Hyderabad Traffic Diversion: జాతీయ సమైక్యతా దినోత్సవం.. ఈ మార్గాల్లో ట్రాఫిక్ ఆంక్షలు

National Integration Day: సెప్టెంబర్ 17 సందర్భంగా ఇవాళ తెలంగాణ ప్రభుత్వం రాష్ట్ర వ్యాప్తంగా ఘనంగా జాతీయ సమైక్యతా దినోత్సవాన్ని నిర్వహిస్తోంది. మరోవైపు కేంద్ర ప్రభుత్వం ఆధ్వర్యంలో  తెలంగాణ విమోచన దినోత్సవాన్ని బీజేపీ ఘనంగా నిర్వహిస్తోంది. కేంద్ర ప్రభుత్వం తరఫున హైదరాబాద్‌లో అనేక కార్యక్రమాలు నిర్వహిస్తున్నారు. కేంద్ర హోంమంత్రి అమిత్ షా ఈ వేడుకల్లో పాల్గొననున్నారు. అయితే, అమిత్ షా పర్యటన నేపథ్యంలో హైదరాబాద్ ట్రాఫిక్ పోలీసులు ట్రాఫిక్ ఆంక్షలు విధించారు. శనివారం పరేడ్ గ్రౌండ్స్‌లో జరిగే ‘తెలంగాణ విమోచన దినోత్సవం’ వేడుకలకు అమిత్ షా హాజరుకానున్నారు. ఈ నేపథ్యంలోనే ట్రాఫిక్‌ను క్లియర్ చేసేందుకు పలు ఆంక్షలు విధించారు. ఆయా రూట్లలో ట్రాఫిక్‌ను మళ్లించారు. ఈ మేరకు సదరు రూట్స్ వివరాలను వెల్లడించారు అధికారులు.

ట్రాఫిక్ ఆంక్షలు ఉండే రూట్స్ ఇవే..

1. పరేడ్ గ్రౌండ్స్, సికింద్రాబాద్, పరేడ్ గ్రౌండ్ చుట్టుపక్కల రోడ్ల వైపు ఆంక్షలు విధించడం జరిగింది. టివోలి ఎక్స్-రోడ్స్ నుండి ప్లాజా ఎక్స్-రోడ్స్ మధ్య రోడ్డు మూసివేయడం జరిగింది.

2. సికింద్రాబాద్ రైల్వే స్టేషన్, JBS మధ్య ఉదయం రైళ్లలో ప్రయాణించాలనుకునే సాధారణ ప్రయాణీకులు.. జంక్షన్లలో ట్రాఫిక్ రద్దీ ఉండే అవకాశం ఉన్నందున సకాలంలో రైల్వే స్టేషన్‌కు చేరుకోవడానికి త్వరగా బయలుదేరాలని సూచించారు పోలీసులు.

3. ట్రాఫిక్ ఆంక్షలు ఉండే ఏరియాలు..

• చిలకలగూడ X రోడ్లు
• ఆలుగడ్డ బాయి X రోడ్లు
• సంగీత్ ఎక్స్ రోడ్స్
• YMCA X రోడ్లు
• పాట్నీ X రోడ్లు
• SBH X రోడ్లు
• ప్లాజా
• CTO జంక్షన్
• బ్రూక్‌బాండ్ జంక్షన్
• టివోలి జంక్షన్
• స్వీకర్ ఉపాకర్ జంక్షన్
• సికింద్రాబాద్ క్లబ్
• త్రిముల్‌గేరీ X రోడ్లు
• టాడ్‌బండ్ X రోడ్లు
• సెంటర్ పాయింట్
• డైమండ్ పాయింట్
• బోవెన్‌పల్లి X రోడ్లు
• రసూల్‌పురా, బేగంపేట్

డైవర్షన్ పాయింట్‌లు..

1. CTO నుండి సికింద్రాబాద్ వైపు వచ్చే ట్రాఫిక్ పరేడ్ గ్రౌండ్ పక్కన ఉన్న రహదారి నుండి అనుమతించబడదు. ప్లాజా ఎక్స్-రోడ్‌లు నుండి ఎస్‌బిఐ ఎక్స్-రోడ్ రోడ్డు మూసివేయబడతాయి. YMCA ఫ్లై ఓవర్ ద్వారా మాత్రమే ట్రాఫిక్ అనుమతించబడుతుంది.

2. బోయిన్‌పల్లి, తాడ్‌బండ్ నుండి టివోలి వైపు వచ్చే ట్రాఫిక్ బ్రూక్ బాండ్ వద్ద CTO వైపు మళ్లించబడుతుంది.

3. కార్ఖానా, JBS నుండి SBH-ప్యాట్నీ వైపు వచ్చే ట్రాఫిక్‌ను స్వీకర్ ఉపకార్ వద్ద టివోలి-బ్రూక్ బాండ్ వైపు మళ్లిస్తారు – బాలమ్రాయ్-CTO.

4. కార్ఖానా, JBS నుండి SBH-ప్యాట్నీ వైపు వచ్చే ట్రాఫిక్ స్వీకర్ ఉపకార్ వద్ద YMCA – క్లాక్ టవర్ – ప్యాట్నీ వైపు మళ్లించబడుతుంది (పరిస్థితిని బట్టి).5. SB

I నుండి వచ్చే ట్రాఫిక్, వాహనాలు స్వీకర్ ఉపకార్ వైపు అనుమతించబడవు, YMCA లేదా CTO వైపు మళ్లించబడుతుంది.

6. RTA త్రిముల్‌గేరీ, కార్ఖానా, మల్కాజ్‌గిరి, సఫిల్‌గూడ నుండి ప్లాజా వైపు వచ్చే ట్రాఫిక్ టివోలి వద్ద స్వీకర్-ఉప్కార్, YMCA లేదా బ్రూక్ బాండ్, బాలమ్రాయ్, CTO వైపు మళ్లించబడుతుంది.

7. టివోలి ఎక్స్-రోడ్ల నుండి ప్లాజా ఎక్స్-రోడ్ల మధ్య రోడ్డు రెండు వైపులా మూసివేయబడుతుంది.

8. UPSC సివిల్ సర్వీస్ మెయిన్స్ పరీక్షకు హాజరయ్యే అభ్యర్థులు తమ హాల్ టికెట్/ఐడీ కార్డ్‌ని చూపడం ద్వారా బారికేడింగ్ పాయింట్ల వద్ద అనుమతించడం జరుగుతుంది.

మరిన్ని తెలంగాణ వార్తల కోసం ఈ లింక్ క్లిక్ చేయండి..