Watch Video: సామాన్యుడికి సెలబ్రిటీతో పరిచయం.. ఖండాలకు విస్తరించిన ఇతగాడి కళ..

ఇద్దరి అభిరుచులు వేరైనా.. వారి లక్ష్యం ఒక్కటే. ప్రపంచ స్థాయిలో గుర్తింపు కోసం ఖండాలు దాటిన స్నేహం. కృషి ఉంటే మనుషులు ఋషులు అవుతారంటారు. అలాగే తన ఉన్న కళ నుంచి వచ్చిన ప్రఖ్యాతలతో పాటుగా ప్రపంచ స్థాయిలో గుర్తింపు పొందాలని పట్టుపట్టాడు. అందుకోసం తనలోని నైపుణ్యాన్ని ఎప్పటికప్పుడు పెంచుకుని ఒక శిల్పి‎గా మారాడు ఒక యువకుడు. తాను ఒక శిల్పి నే అని ప్రపంచానికి చూపించాడు. కాకపోతే అందరిలా రాళ్ల పై శిల్పాలు చెక్కే శిల్పి కాదు. అతి చిన్న పెన్సిల్ మోనలపై అద్భుతమైన కళా ఖండాలకు జీవం పోస్తాడు. ఖమ్మం జిల్లా సత్తుపల్లికి చెందిన గౌరీ శంకర్ అనే యువకుడు మైక్రో ఆర్టిస్ట్‎గా ఎన్నో రికార్డులు సాధించాడు. తనకు ఉన్న అభిరుచిని సానబట్టి పెన్సిల్ లిడ్ మీద జాతీయ, అంతర్జాతీయ చిత్రాలకు రూపం పోశాడు. నైజీరియా దేశస్థుడు ప్రపంచ పాప్ సింగర్‎గాను, మోడల్‎గాను, సినీ పాటల రచయితగా, సినీ ఆర్టిస్టుగా రాణిస్తున్న నిక్సన్ అనే యువకుడితో సత్తుపల్లికి చెందిన మైక్రో ఆర్టిస్ట్ గౌరీ శంకర్‎ల మధ్య స్నేహం బలపడింది.

వీరిద్దరి లక్ష్యం ఒక్కటే.. తాము చేసే పనిలో ప్రపంచ స్థాయిలో మంచి గుర్తింపు రావాలని కోరుకుంటున్నారు. అందుకే వారి అభిరుచులు వేరైనా తమ లక్ష్య సాధన కోసం.. ఖండాలు దాటిన వీరి స్నేహం ఒక ఆల్బమ్‎గా రూపం దాల్చింది. ఒక ప్రైవేట్ ఆల్బమ్ సాంగ్‎లో మైక్రో ఆర్టిస్ట్‎గా ఒక పెన్సిల్ మోన‎పై చెట్టు కొమ్మ మీద లైగర్ పడుకుని ఉన్న శిల్పం చెక్కుతూ ఉంటాడు. గౌరీ శంకర్‎తో పాటుగా నైజీరియా దేశస్థుడు పాప్ సింగర్ నిక్సన్ పాటలు పాడుతూ నృత్యం చేస్తూ ఆల్బమ్ చేశాడు. ఇలా ఇండియాలోని తెలంగాణ ఖమ్మం జిల్లా సత్తుపల్లికి చెందిన ఒక మైక్రో ఆర్టిస్ట్, నైజీరియాలోని నిక్సన్ పాప్ సింగర్ తో కలిసి ఇద్దరి టాలెంట్‎ను ఒక వేదికగా చేసుకుని ఆల్బమ్ సాంగ్ చెయ్యడం సోషల్ మీడియాలో హల్ చల్ చేస్తుంది. చిన్నతనం నుంచి ప్రత్యేకతను చాటే గౌరీకి తన లక్ష్యం నెరవేరాలని సత్తుపల్లి ప్రాంతం వాసులు కోరుకుంటున్నారు.

ఇవి కూడా చదవండి

ఈదురు గాలులకు ఊయలతో సహా ఎగిరిపడి.. ఐదేళ్ల చిన్నారి మృతి

డాక్టర్ల నిర్లక్ష్యంతో పసికందు మృతి.. కుటుంబ సభ్యుల ఆందోళన..

వడగండ్ల వానతో దెబ్బతిన్న పంట.. ఆందోళనలో రైతులు.

ఈ నియోజకవర్గ బీజేపీ అభ్యర్థికి సొంతపార్టీలోనే కుంపటి..

మరిన్ని తెలంగాణ వార్తల కోసం ఇక్కడ క్లిక్ చేయండి..