Viral Video: ఆన్‌లైన్‌లో ఆయిల్‌ క్యాన్ ఆర్డర్ చేపిన కస్టమర్.. తీరా వచ్చాక ఓపెన్ చేయగా..

ప్రముఖ ఆన్‌లైన్ జెప్టో నుంచి 5లీటర్ల  ఆయిల్‌ క్యాన్ ఆర్డర్ చేసిన ఓ కస్టమర్‌కు ఆ బాటిల్‌లో ఆయిల్‌కు బదులు వాటర్ వచ్చిన ఘటన మేడ్చల్ పోలీస్ స్టేషన్ పరిధిలో వెలుగులోకి వచ్చింది. వివరాల్లోకి వెళ్తే.. బోడుప్పల్ మున్సిపల్ కార్పొరేషన్ చెంగిచెర్ల , క్రాంతి కాలనీలో నివాసం ఉంటున్న శరత్ యాదవ్ అనే వ్యక్తి ఈరోజు ఉదయం జెప్టోలో 5 లీటర్స్ ఫ్రీడమ్ ఆయిల్ క్యాన్ ఆర్డర్ పెట్టాడు. అయితే పెట్టిన కొద్దిసేపటికే డెలివరీ భాయ్ వచ్చి ఆర్డర్ చేసిన ఫ్రీడమ్ ఆయిల్ కాన్ ఇచ్చి వెళ్లాడు.

ఇక వెంటే ఇంట్లో వంట చేసేందుకు కుటుంబ సభ్యులు ఆయిల్ క్యాన్ ఓపెన్ చేయగా అందులో ఆయిల్‌కు బదులు నీళ్లు కనిపించాయి. అది చూసిన కస్టమర్ ఒక్కసారిగా కంగుతిన్నాడు. వెంటనే అతను ఆర్డర్ చేసిన జెప్టో కంపెనీ వాళ్లని సంప్రదించాడు. కానీ జెప్టో సిబ్బంది నుంచి ఎలాంటి సమాధానం రాకపోవడంతో, సిబ్బంది, జెప్టో సర్వీస్ తీరుపై ఆయన తీవ్ర అసహనం వ్యక్తం చేశారు.

ప్రీడమ్ ఆయిల్ ఒక బ్రాండ్ అని నమ్మి తాము ఆర్డర్ చేశామని.. తీరా డెలివరీ అయ్యాక చూస్తే అందులో నీళ్లు రావడంతో ఆశ్చర్యాన్ని కలిగించిందని సదురు వినియోగదారుడు వాపోయాడు. ఎట్టి పరిస్థితుల్లో దాన్ని ఉపేక్షించేది లేదని.. ఈ ఘటనపై తాను కన్జ్యూమర్ కోర్టులో వెళ్తానని వినియోగదారులు చెబుతున్నాడు.ఈ ఘటన ప్రస్తుతం సోషల్ మీడియాలో వైరల్‌గా మారింది.

వీడియో చూడండి..

ఫ్రీడమ్ సన్ ఫ్లవర్ ఆయిల్ క్యాన్ లో వాటర్ 🤯

హైదరాబాద్ బోడుప్పల్ లో విచిత్ర సంఘటన

5 లీటర్ల ఫ్రీడమ్ ఆయిల్ క్యాన్ ను జెప్టోలో ఆర్డర్ పెట్టిన శరత్ యాదవ్

జెప్టో వాళ్లని సంప్రదించగా నో రెస్పాండ్

కన్జ్యూమర్ కోర్టులో కేసు వేస్తానన్న శరత్ యాదవ్#Zepto #Boduppal #Hyderabad pic.twitter.com/Cj6L8Lo4U8

— the_pawankalyan_14 🔱🕉️ (@PraveenNaidu07) April 15, 2026

(గమనిక: పైన పేర్కొన్న అంశాలు ఆన్‌లైన్‌ ద్వారా సేకరించిన సమాచారం మేరకు మాత్రమే అందించబడినవి. వీటిని టీవీ9 దృవీకరించడం లేదు)

మరిన్ని తెలంగాణ వార్తల కోసం ఇక్కడ క్లిక్ చేయండి.