు గెలుచుకుంది. కేటీఆర్ ప్రస్తుతం బీఆర్ఎస్ వర్కింగ్ ప్రెసిడెంట్‌గా ఉన్నారు. ఆ పార్టీ ఎన్నికల చిహ్నం కారు.
అసెంబ్లీ ఎన్నికల్లో ఓటమి తర్వాత బీఆర్ఎస్ రాజకీయంగా గడ్డు పరిస్థితిని ఎదుర్కొంటోంది. పలువురు సీనియర్ నేతలు, ఎంపీలు, ఎమ్మెల్యేలు ఆ పార్టీని వీడి కాంగ్రెస్, బీజేపీలో చేరుతున్నారు. త్వరలో జరగనున్న లోక్‌సభ ఎన్నికలను ఎదుర్కొనేందుకు బీఆర్ఎస్ నాయకత్వం సర్వశక్తులు ఒడ్డుతోంది. బీఆర్ఎస్ 2004 సార్వత్రిక ఎన్నికల్లో 5 లోక్‌సభ స్థానాలు, 2009లో 2, 2014లో 11, 2019లో 9 లోక్‌సభ స్థానాల్లో గెలుపొందింది.
ఇంకా చదవండి
పంటలు ఎండేకాలం – గుండెలు మండేకాలం.. కరువు కోరల్లోకి తెలంగాణ..!
తెలంగాణను ఎల్‌నినో కరువు కోరల్లోకి నెట్టింది. వర్షాభావం, ప్రాజెక్టుల్లో నీటి కొరతతో పంటలు ఎండిపోతున్నాయి. విద్యుత్ సంక్షోభం, కరెంటు కోతలు సాగును దెబ్బతీస్తున్నాయి. తాగునీటికి కూడా సమస్యలు నెలకొంటున్నాయి. ప్రభుత్వం నీటి కోసం ప్రయత్నిస్తున్నా, రైతులు క్రాప్ హాలిడేకు సిద్ధపడాల్సి వస్తుందని హెచ్చరిస్తోంది. ఈ తీవ్ర పరిస్థితి తెలంగాణను అతలాకుతలం చేస్తోంది. ఎగువ నుంచి నీళ్లు రావు.. ఉన్న నీళ్లను ఎత్తిపోసి నారుమళ్లను తడుపుదామంటే లిఫ్ట్ మోటార్లకు సరిపడా కరెంటు లేదు. మొత్తంగా ఇరిగేషన్ సిస్టమే బిక్కమొహమేసింది. పగవాడిక్కూడా రాకూడని కష్టం కదా ఇది? ఎల్‌నినో రక్కసి నోళ్లు తెరిచిందనడానికి ఇంతకంటే ఏం కావాలి రుజువు? తెలంగాణలో జడలు విప్పిన కరువు. ఫస్ట్ షేడ్స్‌ ఏంటి, ప్రభుత్వం ఏమంటోంది.. యాక్షన్ ప్లాన్ రెడీ అయ్యిందా?
- Balaraju Goud
- Updated on: Oct 15, 2026
- 9:55 pm
దుమ్ముదుమారమే.. సీఎం హోదాలో తొలిసారి సిరిసిల్లకు రేవంత్ రెడ్డి.. కేటీఆర్ బహిరంగ లేఖ..
సిరిసిల్లపై కాంగ్రెస్ ప్రత్యేక ఫోకస్‌ పెట్టింది. ఇవాళ సుమారు రూ.345 కోట్ల అభివృద్ధి పనులకు సీఎం రేవంత్ రెడ్డి శ్రీకారం చుట్టబోతున్నారు. అయితే బీఆర్ఎస్ కంచుకోటగా భావిస్తున్న సిరిసిల్లలో.. సీఎం రేవంత్ రెడ్డి పర్యటన ఆసక్తి రేపుతోంది. బీఆర్‌ఎస్‌కు కౌంట్‌డౌన్‌ మొదలైందని మంత్రులు ఆరోపిస్తున్న తరుణంలో.. ఆ పార్టీ నేతలు కూడా అదేస్థాయిలో కౌంటర్‌ ఇస్తుండటంతో రాజకీయంగా వేడి రాజుకుంది.
- Shaik Madar Saheb
- Updated on: Sep 30, 2026
- 7:28 am
ఎమ్మెల్యే దానం నాగేందర్ అనర్హత వేటు పిటిషన్‌పై నేడు విచారణ.. సుప్రీంకోర్టు తీర్పుపై ఉత్కంఠ!
ఖైరతాబాద్ MLA దానం నాగేందర్‌పై తెలంగాణ హైకోర్టు విధించిన అనర్హత వేటును సవాల్ చేస్తూ సుప్రీంకోర్టులో నేడు విచారణ జరగనుంది. 2023లో BRS నుండి గెలిచి 2024లో కాంగ్రెస్ తరపున పోటీ చేసినందున హైకోర్టు ఆయన్ను అనర్హుడిగా ప్రకటించింది. దానం తన అనర్హతకు రాజ్యాంగపరమైన నిబంధనలు లేవని వాదించారు. సుప్రీంకోర్టు తీర్పుపై సర్వత్రా ఉత్కంఠ నెలకొంది.
- Gopikrishna Meka
- Updated on: Sep 24, 2026
- 7:33 am
దానం నాగేందర్ అనర్హతపై కీలక ట్విస్ట్.. సుప్రీంకోర్టులో కెవియట్ పిటిషన్ దాఖలు!
ఖైరతాబాద్ ఎమ్మెల్యే దానం నాగేందర్ అనర్హత వ్యవహారం తెలంగాణ రాజకీయాల్లో కీలక మలుపు తిరిగింది. హైకోర్టు అనర్హత తీర్పును సవాల్ చేస్తూ ఆయన సుప్రీంకోర్టును ఆశ్రయించారు. బీజేపీ, బీఆర్ఎస్ నేతలు ముందుగానే కెవియట్ పిటిషన్లు దాఖలు చేశారు. దీంతో సుప్రీంకోర్టు తీర్పు, ఖైరతాబాద్ ఉప ఎన్నికపై తీవ్ర ఉత్కంఠ నెలకొంది. పార్టీ ఫిరాయింపుల కేసులో ఈ పరిణామాలు రాష్ట్ర రాజకీయాల్లో చర్చనీయాంశంగా మారాయి.
- Gopikrishna Meka
- Updated on: Sep 19, 2026
- 7:34 pm
దానం నాగేందర్‌పై హైకోర్టు సంచలన తీర్పు.. బీఆర్ఎస్, బీజేపీ నేతల సంచలన వ్యాఖ్యలు!
తెలంగాణ హైకోర్టు దానం నాగేందర్‌ను అనర్హుడిగా ప్రకటించడంతో ఖైరతాబాద్ ఉపఎన్నిక అనివార్యమైంది. బీఆర్ఎస్ ఎమ్మెల్యేగా గెలిచి కాంగ్రెస్‌లో చేరిన ఆయనపై ఈ తీర్పు వచ్చింది. బీఆర్ఎస్, బీజేపీ నేతలు తీర్పును స్వాగతిస్తూ, ఫిరాయింపులపై కాంగ్రెస్ డొల్లతనాన్ని ఎండగట్టారు. మిగిలిన ఫిరాయింపుదారులపైనా చర్యలు తీసుకోవాలని డిమాండ్ చేశారు. ఇది రాష్ట్ర రాజకీయాల్లో కీలక మలుపు.
- Balaraju Goud
- Updated on: Sep 18, 2026
- 5:13 pm
‘కేసీఆర్’ ఫామ్హౌస్ లెక్కలు తీయండి.. అసెంబ్లీ వేదికగా విచారణకు సీఎం రేవంత్ రెడ్డి ఆదేశం!
మాజీ సీఎం కేసీఆర్ ఎర్రవల్లి ఫామ్హౌస్ భూములపై తెలంగాణ సీఎం రేవంత్ రెడ్డి విచారణకు ఆదేశించారు. 700 ఎకరాల ప్రభుత్వ భూముల గుర్తించి, పేదలకు పంపిణీ చేస్తామన్నారు. కేసీఆర్ కుటుంబంతో పాటు పలువురు బీఆర్ఎస్ నేతల భూములపైనా ఆరోపణలతో తెలంగాణ రాజకీయం వేడెక్కింది. 30 రోజుల్లో నివేదిక ఇవ్వాలని సీఎం అధికారులను ఆదేశించారు.
- Balaraju Goud
- Updated on: Sep 16, 2026
- 5:12 pm
దుమ్ముదుమారం.. 22Aపై కీలక చర్చ..! తెలంగాణ అసెంబ్లీ సమావేశాలు లైవ్
తెలంగాణ అసెంబ్లీ సమావేశాలు నాలుగో రోజు ప్రారంభమయ్యాయి. 22Aపై అసెంబ్లీ, శాసన మండలిలో చర్చ జరగనుంది. తెలంగాణ శాసనమండలిలో 22Aపై వెంటనే చర్చించాలని బీఆర్ఎస్ డిమాండ్ చేసింది. ప్లకార్డులతో నిరసన, వాకౌట్‌కు దిగింది. మార్షల్స్ మోహరింపుపై అభ్యంతరాలు వ్యక్తం కాగా, చైర్మన్ గుత్తా సుఖేందర్ రెడ్డి కీలక వ్యాఖ్యలు చేశారు.
- Shaik Madar Saheb
- Updated on: Sep 10, 2026
- 11:32 am
Telangana Assembly Live: మూడో రోజు పక్కా యాక్షన్ ప్లాన్.. తెలంగాణ అసెంబ్లీ సమావేశాలు లైవ్..
తెలంగాణ అసెంబ్లీ సమావేశాలు మూడోరోజుకు చేరుకున్న వేళ రాజకీయ వేడి మరింత పెరిగింది. తాతా మధు వ్యవహారంపై మండలిలో చర్చ జరగనుండగా, హేట్ స్పీచ్ అంశంపై సీఎం రేవంత్‌రెడ్డి చర్చలో పాల్గొననున్నారు. మరోవైపు మహిళా ఎమ్మెల్యేల పట్ల పోలీసుల వ్యవహారంపై ఫిర్యాదు చేసేందుకు బీఆర్ఎస్ ఎమ్మెల్యేలు గవర్నర్‌ను కలవనున్నారు. దీంతో ఇవాళ అసెంబ్లీలో బీఆర్ఎస్, కాంగ్రెస్ వ్యూహాలు ఎలా ఉండబోతున్నాయి? బీజేపీ ఎలాంటి వైఖరి తీసుకుంటుందన్నది ఆసక్తికరంగా మారింది.
- Shaik Madar Saheb
- Updated on: Sep 9, 2026
- 10:00 am
Telangana Assembly: రెండోరోజూ ఆరని జ్వాల.. రగిలించిందెవరు? చలి కాచుకుంటున్నదెవరు?
తెలంగాణ అసెంబ్లీ సమావేశాల రెండో రోజూ కాంగ్రెస్, బీఆర్ఎస్ మధ్య రాజకీయ వేడి మరింత పెరిగింది. స్పీకర్ గడ్డం ప్రసాద్‌పై తాతా మధు, నవీన్‌రెడ్డి వ్యాఖ్యలతో మొదలైన వివాదం అరెస్టులు, సస్పెన్షన్లు, అసెంబ్లీ తీర్మానాలు, ఎర్రవల్లి ఫామ్హౌస్ వద్ద ఘర్షణల వరకు వెళ్లింది. మరోవైపు కేసీఆర్‌పై షాద్‌నగర్ ఎమ్మెల్యే వీర్లపల్లి శంకర్ వ్యాఖ్యలను బీఆర్ఎస్ టార్గెట్ చేస్తోంది. ఈ నేపథ్యంలో కాంగ్రెస్ వర్సెస్ బీఆర్ఎస్ రాజకీయ పోరులో ఎవరిది పైచేయి? బీజేపీ మాత్రం ప్రజా సమస్యలపై చర్చకు డిమాండ్ చేస్తోంది.
- Shaik Madar Saheb
- Updated on: Sep 8, 2026
- 9:50 pm
స్పీకర్‌పై అనుచిత వ్యాఖ్యలు.. మండలి నుంచి తాతా మధు, నవీన్ రెడ్డి సస్పెన్షన్..
స్పీకర్‌పై అనుచిత వ్యాఖ్యలు చేసిన బీఆర్ఎస్ ఎమ్మెల్సీలు తాతా మధు, నవీన్ రెడ్డిపై చర్యలు తీసుకున్నారు. తెలంగాణ శాసనమండలి చైర్మన్ గుత్తా సుఖేందర్ రెడ్డి ఇద్దరు ఎమ్మెల్సీలను ఈ సెషన్ మొత్తం మండలి నుంచి సస్పెండ్ చేశారు. అంతకుముందు అసెంబ్లీలో కాంగ్రెస్, సీపీఐ, ఎంఐఎం ఎమ్మెల్యేలు చర్యలు తీసుకోవాలని డిమాండ్ చేయడంతో తీర్మానం చేసి మండలి చైర్మన్‌కు పంపించారు.
- Shaik Madar Saheb
- Updated on: Sep 8, 2026
- 6:11 pm
స్పీకర్‌పై అనుచిత వ్యాఖ్యలు.. తాతా మధు, నవీన్ రెడ్డిపై చర్యలకు అసెంబ్లీలో తీర్మానం..
తెలంగాణ అసెంబ్లీలో స్పీకర్ గడ్డం ప్రసాద్‌పై బీఆర్ఎస్ ఎమ్మెల్సీలు తాతా మధు, నవీన్‌రెడ్డి చేసిన అనుచిత వ్యాఖ్యల అంశంపై తీవ్ర చర్చ జరిగింది. ఇద్దరు ఎమ్మెల్సీలపై చర్యలు తీసుకోవాలని మంత్రి దామోదర రాజనర్సింహా ప్రవేశపెట్టిన తీర్మానానికి సభ ఆమోదం తెలిపింది. బీఆర్ఎస్ సభ్యుల ప్రవర్తనపై కేసీఆర్ క్షమాపణ చెప్పాలని కూడా తీర్మానం చేశారు. తీర్మానం కాపీని మండలి చైర్మన్‌కు పంపించాలని నిర్ణయించారు.
- Shaik Madar Saheb
- Updated on: Sep 8, 2026
- 5:12 pm
Telangana Assembly: ఆరంభమే అదిరింది.. క్లయిమాక్స్‌ దాకా లెట్స్ డూ కుమ్ముడేనా..?
తెలంగాణ అసెంబ్లీ సమావేశాల తొలిరోజే రాజకీయ రగడ తీవ్రస్థాయికి చేరింది. బీఆర్ఎస్ నేతల నల్లచొక్కాల నిరసన, ఎమ్మెల్సీ తాతా మధు వ్యాఖ్యలు, స్పీకర్ గౌరవంపై వివాదం, కాంగ్రెస్-బీఆర్ఎస్ పరస్పర ఆరోపణలు హాట్‌టాపిక్‌గా మారాయి. మరోవైపు 22ఏ భూముల అంశంపై చర్చకు బీజేపీ పట్టుబడుతోంది. ఫీజు రీయింబర్స్‌మెంట్ బకాయిలపై ఆందోళనకు దిగిన బీజేపీ నేతలను పోలీసులు అడ్డుకున్నారు.
- Shaik Madar Saheb
- Updated on: Sep 7, 2026
- 9:50 pm
