SCR: ప్రయాణీకులకు అలర్ట్.. పలు రైళ్లు, ఎంఎంటీఎస్ సర్వీసులు రద్దు.. పూర్తి వివరాలివే..
ప్రయాణీకులకు దక్షిణ మధ్య రైల్వే కీలక అప్డేట్ చేసింది. హైదరాబాద్ నగరంలో పలు ఎంఎంటీఎస్లు, దూర ప్రాంతాలకు మధ్య నడిచే ప్యాసింజర్ రైళ్లు తాత్కాలికంగా రద్దయ్యాయి. మరమ్మతుల పనుల కారణంగానే ఈ నిర్ణయం...
Updated on: Jan 11, 2023 | 8:28 PM
ప్రయాణీకులకు దక్షిణ మధ్య రైల్వే కీలక అప్డేట్ చేసింది. హైదరాబాద్ నగరంలో పలు ఎంఎంటీఎస్లు, దూర ప్రాంతాలకు మధ్య నడిచే ప్యాసింజర్ రైళ్లు తాత్కాలికంగా రద్దయ్యాయి. మరమ్మతుల పనుల కారణంగానే ఈ నిర్ణయం తీసుకున్నట్లు దక్షిణ మధ్య రైల్వే వెల్లడించింది. రేపు(గురువారం) నడిచే ప్యాసింజర్ రైళ్లు రద్దయ్యాయి. ప్యాసింజర్ రైళ్లలో విజయవాడ-భద్రాచలం రోడ్, భద్రాచలం రోడ్-విజయవాడ, సికింద్రాబాద్-వరంగల్, వరంగల్-సికింద్రాబాద్ సర్వీసులు ఉన్నాయి. ఎంఎంటీఎస్ రైళ్లల్లో ఫలక్నుమా-లింగంపల్లి, లింగంపల్లి-ఫలక్నుమా, లింగంపల్లి-హైదరాబాద్, హైదరాబాద్-లింగంపల్లి, ఆర్సీ పురం-ఫలక్నుమా, ఫలక్నుమా-ఆర్సీ పురం, ఫలక్నుమా-హైదరాబాద్ల మధ్య ఎంఎంటీఎస్ సర్వీసులు రద్దు చేస్తున్నట్లు ప్రకటించింది దక్షిణ మధ్య రైల్వే ప్రకటించింది.
మరోవైపు.. సంక్రాంతి రద్దీ దృష్ట్యా ప్రయాణికులకు దక్షిణ మధ్య రైల్వే శుభవార్త చెప్పింది. ఇప్పటికే వివిధ మార్గాల్లో ప్రత్యేక రైళ్లు నడుపుతున్న రైల్వే.. తాజాగా విశాఖ-సికింద్రాబాద్ మధ్య ప్రత్యేక రైళ్లను నడపడాలని నిర్ణయించింది. జనవరి 11 నుంచి 17 వరకు ఈ ప్రత్యేక రైళ్లు అందుబాటులో ఉంటాయి. జనవరి 11న రాత్రి 7.50 గంటలకు విశాఖలో బయలు దేరిన 08505 ప్రత్యేక రైలు మరుసటి రోజు ఉదయం 7.10కి సికింద్రాబాద్ చేరుకుంటుంది. జనవరి 11, 13, 16 తేదీల్లో ఈ రైలు అందుబాటులో ఉంటుంది.
జనవరి 12, 14, 17 తేదీల్లో సికింద్రాబాద్ నుంచి రాత్రి 7.40 కు బయలుదేరనున్న 08506 నంబర్ గల ప్రత్యేక రైలు.. తర్వాతి రోజు ఉదయం 8.20కి విశాఖ చేరుకుంటుంది. ఈ మేరకు రైల్వే అధికారులు వెల్లడించారు. మంగళవారం ఉదయం 8 గంటలకు రిజర్వేషన్లు ప్రారంభమవుతాయని చెప్పారు. పండుగకు సొంతూళ్లకు వెళ్లేవారు ఈ సౌకర్యాన్ని వినియోగించుకోవాలని కోరారు.
మరిన్ని తెలంగాణ వార్తల కోసం..
