TET Exam: రేపే టెట్ పరీక్ష.. కీలక సూచనలు చేసిన అధికారులు

తెలంగాణలో సెప్టెంబరు 15న టెట్‌(టీచర్‌ ఎలిజిబులిటీ టెస్ట్‌)-2023 పరీక్షను నిర్వహించనున్నారు. అయితే ఇందుకోసం ఇప్పటికే కట్టుదిట్టమైన ఏర్పాట్లను అధికారులు. సీసీటీవీ కెమెరాల నిఘాలో టెట్ పరీక్షను నిర్వహించనున్నారు. ఇక వివరాల్లోకి వెళ్తే.. సెప్టెంబరు 15న ఉదయం 9.30 నుంచి మధ్యాహ్నం 12 గంటల వరకు పేపర్‌-1 పరీక్ష జరగనుంది. అలాగే మధ్యాహ్నం 2.30 నుంచి సాయంత్రం 5 గంటల వరకు పేపర్‌-2 పరీక్షను నిర్వహించనున్నారు. అయితే ఇందుకు రాష్ట్ర వ్యాప్తంగా కూడా మొత్తం 2052 వరకు పరీక్షా కేంద్రాలను అధికారులు ఏర్పాటు చేశారు. వీటిలో పేపర్‌-1కు 1139 పరీక్షా కేంద్రాలు ఉన్నాయి అలాగే పేపర్‌-2 పరీక్ష నిర్వహణ కోసం 913 కేంద్రాలను కేటాయించారు. ఇదిలా ఉండగా.. టెట్ పరీక్షకు సంబంధించి ‘పేపర్‌-1’ పరీక్షకు 2,69,557 మంది అభ్యర్థులు హాజరుకానున్నారు. అయితే ‘పేపర్‌-2’పరీక్షకు 2,08,498 మంది అభ్యర్థులు హాజరు కానున్నారు. ఇక మొత్తంగా చూసుకుంటూ 4,78,055 మంది అభ్యర్థులు టెట్‌ పరీక్షకు హాజరుకానున్నాయి.

అలాగే ప్రతీ పరీక్షా కేంద్రానికి ఒకరు చొప్పున మొత్తం 2052 మంది చీఫ్‌ సూపరింటెండెంట్‌ అధికారులను నియమించనున్నారు. అలాగే 2052 మంది డిపార్ట్‌మెంటల్‌ ఆఫీసర్స్‌, 22,572 మంది ఇన్విజిలేటర్లు, 10,260 మంది హాల్‌ సూపరింటెండెంట్లు కూడా నియమించనున్నారు. అంతేకాదు అన్ని జిల్లాల కలెక్టర్లు, డీఈవోలు కూడా పరీక్ష ఏర్పాట్లను దగ్గరుండి పర్యవేక్షించనున్నారు. అలాగే పకడ్బందీగా పరీక్షలు నిర్వహించేందుకు సీసీటీవీ కెమెరాలను చీఫ్‌ సూపరింటెండెంట్‌ రూంలో ఏర్పాటు చేసేలా.. ప్రశాంత వాతావరణంలో పరీక్షలు జరిగేలా.. అలాగే ఎలాంటి విద్యుత్‌ అంతరాయం లేకుండా చర్యలు తీసుకోవాలని అధికారులకు ఆదేశాలు జారీ చేశారు. అలాగే వైద్య సిబ్బందిని. మందులు కూడా అందుబాటులో ఉంచాలని సూచనలు చేశారు. పరీక్షకు హాజరయ్యే అభ్యర్థులు పరీక్షా కేంద్రాలకు సమయానికి వచ్చేటట్లు.. ఆయా రూట్లలో బస్సు సౌకర్యాలు కల్పించాలని.. ఆర్టీసీ సంస్థను విద్యాశాఖ అధికారులు కోరారు.

అలాగే పరీక్షా కేంద్రాల వద్ద పోలీసుల భారీ బందోబస్తును ఏర్పాటు చేయాలని చెప్పారు. అలాగే పరీక్షలు సజావుగా జరిగేలా డిస్ట్రిక్ట్‌ లెవల్‌ అబ్జర్వర్లను నియమించాలని చెప్పారు. మరోవైపు అధికారులు అభ్యర్థులకు పలు సూచనలు చేస్తున్నారు. అప్పటికప్పుడు పరీక్షా కేంద్రాలకు చేరకుండా ఒక రోజు ముందుగానే తమ పరీక్షా కేంద్రాలను అభ్యర్థులు చూసుకోవాలని అధికారులు చెబుతున్నారు. అలాగే అభ్యర్థులు.. తమ వెంట రెండు బాల్ పాయింట్ బ్లాక్ పెన్నులు, హాల్‌టికెట్ తెచ్చుకోవాలని చెప్పారు. మొబైల్ ఫోన్లు, ఇతల ఎలక్ట్రానిక్ పరికరాలకు అనుమతి లేదని చెప్పారు. అలాగే ఓఎంఆర్‌ షీట్‌ను మలవకూడదని.. దానిపై ఎటువంటి పిన్నులు కొట్టకూడదని సూచించారు. ఆన్సర్‌ చేసేటప్పుడు ఓఎంఆర్‌ షీట్‌పైన ఉండే సర్కిల్‌ను పూర్తిగా షేడ్‌ చేస్తేనే ఆ ఆన్సర్‌ను తాము పరిగణలోకి తీసుకుంటారని చెప్పారు.ఒకవేళ అభ్యర్థులకు తమ పేరులో ఏమైనా స్వల్ప అక్షర దోషాలు, వివరాలు సరిగా లేనట్లేతే పరీక్ష హాలులోని నామినల్‌ రోల్‌ కమ్‌ ఫోటో ఐడెంటిటీలో సవరించుకోవాల్సి ఉంటుందని సూచించారు.

ఇవి కూడా చదవండి

ఎన్ని ట్రిక్కులు వేసినా గెలిచేది మేమే..

ఒంగోలు బాసు - బాలినేని వాసు అంటున్న అనుచరులు

టెక్నాలజీలో ప్రపంచానికే భారత్ మార్గదర్శి.

దేశంలోని ముఖ్యమైన నదులలో ఇది కూడా ఒకటి.. కానీ, భూమిపై కనిపించదు..

మరిన్ని తెలంగాణ వార్తల కోసం ఇక్కడ క్లిక్ చేయండి..